23
तोये वेगीई मिटीग उठित त्याहा आगाडी लेत आव्ये 2 ओ कोत त्याआपो दोष लागाडीला लागाडीत ' आमुहू याहा माहुंहु बह्कवतांना, आना कैसराहा को आपिला नाहा नकार कहात्याहा आना आपाआ माह ख्रिस्त, आना राजा कोत्लेताहा उनाअयो '' 3 पिलातावांही येशुहू फ़ुस्ल्याआ,'' नाहाकोत तू यहुदियाहा राजा होय ?'' तिये त्याहा उत्तर आपिलू,'' आपु कोतेहे तेहलूज '' 4 तोये पिलातावांही प्रधान याजकाहा आना माहुंहु कोल्यो ,'' माहु याआ महांआ माय कोड्लूच दोष देखायू नाहा'' 5 पोन ते फाशी दृढ तेणे कोहू लागाडीत ,'' ओ गालीला पोरोत ईहि पर्यंत, आखेज यहुद्या माय उपदेश कोत माहुंहु भडकावतालु'' 6 ओ उनाईत पिलातावांही फ़ुस्ल्याआ,'' नाहाकोत तो मांहु गालीली होय '' 7 आना ओ होमजीत का तो हेरोदाआ अमलामेहे होय , त्याहा हेरोदाहा त्याही मोकलित आपिलू काहाके तियाअ दिहे माय तो पण यरुशलेममेहे ओतु 8 हेरोद येशुहू पालीत जास्तीज प्रसन्न पोयो, काहाके त्याहा जाअखो दिहे पोरोत येशुहू पालीलो ओते याआ याकोअता का त्याआ विषयाम उनाअयो ओते , आना त्याआ त्यापोरोत किबी चिन्ह पालीला आशा मेकीत ओतु 9 तोत्याला जाअखो गोठी फुसीत रोला, परंतु तिये त्याहा कोडामे उत्तर आपिलू नाहा 10 प्रधान याजक आना शास्त्री उभे रोत तिये मोनामोरोत दोष लागाडीत रोल्या 11 तेहालाम हेरोदावाही आपाआ शिष्या आरी तिया अपमान कोईत थट्टा उडाळी, आना भडक फड्को कालीत त्याहा अबाहाहोस त्याही मोकलित आपिलू 12 त्याआ तेदीही पिलात आना हेरोद हेगांति बोणीत गोये याआ पहीले ते एक बिहराआ दुश्मन ओते 13 पिलातावांही प्रधान याजकाहा आना अधिकाऱ्याहा आना माहुंहु हादीत त्याहा कोल्यो 14 तुमु आव मांहाहा माहुंहु बोहकवनारू ठेरवीत माआ त्याही लेतआवल्यो होय , आना पाला, आय तुमाआ आगाडी त्याआ तपासनी कोअयी, पण ज्या गोठी चा दोष तुमु त्याआपो लागाड्यू होय तियाअ गोठीइ विषया माय आय त्याआ माय कोड्लूच दोष पल्यो नाहा; 15 हेरोदावाही पण नाहा, काहाके तिये त्याहा आपाआ त्याही मोकलित आपिलू होय : आना पाला, त्याआ त्यापोरोत एहलो किबी उवे नाहा का तो मोईतगोल्यू च्या डेगार योग्य ठेरविल्या जाय 16 याआ हेगालीही आय त्याहा माआदे आपुहूकाजे लागाडी सोडीत आपोहो'' 17 पिलात तीवाराआ वेले त्याआ कोअता एक बोंदीही सोडुहू लागतो ओतो . 18 तेहालाम आखे मिलून आअडूई लागाडीत ,'' याआ काम सेलीत टाक , आना आम्हा याकोअता बरब्बाहा सोडीत आप !'' 19 तो कोडला उनाआ डगलीई कारनोवाही जो नगरामे पोयो ओतु, आना माईला कारनोवाही नगरामे पोयो ओतु, आना माईला कारनोवाही बंदी कोअमे टाक्यू गोल्यो ओतु 20 पण पिलातावांही येशुहू सोडिलो इच्छा लेतजा फासी माहुंहु होमजाव्ये 21 परंतु ते आयडीत कोल्यो ,'' त्याहा कृसापो सोड्विजी, क्रूस उपो!'' 22 तिये तिसरीवेले त्याहा कोल्यो ,'' काहा, तिये कोठले वाईट कोल्यु होय ? माहु तीयाम मोईला शिक्षाआ, काहाके कोड्लीस गोठी देखल्यी नाहा याआ याकोअता योग्य आय त्याहा माआदे खाहू कालीत सोडीत आपोहो'' 23 परंतु ते आयडीत -आयडीत फासाडी लागित गोये का तो क्रूस उपो सोडल्या जावा आना त्याआं आअडीलो यशस्वी उवे 24 आखरी पिलातावांही आज्ञा आप्यी त्याआ विनती नुसार कोल्यु जावा 25 तिये तियाअ मांहाहा जो दंगु आना माईला कारनोवाही बंदी कोअमे मेकल्या गोयू ओतु, आना ज्याहा ते मागित ओते , त्याहा सोडीत आपिलू आना येशुहू त्याआ इच्छा नुसार होफहोपिन आपिलू येशुहू वधस्तभावर सोडव्या जाअलो 26 जाहा ते त्याहा लेत जात ओते , तेहालाम तिये शिमोन नावाआ एक कुर्नेकर जो गावोमेरोत आवीत ओतु, तोईत त्याआ उपो वधस्तंभ पारमेक्यू का त्याहा येशूउ फासाडी -फासाडी लेत आवेज 27 लोकांची वोडी गोर्दी त्याआ फासाडी आवयी आना तीयाम