5
काहाके आमुहू मोलुम होय का जेव्हा आम्हा पृथ्विपोर्यो मंडपामेहे तारखू को बोनाड्ल्ये जाइअलो ताहा आमुहू परमेश्वारापोरोत होर्गाम एक एहलो मिले जे आथोवाही बोनाविल्यो नाहा पण कायमस्वरूपी होय 2 यामे ताहा आमु कोईओलो आना इच्छा कोअत्लू आपाआ होर्गाआ कोओहो कालीत लेअलो 3 का ओ पेल्या आमुहू उगडे जोडनारू नाहा 4 आना आमु आव मंडपामेहे रोत ओयताहा दाबावु दाबीन कण्हत रोतलू काहाके आमु काडीलो नाहा पोन पेहू कोईओलो मागोहो तो जो देनारो होय जीवनामे बुडीत जाअलो 5 जीआ आमुहू आव गोठी साठीच बोनाडहि होय तो परमेश्वर जीआ आमुहू विह्राई कोईत आप्यू होय 6 म्हणजे आमुहू आखीवेल हिमंत तोईत रोतलू आना ओ मोलुम होय का जोपोरोत आमुहू डीलोम रोतलू तोपोरोत प्रभूपासून अलग होय 7 काहाके आमु चेहरू पालहु नाहा पोन विश्वासा चालीलो 8 त्यापोत आमु हिमंत तोईत रोतलू आना डीलोवांही अलग ओतगोल्यु प्रभू आरी रोहिलो फासी हाजो होमजीत्लू 9 यामुळे आम्हा मोनाआ शोखहोय एज होय का जेबी आरी रोल्या पण आमुहू त्याहा गोमेहे रोंहु जोवे 10 काहाके ओ जरुरी होय का आपु आखाआ वागणुक ख्रिस्ताच्या न्यायाआ असणाआगोज उगाडीत जाहू जोवे म्हणजे हरएक माहहू आपाआपाआ हाजा- हाजा वाईट कामा प्रतिफोल जो त्याहा आगोपोरोत कोल्योओ होय मीलनारो 11 त्यापोत प्रभूऊ बित आमुहू माहुंहु समजाड्त्लो पण परमेश्वराआ आमाआं वागणुक उघड होय आना माहु आशा होय का तुमाआ जाखीलोको पण उघड उवे होय 12 आमु तेबी पोन आमाआं प्रशंसा तुमाआगाडी कोईत नाहा पण आमुहू आपाविषयी खत कोअला संधी आपोहो का तुमु त्याहा उत्तर आपुहू सेकेहे ? तुम्हामे का जे मनापो कायनय पण देखाआनारे गोठीपो खत कोअता 13 जर आमु बेशुद्ध होय ताहा ओ परमेश्वराकोअता आना जर शुद्धीपो होय ताहा ते तुम्हाकोअता 14 काहाके ख्रिस्ताचे प्रेम आमुहू विवेश कोईत आपोहो का त्यापोत आमुहू ओ होमजीत्लू का जर एक आखाआरी मोल्यु ताहा आखे मोअये 15 आना ते यावाही आखे आरी मोल्यु का जो जिवंत होय ते आगाडी आपाआकाजे जिवंत उवूंहू नाहा पण त्याकोअता जो त्यांकोअता मोल्यु आना फासी जिवंत पोयो 16 यामुळे ओमोरोत आमुहू कोडोबी शरीराप्रमाणे होमजुत्लू नाहा म्हणजे आमु ख्रिस्ताहा पण शरीराप्रमाणे होमज्ये ओते तेबी पोन ओमोरोत त्याहा एहलो होमजुत्लू नाहा 17 त्यापोत जर कोडु ख्रीस्तात होय ताहा तो नोवो जग होय जुनो गोठी निहित गोयी होय , पाला , आखे गोठी नवो ओवल्यु होय 18 आव आखे गोठी परमेश्वारापोरोत होय तिये ख्रीस्ताद्वारे आपाआरी एक्ताहोने कोईत लेदो आना मेलमिलापाची सेवा आपाआ आथोमेहे आपित आप्यी 19 म्हणजे परमेश्वराने ख्रीस्तात रोत आपाआरी जगाआ एक्ताहोने कोईत लेदो आना त्याआ अपराधाआ दोष त्यांपो लागाड्यू नाहा आना तिये मेलमिलापाचे वचन आमुहू होफहोपिन आपिलू होय 20 त्यापोत आमुहू ख्रीताचे राजदूत होय जेहेकाय परमेश्वर आम्हा त्यापोरत विनंती कोईत होय आमुहू ख्रीस्ताकडून आमंत्रण कोअत्लू का परमेश्वराबरोबर मेल मेलनु कोईत ल्या 21 जो पापीहीरोतेहे अनोळखातीनाहा ओतु, तीयाहा तिये आमच्यासाठी पापी ठेरव्यो का आमुहू तीयाम ओतगोल्यु परमेश्वराआ धार्मिकता बोनाळीलो.