22
बेखमीर रोटाहा तीवारे ज्याहा वल्हाडन तीवर कोतेहे जागे ओतु 2 आना मुख्य याजक आना शास्त्री आव गोठीइ होदित ओते का त्याहा केहलो माईत टाकिलो 3 तेहालाम सैतान याहुदामेहे आवयू ज्याहा इस्कारोत कोल्यो जाहो आना बारा शिक्षामेहे मोजीलो जात ओतु 4 तिये जात मुख्य याजक आना सिपायडाआ सरदाराआरी गोठी कोअयी का त्याहा कोडलाप्रकारे त्याआ आथोमेहे तोईत आपिईलो 5 ते आनंदाम उवे आना त्याहा पोशा आपिला वचन आपिलू 6 तिये माजित लेधलो आना संधी होदहू लाग्यू का जेव्हा गोर्दी नेशेय तेहालाम त्याआ आथोमेहे तोईत आपिईलो 7 तेहालाम बेखमीर रोटाहा तीवारे आवयू ज्याम वल्हांडन च्या कोकऱ्याआ बलिदान कोईओलो आवश्यक ओते 8 येशूने पेत्र आना योहानाआ ओ कोत मोकलित का जात आम्हा खाअलाकाजे वल्हांडन तीयार को 9 तिये त्याहा फ़ुस्ल्याआ, ताहु का लागेहे का ओ का तीयार कोहू ? 10 तिये त्याहा कोल्यो , पाला , नगरोत प्रवेश कोअताज एक माहुहू पाअयोओ कुडो उसोकोअल्यु तुम्हामे जोडीत ; ज्या कोअमे तो जानारू तुमु त्याआ फासाडी जायलो 11 आना तिया कोओओ मालकोहू कोओलो स्वामी ताहु कोतलू का ती खायलाकाजे जागू का होय जीमेहे आय आपाआ शिष्याआरी भाकर खाऊ 12 तो तुम्हामे एक होबाडीलो वोडी माळी देखाड्नारू तिंही तीयारी कोइलाआ 13 तिये जात जेहलो त्याहा कोल्यो ओते , तेहलूज पाल्लये, आना वल्हांडण तीयार कोल्यु 14 जाहा वेल आविलो गोयी ताहा तो चेलाआरी रोटू कोइलाकोअता बोहू 15 आना तिये त्याहा कोल्यो , माहु वोडी आशा ओती का दुख सहन कोइलाआ आगाडी ओ तीवारे तुम्हाआरी कोहू 16 जाहा आय तुम्हामे कोतलू का जो पर्यंत परमेश्वराआ राज्याम पुरो उवनारा नाहा तोपोरोत आय त्याहा खोरोज खाही नाहा 17 तेहालाम तिये पिदो घेऊन आभार महांआ आना कोल्यो , ओ ल्या आना आपसामेहे वाटीत ल्या 18 काहाके आय तुम्हामे कोतलू का जोपोरोत परमेश्वराआ राज्य आविलो नाहा तोपोरोत आय द्राक्षरस ओमोरोत पीही नाहा 19 फासाड़ी तिये भाकर लेदि आना आभार मानीत ती तोडीअते आना त्याहा ओ कोल्यो आपिलू ओ माआ डील होय जे तुम्हाकोअता आपिलू जात होय माआ औरकोयलाकोता ओ कोईत रो 20 याजहोस तिये रोटाफासाडी पिदो पण ओ कोल्यो आप्यू ओ पिदो तियाअ रोक्ताम जो तुम्हाकोअता वोहाड्यू जात होय नवो करार होय 21 पोन पाला , माहु तोईत आपनाराआ आथे माआ मेज माय होय 22 काहाके माअहा पोऱ्या ताहा जेहलो त्यांकोअता ठेरव्यो जाहो पण हाय तियाअ माहुंपो ज्यावाही तो तोईत आप्यू जात होय 23 तेहालाम ते आपसामेहे विसारपूस कोअहू लागाडीत का आम्हा माय कोडू होय तो ओ कोअनारू 24 त्यांम ओ वादविवाद पण पोयो का त्यामे कोडू वोडू होमाज्या जात्लू 25 यीशु त्याहा कोल्यो , बिहरे जातीई राजा त्यांपो राज कोअत्लू; आना जे त्याआपो अधिकार मेकात्ले त्याहा उपकारविहरीनारू कोतेहे 26 पोन तुमु एहलो ओवुहू नाहा ; पण जो तुम्हामे वोडू