3
नाहाकोत आपु फासी आपाआ प्रशंसा कोइलाआ? किंवा आपु बिहरे माहुकोता शिफारासची पत्रे तुमाही लावूअलो किंवा तुमापोरोत लेडो लागे? जेहलो किबी माहे कोअता , नकीच नाहा 2 आमाआं पत्रे तुमुज होय जे आम्हा मोनामेहे लेखित मेक्ल्ये होय आना त्याहा आखे मांहु ओलखीत आना वाचतलो 3 ओ उघड होय का तुमु ख्रिस्ताची पत्रे होय ज्याहा आमुहू सेवाहोस लेखिलो आना जे सहीवाही नाहा ताहा जिवंत परमेश्वराआ आत्मावांहि , डोळा डीलोपो नाहा पण मोनाआ मासरूपी पाटळापो लेखिलो होय 4 आमु ख्रीस्ताद्वारे परमेश्वराआ भोरुसो मेकोहो 5 एहलो नाहा का आमु स्वतःहा याआ लायकी होय का आपु कोडला गोठीई फूस कोहू सेकेहे पण आमाआं लायकी परमेश्वारापोरोत होय 6 जीआ आमुहू नव्यो कराराआ पावर ओनारो लायक पण कोल्यु शब्दाचे पावर नाहा पण आत्माआ , काहाके शब्द मोतुलो पण आत्माआ जिवंत कोअत्लू 7 जर तो मोईला करार ज्याआ अक्षर दोणोपो खोवूला गोये ओते इहिंजा प्रकाशाम उवी का मोशेए सोबिमेऱ्यो उजवोडाओ कारनोवाही जो कोम उवनारा जात ओतु इस्राएल माहे त्याआ सोबी पाल्हू सेकेले नाहाआत्लू 8 ताहा आत्म्याआ करार फासी प्रकाशाम काहा रोही नाहा? 9 काहाके जाहा दोषी ठोरावनारो करार प्रकाशाम ओतु ताहा धोर्मी ठेरविनारू करार फासी प्रकाशाम काहा नाहा रोही ? 10 आपु जे प्रकाशाम ओते ते पण तियाअ दिहुआरी जे फासी जाखो प्रकाशाम ओते किबी प्रकाशाम ठरव्येहे नाहा 11 काहाके जाहा ते कोम उवनारा जात ओते तेहालाम ते स्थिर रोही फासी जाखो -जाखो प्रकाशाम काहा रोही नाहा? 12 त्यापोत एह्ली आशा मेकीत आमुहू हीमतवाही गोगत्लू 13 आना मोशेसारखे नाहा जीआ आपाआ सोबाडीपो पद्डू टाक्यू ओतु म्हणजे इस्त्राएली तियाअ कोम उवनारू उजवोडाओ शेवटपोरोत पालुहू नाहा 14 पोन त्याआ मने कठीण उवे काहाके ओमेजा जुनो करार वासात्लूताहा आपाआ मोनापोओ तोज पद्डू पोडीत रोतलू पोन आय मसीही मेहे जीवीत गोलुय 15 आज पर्यंत जेव्हा केधी मोशेच्या पुस्तक वचल्लू जात्लू ताहा त्याआ मोनापोओ पद्डू पोडीत रोतलू 16 पोन जाहा केधी त्याआ मोन प्रभू त्याही फिरीही तेहालाम पद्डू फाड्ल्यो जाइअलो 17 प्रभू ताहा आत्माआ होय आना जीही का प्रभूआ आत्माआ होय तीइही स्वतंत्रता होय 18 पोन जाहा आमु आखाआ उघडावल्यो सोबेपो प्रभूऊ वैभव यावाही प्रकट ओतू ज्यपोरोत आरशात तो प्रभूउ त्यापोरत जो आत्माआ होय आमुहू त्याआ तेजस्वी रुपात अंश -अंश कोईत बद्लीलो जात्लू .