4
ऐ पौशावाला आपाआ- आपाआ दासाआ आरी न्याय आना ठीक -ठीक व्यावारो कोआ ओ सोमजित का होर्गा मेहे तुमाआ बी एक स्वामी होय 2 प्रार्थनाम कायम लागित रो आना जाहा तुमु प्रार्थना मुडोपो तेहालाम कायम परमेश्वराआ धन्यवाद कोईत रो 3 त्याआ आरीआरीज आमाआकोंअता बी प्रार्थना कोईत रो याकोअता का परमेश्वर आमुहू आपाआ संदेशाला प्रचाराकोंअता तेहलूज ख्रिस्ताआ ओल्खातीमेहे रहस्यपूर्ण खोरो प्रवचनाचा प्रचाराकोअता वेल मिळूहुजोवे काहाके ह्याकाजेज आय जेलूम होय 4 प्रार्थना को का आय त्याहा एहलो स्पष्ट शब्दाम गोगेहे आवे का जेहलो माहु गोगीला जोवे 5 बारथेए मांहाआरी बुद्धी पुरो व्यवहार कोआखाज संधीआ पुरो वाप्रिलो का 6 तुमाआ गोगीला कायम गुल्यो होय आना तुमाआ ज्ञान वादिलोहो याकोअता तुमु जाईत लेदलेए का कोडाआ केहलो उत्तर आपिईलो होय 7 आमाआ गोमनारू भाव तुखिकुस जो एक विश्वासु पावर आना प्रभू माय आरी पावर होय तुम्हामे माविषयी आखे वर्तमान कोत आपही 8 आय त्याहा तुम्हाकोअता याकोअता मोकलित का तुम्हामे त्यावाही आमुहू सालसालुणूक मोलुम उवे ते तुमाआ ह्रदयाआ प्रोत्साहन कोअनारू 9 आय आपामेहे विश्वास तेहलूज गोमनारू पाही उनेमिउस ला त्याआ आरी मोकलित होय जो तुम्हामेनेज एक होय ते इही जे थोडो उवनारा होय ते आखे तुम्हामे कोय 10 अरीस्तरखुसआ जेलीमेहे माआरी रोला होयातोच बर्नबास आ पाही मार्क आ तुम्हामे नमस्कार (त्याआ विषयामे तुमु निर्देश जुळाविते होय का जर तुमापोओ आव्ये तेहालाम त्याआ स्वागत को) 11 युसतूस कोअहो जात्लुके येशुउ बी तुम्हामे नमस्कार पोचाडीदे यहुदी विश्वासी माहुमेहे फक्त ओच परमेश्वराआ राज्ज्याकोअता माआरी काम कोईत होय आना माकोअता आनदाआ भाग होय 12 इपफ्रांस आ पोन तुम्हामे नमस्कार तो तुमामेऱ्या एक होय आना ख्रिस्त येशुउ पावर होय तो कायम तुम्हाकोअता त्रस लेत तुमाआकाजेज हमेशा प्रार्थना कोईत होय का तुमु आध्यात्मिक रुपोमे पुरो बोणीत विकास कोईत रो तेहलूज विश्वास पुर्वोज परमेश्वराआ इच्छेनुसार कोईत रो 13 आय तिया साक्षी होय का तो तुम्हाकोअता आना लौदिकीय तेहलूज हिस्रापुलीस आ रोलाकोते परिश्रम कोईत होय 14 प्रिय चिकित्सक लुक तेहलूज देमास बी ताहु नमस्कार कोल्यो होय 15 लौदिकीया माय रोनारापायोहो तेहलूज नमुफ्रास आना तिया मोडलील जे त्याआ कोओहो जोडीत जात होय नमस्कार पोचाडीदे 16 आना पाला , पत्र जाहा तुमाआगाडी वाचले जाइअलो तेहालाम याआ गोठीकोता निश्चिय कोईत ल्या का याआ लौदिकीयाआ मोद्लीम पोन वाचले जालो आना लौदिकिया त्यापोरोत तुम्हामे पत्र मिलुजोवे याहा तुमु पण वासित लेदलेए 17 अखीप्पूसला पण कोआ का तो याआ गोठीकोता लक्ष्य आप का प्रभू मेहे जी सेवा त्याहा आप्यी गोयी होय ती सेवा निश्चयाने तिये पुरो कोईली 18 आय पौल स्वतः आपाआ लेखणी काहाके नमस्कार कोल्यो होय , ओर मेका का आय जेलूम होय परमेश्वर तुम्हाआरी राहो.