COLOSSIANS
कुलुसी च्या पत्र
1
पौला वोगेरोत जो परमेश्वरा इच्छा वाही मसीह यीशु उ प्रेरित होय आना पाहि तीमुथियुस वोगेरोत बी 2 ख्रिस्तामेहे स्थिर कलसैमेहे रोणाआरा आखे विश्वासु पायहोहो आना भक्तांआ नावे आमाआ आबहु परमेश्वर याहीरोत तुम्हामे कृपा आना शांती जोळे 3 जाहा आमु तुम्हाकोअता प्रार्थना कोईत रोतो कायम आपाआ प्रभू येशु ख्रिस्ताआ आबहू परमेश्वर याआ धन्यवाद कोईत रोतो 4 काहाके आमु ख्रिस्त येशु माय तुमाआ विश्वास तेहलूज आखे भक्तांच्या आखोज प्रमोब्द्दले उनाअयो होय 5 ऐ तिया आशेवाही उवे होय जी एहलो हाजूहोय होर्गाम होय आना ज्या विषयी तुमु पहिलुच खोरो संदेश म्हणजे सुवार्ता त्यापोरत उनाअयो होय 6 सुवार्ता आखे जगात सफळ उवनारा होयते सफळ उवनारा होय का जेहलो तुमाआ माय ओ तीवाआदेखुहु सफळता उवनारा होय जाहा तुमु परमेश्वराआ कृपा विषयी उनाअयो ओते आना खोरोज त्याहा होमजे ओते 7 आमुहू प्रिय होबती पावर इपफ्रास त्यापोरोत जे आमाअकोअता ख्रिस्त येशु माय विश्वासु पावर होय तुमु सुवार्ताआ हीनु लेधलो होय 8 आत्माद्वारे उत्तेजित तुमाआ प्यारमेहे पोन तिये आमुहू कोल्यो होय 9 याकोअता का ज्या दिहेरोत याविषयी उनाअयो होय आम्हुबी तुम्हाकोअता प्रार्थना कोइलाकोअता आना ओ विनंती कोइलाकोअता सोडये नाहा: प्रभूऊ ज्ञान, आखे प्रकाराआ सोमझेपोने जो आत्माआ आपोहो, तुम्हामे जोडयो ओवो आना तुमु बुद्धी बी जोडयो को 10 याकोअता का त्याआप्रकारे जीवित सेकेहे जेहलो प्रभूहु होबल्लू , हरएक प्रकारे तुमु प्रभूहु कायम खुश को तुमाआ आखे काम हमेशा सफळता जोडयो ओवे तुमाआ जीविलोकाजे हाजा कामाला फोल लागा तुमु प्रभू परमेश्वराआ ज्ञानात वोदिते रो 11 तो तुम्हामे आपाआ गौरवाच्या शक्तीवांही सदृढ बोनावोओ रोअलो याकोअता का विपत्तीच्या काली तिया आना वोडो हिमातवाही ते सहन कोहू सेकेहे 12 तिया बाहाआ धन्यवाद कोईत रो , जीआ तुम्हामे इही योग्य बोनाड्ल्ये का परमेश्वराआ तिया भक्तजनांआरी जो ज्योतीहोसे जीवोन जगत होय , तुमु उत्तराधिकारी मीडवीहे सहभागी ओवुहू सेकेहे 13 परमेश्वराने अंधारामेहे शक्तीहीदेखूअ आमुहू तारण कोल्यू आना आपाआ प्रिय पोऱ्या याआ राज्याम आमाआ प्रवेश कोईत आप्यू 14 तिया पुत्रवाही आमुहू सुटीत जोड़ी होये आम्हा पापीहीरोतेहे क्षमा जोड़ी होय 15 तो अदृश्य परमेश्वराआ रूप नजारू रूप होय तो आखे सृष्टीतील जेष्ठ होय 16 काहाके जे थोडे होर्गाम होय आना धोरतीपो होय त्याआ शक्तीवांही निर्माण उवे होय थोडे बी होय डोआवाही देखानारो अथवा न देखानारो होय, सिहासन होय का राज्य , जेबी कोडु शासक होय वा जेबी अधिकारी, आखे थोडे त्आ त्यापोरत निर्माण कोल्यो होय आना