जाअखो बोई पण कोल्यू ज्या त्याआ याकोअता छाती ठोकीत आना शोक कोईत कोल्यू 28 येशूने त्याआ त्याही पालीत कोल्यो ' ओ यरुश्लेमाआ पोरीही, माआ याकोअता रोडा नाहा परंतु आपाआ याकोअता आना आपाआ पोऱ्याहा याकोअता रोडा 29 काहाके ' पाला, ते दीही आवीत होय तीयाम माहे कोय' धन्य ते वांझ होय आना न ठाल्लीपोडली पोटांआ, आना ते दुध जिये दुध पिवाड्यो नाहा' 30 तिया वेले'' ते डोगोहो कोहू लोगे का आम्हा उपो गुगदा, आना टेबाहा आखीत आमुहू टापा' 31 काहाके ते निलो सांडोओ आरी एहलो कोअता ताहा ते उगालू आरी नाहाकोत कोअही?'' 32 ते बिहरे बेन माहुहुं पोन जे पाप कोईत ओते त्याआ आरी घात कोइला याकोअता लेत गोये 33 जाहा ते तिया जाग्तली ज्याहा कवटी कोयो ओते तीइही पोतले, तेहालाम तिये तीइही त्याहा फाशी तियाअ खराब काम पण एकाहा हाजाडी त्याही आना दिहीराहा देखाडे त्याही वधस्तभावर सोढविलो 34 तेहालाम येशूने कोल्यो ,'' ओ आबहु याहा क्षमा को, काहाके याहा मोलुम नाहा का ओ नाहाकोत कोईत होय '' आना तिये चिठ्या टाकीत त्याआ आगडे वाटीत लेधलो 35 माहे उभे रोत पालीलो ओते , आना अधिकारी पण थट्टा कोईत कोल्यो ओते : तिये बिहराहा वाचाद्योहो, केधी ओ येशू ख्रिस्त होय आना तिया निवाडल्यु होय ताहा माह वासाडीत ले '' 36 शिपाई पण जागे आवीत आना त्याहा आंब आपित त्याआ थट्टा कोईत कोयो ओते , 37 तू यहुदियाहा राजा होय ताहा, माह वासाड'' 38 आना त्याआ जागे एक दोषपत्र पण लागाडले ओते :'' ओ याहुदियाआ राजा होय 39 जे अपराधी तीइही जे टाग्यो ओते , त्याआ मायत्या एकाने त्याआ निंदा कोईत कोल्यो ,'' नाहाकोत तू ख्रिस्त होय ने ? ताहा माह आना आमुहू पण वासाड!'' 40 याआ याकोअता बिहरा त्याहा बावराईत कोल्यो'' नाहाकोत तू परमेश्वराआ पण बित नाहा? तू पण ताहा तोज दंड भोगित होय , 41 आना आमुहू ताहा न्याय नुसार दंड भोगित होय , काहाके आपाआ कर्माकोआता फोल भोगित होय ; पण तिये किबी गुन्हू नाहा कोल्योओ 42 तेहालाम तिये कोल्यो ,'' ओ येशू जाहा तू आपाआ राज्याम आवजी, ताहा माआ ओर मेकही'' 43 तिये त्याहा कोल्यो ,'' आय ताहु खोरोज कोतलू होय का आज तू माआ आरी सुखलोकुमे होय'' 44 जागे पास बिहीरा सुमारास तिसऱ्या सुमारा पर्यंत आखे त्याहा आंधार पोडीत गोल्यो 45 आना दिहाआ उजाआलो गायब पोयो, आना मंदिराआ पद्डू पोरापोरा फटीत गोयू, 46 आना येशू वोडा आवाजोमें आयडीत कोल्यो , ओ आबहा, आय माआ आत्माआ ताआ आथे सोपतो'' आना ओ गोगीत आपाआ जीव सोडयु 47 अधिकार्यांवाही जे किबी उवे ते पालहु परमेश्वराआ गौरव कोल्यु, आना कोल्यो '' निच्शीत ओ मांहु धोर्मी ओतु' 48 आना गोर्दी जी ओ पालाहू एकठे जोम्यी ओती, आव ऐहेलोओल्यो पालहु छाती ठोकीत निहित गोयी 49 आना त्याआ ओलखीइ, आना जे बोई गालीलोमरोत त्याआ आरी आव्ये ओते , सेटे उबे रोत पालीत कोल्यू 50 तीइही योसेफ नावाआ महासभेचा एक सदस्य ओतु तो सज्जन आना धोर्मी माहुहू ओतु 51 आना त्याआ योजना आना त्याआ आव कानोवाही प्रसन्न नोतू तो यहूदीयाआ नगरामे अरिमथीयाचा रोनारू आना परमेश्वराआ राज्याआ वात पालतारण ओतु 52 तिये पिलाताआ जागे आवीत येशूचे डील माग्ये' 53 आना त्याहा उतारीत मखमलाआ सादाराम गुढाळीत, आना उनाआ कबरे माय मेक्ल्ये जी डोगोपो खुईतमेक्ल्यु ओती' आना ज्याम केधीज कोडोबी मेक्ल्ये गोये नाहा 54 तो तीयारी कोअला दीही ओतु आना शब्बाथ सुरु उविला ओतु 55 तियाअ बोयीही जे त्याआ आरी गालीलामेहे आवल्या कोल्यू, फासाडी- फासाडी जात तियाअ कबरेहे पालील्यो , आना त्याआ डील केहला प्रकारे मेक्ल्ये गोये होय 56 तेहालाम ते जात सुगंदिते वस्तू आना सुगंदिते तेल तीयार कोल्यु; आना शब्बाताआ तेदीही तिये आज्ञा च्या नुसार विसाक लेदि.