2
आय आपाआ मोनामे ओ ठेरवीही ओते का फासी तुमापोओ दुख दयायआ आविलो नाहा 2 काहाके जर आय तुम्हामे दुखी कोअनारू , ताहा माहु आनंद आपणारे कोडू रोही ? फक्त तोच ज्याहा आय नाराज कोल्यु 3 आना आय ए गोठी यकोअता लेखी का एहलो उवूंहू नाहा का आय आवेताहा याहीरोते माहु आनंद मिलूहु जोवे त्याआरोत आय नाराज ओवुहू; कराण माहु तुमु आव आखे गोठीई भोरुसो होय का जो माआ आनंद होय तोज तुम्हाआ आखाआ पण होय 4 वोडो संकटामें आना मोनोमेहे कामकोईते आहवे काडीत -काडीत तुम्हामे लेखत्लू ओते यकोअता नाहा का तुमु नाराज उवे पण यकोअता का तुमु वोडो प्रमाहा होमजीत लेई जोवे जे माआ तुमापो होय 5 जर कोडु नाराज कोल्यु होय ताहा माहुंज नाहा पण (त्याआरी जाखो वाईट कोअनारू नाहा) किबी -किबी ताहा तुम्हाआ आखाहा पण नाराज कोल्यु 6 एहलो माहुकोता ओ शिक्षण जे पाहीआरी पुष्कळांना आपिलू होय जास्तीज होय 7 त्याकोता यापोरोत हाजो ओ होय का त्याआ अपराध क्षमा को आना शांती आपीद्या उवूंहू नाहा का एहलो माअहु फासी जाखो नाराजोमे पोडीत जानारू 8 आव काइजाताहा आय तुम्हामे विनंती कोअत्लू का त्याहा आपाआ प्रेमाची खात्री दया 9 काहाके आय यकोअता पण लेखिलो ओते का तुम्हामे पारखिल्यु लेऊ का तुमु माआ आखे गोठी मानिलो तीयार होय का नाहा 10 ज्याआ कोडाआ तुमु क्षमा कोअता त्याहा आय पण क्षमा कोअत्लू काहाके आय पोन जे किबी क्षमा कोल्यु होय , जर कोल्यु होय ताहा तुम्हामुळे ख्रीस्ताजागी ओतगोल्यु क्षमा कोल्यु होय 11 का सैतानोहो आमापो दावा चालुलाकोअता नाहा, काहाके आमुहू त्याआ युक्तीपासून अनोळखातीनाहा नाहीत 12 जाहा ओ आय ख्रिस्ताची सुवार्ता कोहू त्रोआस माय आवयू, आना प्रभूऊ माकोअता एक दरवाजू उगडाल्यू, 13 ताहा माआ मोनुमे चैन जोड़ी नाहा यकोअता नाहा का आय आपाआ पायहोहो तीतूस ला पाल्लये नाहा यकोअता का त्यापोरोत खोबोर घेऊन आय मासेदोनियेत निहित गोल्यो 14 पोन परमेश्वर धन्यवादीत होय, जो ख्रिस्तामध्ये आखीवेल आमुहू विजयअ उत्सवात घेऊन फिरत्लो आना आपाआ ज्ञानाचा सुगंध आमापोरोत हरएक जाग्तली वेरायो 15 काहाके आमु पर्मेश्वराअरी तारण मेलविल्यो आना नाश उवनारू बेनजअरो ख्रीताचे सुगंध होय 16 दिहिराकोते ताहा मोईला निमतीवाही मोईला गंध आना केताजअ जीवनाआ निमित्ताने जिवनाआ सुगंध हाजो आव गोठीई योग्य कोडू होय ? 17 काहाके आमु तिया पुष्कळाहोसे नाहीत, जे परमेश्वराआ वाचनामे मिशर कोअता पोन मोनोमेहे खोरो डोआवाही आना परमेश्वारापोरोत ख्रिस्ताची आवीगोया होमजीत ख्रिस्तामध्ये गोगत्लू.