MARK
मरकुस
1
ओ परमेश्वराआ पोऱ्या येशुख्रिस्त याविषयी शुभवर्तमानाआ सुरवात होय 2 यशया संदेष्टाआ ग्रंथात लेखिलो होय का “उनाआ आय आपाआ दूत ताआगाडी मोकलित होय , तो ताआ मार्ग तीयार कोआ” 3 "डोगोम घोषणा कोअनाराआ शब्द उनाऊ आवीत होय “प्रभुकोअता वाट तीयार को” “आना त्याआ वाटा वारुई को” 4 योहान माहुंहु जगलूम बाप्तिस्मे लेवा एहली घोषणा कोईत प्रकट पोयो 5 तेहालाम आरन्यो यहुदा देश आना यरुशलेमकर त्यांही आव्ये आना तिये स्वता: ची पापे मानीत यार्देन खाडीम त्याआरोत बाप्तिस्मे लेदो 6 योहान उटडाहा सिंज्याआ आंगडे पाघरीलो एहलो त्याआ कमरूम साबडाहा कोमरबोंद एहलो आना तो टोळ आना रानमध खायलो एहलो 7 तो घोषणा कोईत कोयो एहलो, मांपोरोत समर्थ एहेलू कोडु एक माहहू मापासाडी आवीत होय ; माआ त्याआ पायताणाआ बंद लागाडी सोडीला त्याहाभी माआ लायकी नाहा 8 आय तुमाआ बाप्तिस्मे पायोंवाही आपित होय , पण तो तुमाआ बाप्तिस्मे पवित्र आत्मावांहि कोअनारू होय 9 तियाअ दिहोम एहलो उवे का येशु गालीलामे नासरेथामरोत आवयू आना योहानाआ आथोवाही यार्देन खाडीम तिया बाप्तिस्मे पोयो 10 जेहलो तो पाअयोपोरोत उपो आवयू, जुग विदारले होय आना आत्माआ कबुताराहोस रुपोमे आपापो उतरीलो होय एहलो त्याहा देखायो 11 तेहालाम जुगोमोरत एहेलू आवाज आवयू का , “तू माआ पोऱ्या, माहु परमप्रिय होय , तोह्बारामे आय संतुष्ट होय ” 12 लागेज आत्मावांहि त्याहा लगेंच डोगोम मोक्ल्यीत 13 त्याजागे सैतान त्याआ परीक्षा लेत ओतलू तो डोगोम सालीह दीही रोला, तो वनपशुमेहे ओतु, आना देवदूत त्याआ सेवा कोईत ओते 14 योहानाआ अटक उवलानंतर येशु गलीलाम आवयू आना परमेश्वराआ राज्याआ सुवार्ता कोहू लाग्यू 15 तो कोल्यो काळाआ पूर्णता उवी होय आना देवोओ राज्य जागे आव्ये होय पश्चाताप को आना सुवर्तेवर विश्वास को 16 जेव्हा येशु गालील समुद्राआहतेरोत जात ओतलू त्याहा शिमोन आना तिया पाही आंद्रिया ओ समुद्राम जाळे टाकत्ले देखायो, काहाके ते मासे दोनाराआ ओते 17 येशु त्याहा कोल्यो , माफासाडी आव, म्हणजे आय तुम्हामे मांहे दोनाराआ उवे एहलो कोअनारू 18 फासाड़ी ते जाळे सोडीत लागेज त्याआ फासाडी आव्ये 19 तिहीरोत आगाडी जातुओतु तेहलाम त्याहा जब्दीचा पोऱ्या याकोब आना तिया पाही योहान ओ नावीम जाली हुदारते देखायो 20 आना तिये लागेज हादाडये, फासाड़ी ते लागेज आपाआ आबहू जब्दी याहा नोकरांआरी नावूमे सोडीत त्याफासाडी गोये 21 फासाड़ी ते कफर्णहुमाम गोये आना लागेज तिये शब्बाथ तेदीही सभास्थानात जात शिक्षण आपिलू 22 त्याआ शिक्षणापोरोत माहे थक्क उवे, काहाके तो त्याहा शास्त्री माहुंहोस नाहा ताहा अधिकार ओयएहलू हिकाडतो ओतु 23 त्याआ टायमोमें त्याआ सभास्थानात अशुद्ध आत्माआ लागल्यो एक मांहु