होय तो हनाहोस आना जो मुख्य होय तो पावरोहोस बनावा 27 काहाके वोडू कोडू होय ? तो खाअलाकाजे बोहू होय किंवा जो सेवा कोईत होय ? नाहाकोत तो नाहा जो खाअलाकाजे बोहू होय ? पण आय तुम्हामे पावरोहोस होय 28 तुमु ते होय जे माआ परीक्षेमेहे निरंतर माआरी रोल्या 29 आना जेहलो माआ आबहे माकोअता एक राज्य ठेरव्यो होय तेहलूज आय पण तुम्हाकोअता ठरवीही 30 म्हणजे तुमु माआ राज्याम माआ मेजापरे बोहित खाहा, पिणारे आना एवडोज नाहा ताहा सिहासनापो बोहित बारा वन्शाआ न्याय कोअनारू , 31 शिमोन, ओ शिमोन, पाला , सैतानाने तुमुहू मांह्हू मागित लेधलो होय का तुम्हामे गोबहोस गोलीलाकाजे, 32 पोन आय ताकोअता विनंती कोअयी का ताआ विश्वास जाहू नाहा; आना जेव्हा फिरीही ताहा आपाआ पायहोहो स्थिर कोईओलो 33 तिये त्याहा कोल्यो , ऐ प्रभू, आय ताआरी बंदिकोओमे जाहू एवडोज नाहा ताहा मोहुहू पण तीयार होय 34 तिये कोल्यो , ओ पेत्रा, आय ताहु कोतलू का आज कुकडू सोड्विनारू नाहा तोपोरोत तू माआ तीन टायमोआ नकार कोअनारू तू माहु ओळखीतल्यो नाहा 35 इहिजा तिये त्याहा कोल्यो , जेव्हा आय तुम्हामे खोतली आना खोली आना बिनखाडाआ मोकल्ये ओते ताहा नाहाकोत? तुम्हामे किबी वस्तूअ कोम उवी ओती? कोड्लाज वस्तूअ नाहा 36 तिये त्याहा कोल्यो पण ओमे ज्याआ जागे खोतली होय तो तीही घेऊन ले , आना तेहलीज खोली पण आना ज्यापो नाहा तो आपाआ आगडे वेसेत एक वेसातो घेऊन आप 37 काहाके आय तुम्हामे कोतलू का ओ जे लेखिलो होय तो गुनेह्गाराआरी मोजीलो गोल्यो ह्याआ मामेह पुरो उवे आवश्यक होय काहाके माआ विषयाम लेखल्यी गोठी पुरो उवे होय 38 तिये कोल्यो , ऐ प्रभू इही बेन तलवार होय तिये त्याहा कोल्यो , “जाखो होय ” 39 तेह्लाम तो बारथे निहित आपाआ रीतीवाही जैतुनाआ डोगोपो गोयुएने शिष्य त्याआ फासाडी चालीलो लागाडीत 40 तिया जागापो पोतितकोईत तिये त्याहा कोल्यो , “प्रार्थना को का तुमु परीक्षेमेहे पोडहू कायना” 41 आना तो स्वतः त्यापोरोत दोनोओ टप्पाएतो सेटू गोल्यो आना मांडे टेक्यू प्रार्थना कोहू लाग्यू , 42 “ओ आबुहू, जर ताहु लागेहे ओ प्यालाहा मापोरोत काढीत ले , तेबी पण माआ नाहा ताहा ताआज इच्छा पुरो ओवुहू आप ” 43 तेहालाम होर्गामेऱ्ये एक दूत आवयू तो त्याहा सामर्थ्य आपित ओतु 44 तो अत्यत संकटामे खिन्न ओतगोल्यु फासी पण दुखेहे प्रार्थना कोहू लाग्यू ; आना याआ गोजारे जेहेकाय रक्ताआ वोडो -वोडो ठीबकाहोस धरतीपो पोडीत ओते 45 तेहालाम तो प्रार्थनामेरोत उठ्यू आना आपाआ शिष्याआरी आविलो त्याहा खेदामुळे त्याहा हुविलो पालील्यो 46 आना त्याहा कोल्यो , "काहा हुवीत होय ? उठा, आना प्रार्थना को का परीक्षेमेहे पोडहू कायना 47 तो ओ कोल्यो ओतु आना एक गोर्दी आवयी ओती आना तियाअ बारा मायारोत एक जोओ ज्याचेव नाव यहुदा ओते त्याआ आगाडी -आगाडी आवीत ओतु तो येशुआरी आवयू तो त्याआ चुंबन लेही 48 येशूने त्याहा कोल्यो ऐ यहुद नाहाकोत तू चुंबन घेऊन माहाहा पोऱ्याहा तोईत आपी होय ? 