6
आमु जे परमेश्वराआ मदतकोइलो होय ओ पण साम्जाविलो का त्याआ कृपा जी तुमापो उवी त्याहा व्यर्थ जाऊ आपुहू नाहा 2 काहाके तो ताहा कोतलू, “आपाआ खुश उविलाआ टायमोमें आय तांआ उनाईत लेधलो, आना तारणाच्या दिहोम आय ताहु मदत कोअयी” पाला , ओमे तो आनदाआ वेल होय , पाला , ओमे तो तराणाआ दीही होय 3 आमु कोडोबीही गोठीमे अलखिलोओ संधी आपित नाहा म्हणजे आम्हा सेवेपो किबी दोष आवहू कायना 4 पोन हरएक गोठीमे परमेश्वराआ सेवाकोआरो आपाआ हाजा गुणांना उघड कोअत्लू, वोडो हिमतिवाही , वोडो संकटामें , दारिदद्योमेहे , दुखोमेहे , 5 फटके खाइताहा, कैद ओत्गोयलो , हुलडाणे, परिश्रमाने, जागतू रोयताहा, उपास कोलाकोता, 6 पवित्रतेने, ज्ञानाने, बागेरोजजाआलो , कृपाळूपनाने, पवित्र आत्मावांहि , 7 खोरो प्रमोवाही , सत्त्याआ वचनाने, परमेश्वराआ सामर्थ्यावाही, धर्मिक्ताआ हत्याराने, जे हाजला बांगाडू आथोमेहे होय 8 आदराकोईत, अपमान, अपकीर्तीने, सतकीर्तीने, जर फसिवणारे होमजुत्लू जेबी खोरो होय 9 न ओलखिनारा सारखो , तेबी पण प्रसिद्ध होय , मोअनारो सारखो होय आना पाला , जिवंत होय , माआदे खाअलाकोता होय पण जीवाआ माअये जात नाहा; 10 शोक कोअनाऱ्या सारखो होय , पण आखीवेल आनंद कोअत्लू; गरीबाहोस सारखो होय , पण खूप जणांनाश्रीमंत कोईत आपोहो एहलो होय जेहलो आमाही किबी नाहा तेबी पण आखे किबी मेकोहो 11 ऐ, करिंथकरांनो, आमुहू मोकले डोआवाही तुम्हाआरी गोठी कोअल्यो होय , आमुहू मोनाहा तुमाही उघडा होय 12 तुम्हाकोअता आम्हा मोनुमे किबी शंका नाहा, पण तुमाआ माय शंका होय 13 पोन आपाआ पोऱ्ये होमजीत तुम्हामे कोतलू का तुमु पण त्याआ बोद्लाम आपाआ मोनाहा उगाडीत दया 14 तुमु विश्वास ण मेकानार्याकोता सबंध जोडीत विजोड ओवुहू नाहा काहाके नीतिमान आना स्वैराचार याआ माहुआरी भागीदारी केहली उवे? उजाआलो आना आंधार यामेहे जोडीदार कोअला केहलो उवे? 15 ऐहलेच ख्रिस्ताचे सैताणाशी केहलो एक उवे? तेहलूज अविश्वासी आना विश्वासी याहा केहलो जमेल ? 16 परमेश्वराआ मंदिरोम मूर्तीशी नाहाकोत नातो? काहाके आमुहू स्वतः तियाअ जीवित परमेश्वराआ मंदिर होय जेहलो परमेश्वराने कोल्यो होय , 'आय त्यांमे वास्तव्य कोअनारू , सालनारू, फिरीही, आय त्याआ परमेश्वर उवे आना ते माआ माहे उवे' 17 त्याकोता तुमु त्यामरोत बारथे निहित जात्यांचाकडून स्वतःहा अलग कोवूहू तुमु किबी स्पर्श कोहू नाहा जे अशुद्ध होयेताहा आय तुम्हामे तेईतले कोअनारू 18 आना आय तुमाआ आबहु उवे, तुमु माआ पोऱ्ये आना पोयरयी उवे, सर्वशक्तिमान प्रभू जे कोल्यो होय.