त्यांकोअता तीयार उवे होय 17 आखाम पालील्यो त्याआज अस्तित्व ओते त्याज शक्तीवांही आखे वस्तु बोणीत रोत्ले 18 ओ डील कोअतीज मोडली मुंडको तोच होय तोच पेल्लू ओते आना मोइलमरोत जीवतो उठिलोअ सर्वोच्च अधिकारी बी तोज होय याकोअता हरएक गोठीमे पेल्लू स्थान तीयाहा मिलुजोवे 19 काहाके आपाआ सामग्रीआरी परमेश्वराने त्यामे रोहू कोईत इच्छिले 20 त्याआ त्यापोरत आखे ब्रम्हांडाला परमेश्वर आपाहा फासी संयुक्त कोईत इच्छिले जे आखे धोरतीपो होय आना स्वर्गाचे होय त्याज रक्तवाही परमेश्वराने जुळाविते जे ख्रिस्ताने कृसापो वोहयो ओते 21 एक वेल ओतू जाहा तुमु आपाआ विचारकोईलो आना वाईट कानोवाही परमेश्वराकोअता अनोळखातीनाहा आना तिया विरोधकोनारो ओते 22 पोन ओमे जाहा ख्रिस्त आपाआ देहामेहे ओतू तेहालाम ख्रिस्ताआ मृत्यूद्वारे खुद स्वतःहा लेत लेधलो याकोअता तुमु स्वतःहा पवित्र, निष्कलंक आना निर्दोष बोणाडीत अगाडीकोआ जालो 23 ओ तोयोज ओवुहू गोयो जाहा तुमु विश्वासामेहे ख्रिस्ताम अटल बोणीत रो आना सुवार्ताआ साहायाने आप्यी जातिरोईली एहेज परित्याग कोहू नाहा जे तुमु उनाअयो होय याआ जुगोओ निसे होय हरएक जनावराहा तिया उपदेश आप्यू होय आना आय पौल तियाच पावर बोल्यू होय 24 ओमे पाला , आय तुम्हाकोअता जे मेहनत कोईत होय तीयाम आनदाआ अनुभव कोईत होय आना ख्रिस्ताआ देह कोअतीज मोडलीकोता ख्रिस्ताआ दुखामेहे जेन थोडे कोम रोल्या ओते त्याहा आपाआ डीलोवाही पुरो कोईत होय 25 परमेश्वरा तुमाआ फायदाकोता माहु जो आदेश आप्यू होय त्यावाही आय तिया पावर पोयो होय याकोअता का आय परमेश्वराआ सुवार्ता पुरो रीतीवाही प्रचार कोहू सेकेहे 26 ओ गूढ पुरो खोरो होय का जो पेल्लू काली लाखाच मोनामे आतु पोन ओमे याहा परमेश्वराआ त्यापोरत भक्तजणापोओ प्रकट पोयो होय 27 परमेश्वर आपाआ भक्त जोह ओ प्रकट कोहू इच्छित ओतू का ओ पुरो खोरो केते वैभव पुरो होय त्याजागे आ राजपुरो खोरो आखाकाजे होय आना आ गूढ पुरो खोरो ओ होय का ख्रिस्त तुमापोओ रोतलू आना परमेश्वराआ गौरव जोडयो कोइलाकोअता तो एक आमाआं आशा होय 28 आमुहू जो ज्ञान जोडयो उवे होय त्याआ योग्य वाप्रिलो कोईत आमु प्रत्येकाहा निर्दोष आना शिक्षण प्रदान कोईत रोतो याकोअता का आमु त्याहा ख्रिस्तामेहे त्याहा एक पुरोओत माहहू बोणाडीत परमेश्वराआ आगाडी उभे कोहू शकतो माअहुहू त्याज शिक्षण आपोहो तेहलूज आपाआ आखे ओक्कल हरएक माअहुहू त्याआज शिक्षण आपित रोतो याकोअता का हरएक माअहुहू ख्रिस्तामध्ये बोणीत परमेश्वराआ आगाडी उवो कोलो गोये 29 आय ह्याआ प्रयोजनाआ ख्रिस्ताआ शक्तीवांही जो मामेह शक्तीवाही काम कोईत होय , लोदाऐलो कोईत कडक परिश्रम कोईत होय.