49 त्याआ हेगातीही ओ पालील्यो का नाहाकोत उवे होय , ताहा कोल्यो , “ओ प्रभू नाहाकोत आमुहू तलवार सालाडहू?” 50 आना त्यामोऱ्यो एकाने महायाजकाआ सेवकापो तलवार लाडीत हुडू कान उडाडीत आप्यू 51 पाच त्याआपो येशूने कोल्यो , “ओमे बोह को”, आना तिया कान स्पर्श कोईत त्याहा हाजो कोल्यु 52 तेहालाम येशूने मुख्य याजक आना मंदिराआ रखणाराआ सरदार आना आबाहा जे त्याआपो चोडिलो कोईत आव्ये ओते , कोल्यो , नाहाकोत तुमु माहु बाड होमजीत तलवार आना घेऊन निकलीलू होय ? 53 जेव्हा आय मंदिरोम दाडीअ तुम्हाआरी ओतु, ताहा तुमु मापो आथे टाक्यू नाहा; पण ए तुमाआ वेल होय , आना आंदाराआ अधिकार होय 54 फाशो ते त्याहा तोईत घेऊन जातले , आना महायाजकाआ आव्ये, पेत्र सेटेजरोत त्याआ फासाडी -फासाडी जात ओतु 55 आना जेव्हा खोलीम आगी पेटाडीत एकठे बोह्ये, तेहालाम पेत्र पण त्यांमे बोहित गोल्यो 56 तेहालाम एक बाय आगीई उजवोळोमे बोहीतरोल्यु पालीत आना त्याआ त्याही पालीत कोहू लागीई “ओ पण त्याआरी ओतु” 57 पोन तिये ओ कोत नकार कोल्योओ, “ओ बाय , आय त्याहा ओळखीतल्यो नाहा” 58 थोडो टायमोमे कोडूबी पालहु कोल्यो , "तू पण ताहा त्यामेथुं होय , पेत्राई, कोल्यो , “ओ माहे, आय नाहा होय तो” 59 केतो तेबी तासावाही फासी एक माहुहू खातरीकोईत कोहू लाग्यू , “खोरोज ओ पण त्याआरी ओतु, काहाके ओ गलाली होय ” 60 पेत्राई कोल्यो , “ओ माहे, आय होमाजाडीत नाहा का तू नाहाकोत कोतलु” तो कोताच ओतु एवडाम कुकडू आवरला 61 तेहालाम प्रभूऊ पेत्राई पालील्यो , आना पेत्राहा प्रभूऊ ती गोठी ओर आवयी जे तिये कोल्यो ओते आज कुकडू आवरण्याआ आगाडी , तू तीन टायमोआ माआ नकार कोअनारू 62 आना बारथे निहित मोठ-मोठयाने रोड्यू 63 जिया माहुंऊ येशुहू तोईत तोअये ओते ते त्याआ थट्टा कोहू लागीई 64 आना त्याआं डोआं टापीत त्याहा फुसिलो लागाडीत , “भविष्यवाणी कोईत कोअलो आमुहू का ताहु कोडु माअये ” 65 आना तिये जास्तीज यापोरोत जाखा निदाआ गोठी त्याआविरोधाम कोल्या 66 जाहा दीही उगीतकोईत आबहू, मुख्य याजक आना शास्त्री एकठे उवे आना त्याहा आपाआ महासभामे हादीत फ़ुस्ल्याआ, 67 "जर तू ख्रिस्त होय , ताहा आमुहू कोत आप , तिये त्याहा कोल्यो , “जर आय तुम्हामे कोअही , ताहा विश्वास कोअनारू नाहा” 68 आना फुसनारू ताहा उत्तर आपी नाहा 69 पण ओमोरोत माअहा पोऱ्या परात्पर परमेश्वराआ हाजाडी सेटे बोहीतरोल्यु रोही 70 योपो आखाहो कोल्यो , "नाहाकोत तू परमेश्वराआ पोऱ्या होय ?, तिये त्याहा कोल्यो , “तुमु स्वतः च कों ओतु , काहाके आय होय ” 71 तेहालाम तिये कोल्यो , "ओमे आमुहू साक्ष आपिला नाहाकोत गोरोज होय काहाके आमुहू खुद त्याआ सोबिमरोत उनाईत लेधलो होय.