ओतु 24 तो आयडीत कोल्यो , ओ येशु नासरेथकरा, तू आम्हा माय काहा गुंगदिलो? आमाआ नाश कोईलाकाजे आवयू का नाहाकोत? तू कोडू होय ओ माहु मालूमे होय , देवाआ पवित्र तो तांहुज होय 25 येशूने त्याहा धमकीवाई कोल्यो, उदडिज रो आना यामेरोत निह 26 तेहालाम अशुद्ध आत्माआ त्याहा निपटी जोरेज आअडयु आना त्यामरोत निहित गोल्यो 27 तेहालाम ते एवडे थक्क उवे का ते एकमेकाहा फुसिलो लागाडीत , ओ होय तेबी नाहाकोत? नाहाकोत ए अधिकार युक्त नवो हिकवन! ओ अशुद्ध आत्माहा ए आज्ञा कोअत्लू आना ते त्याआ उनाईत 28 ए त्याआ वाहवा लागेज गालीलाआ चारवोगेरोत आखे भागुम फेलितगोई 29 सभास्थानामरोत निहीलानंतर ते लागेज याकोब आना योहान त्याआआरी शिमोन आना अन्द्रीय याआ कोओ गोये 30 शिमोनाआ हावोहेहे जाखो जोरू मांदवाड्यू पोड्यी ओती, त्याविषयी लागेज तिये त्याहा कोल्यो 31 तेहालाम तिये जागे जात तिया आथ तोईत तीही उठविले आना तीई जोरू निघाल्यू , आना त्याआ सेवा कोहू लागीई 32 दिह बुडेताहा हांजेपो माहु आखे दुखनाराहा आना भूतग्रस्ताहा त्यांही लाविले 33 आना सबंध शहर बाअणारी आव्ये 34 तेहालाम नाना एह्लाम रोगोम पिडीतरोल्यू खूप माहाहू तिये हाजो कोल्यु आना अनेक पुते काढीलो; तियाअ पुतोवाही तिये ओलख कोईत तिये त्याहा गोगूहु नाहा देदे 35 कोईत तो वेगीई वोडो वेगस्युज उठित बारथे गोल्यो आना जंगलूम जात तिंही तिये प्रार्थना कोअयी 36 तेहालाम शिमोन आना त्याआ होबती तिया होद कोईत गोये 37 आना तो जोडल्यापो ते त्याहा कोल्यो , 'आखे माहे आपाआ होद कोईत होय ' 38 तेहालाम तो त्याहा कोल्यो , माहु आसेपासेए गावून उपदेश कोअता आवे कोईत आपु बिहरीजागे जाऊ काहाके इयाच उदेशावाही आय निहयू होय 39 फासाड़ी तो आरन्यो गालील माय त्याआ सभास्थानात जात उपदेश कोईत आना पुते काडीन फिरीत 40 तेहालाम एक कुष्टरोगी त्यांही आवयू आना त्याआगाडी टोसणे टेक्यू त्याहा विनंती कोहू लाग्यू आना त्याहा कोल्यो आपाआ इच्छा होय ताहा माहु शुद्ध कोईलाकाजे आपु समर्थ होय 41 तेहालाम त्याहा तिया किरवाय लागाड तिये आथे आगाडी कोईत त्याहा स्पर्श कोल्योओ आना कोल्यो माआ इच्छा होय , शुद्ध होय 42 तेहालाम लागेज तो कुष्ठरोगी शुद्ध पोयो 43 ताहा तो त्याहा चेतावणी आप्यी आना लागेज मोकलित आपिलू 44 आना कोल्यो पाला , कोडाआ याविषयी किबी मा कोही , ताहा जात स्वतः याजकाहा देखाळ आना त्याहा प्रमाण पोटुहुजोवे कोईत तू आपाआ शुद्धीकोअता मोशेई निवडीलेले अर्पण को याकोअता का तू शुद्ध होऊला साक्षी प्रत्येकाहा सोमजे 45 पोन तो बारथे गोइत्लुताहा घोषणा कोईत तियाअ गोठीकोता एवडे प्रसिद्ध कोल्यु का येशुहू उघडपणे शहरामे जाता नेआवतली; कोईत तो बारथे डोगोमेज रोला तेबी माहे चारीवोलेरोत त्यांही आविलोच.