LUKE
लूका
1
जास्तीज माहुहु तियाअ गोठीई खात्री लिखुहुं आपाआ आथोमेहे लेधलो जे आम्हा माय घोडये होय 2 हारको त्याआ गोठी ज्या आमुहू माहापोरोत जोड्या होय जिये याआ गोठी पेलेरोत पालल्या कोल्यू आना जे वचनाआ पावर ओते 3 त्यापोत ऐ स्नमानोवाही योग्य थियपिला पेलेरोत याआ आखे गोठी सावधानी पुर्वोज आना आरी होद कोईत माहु ओ हाजो होमज्ये का आय पण ताहु लाइनिमेहे लिखेहू 4 म्हणजे तू आव गोठी निश्चितपणे जाईत ले ज्याआ ताहु शिक्षण जोडयेहे होय 5 याहुदिआ राजा हेरोदाआ टायमोमें जखऱ्या नावाआ एक याजक ओतु जो अबियाआ वर्गामे ओतूएन त्याआ लाडीई नाव एलीशिबा ओते जी अहरोनाआ कुलामेरयु ओती 6 ते बेन परमेश्वराआ राज्याम धोर्मी ओते त्याआ सालसालुणूक परमेश्वराआ विधीने आना आज्ञेत निर्दोष ओते 7 त्याआं किबी पोऱ्यो नाहाआत्लू काहाके अलीशिबा वांझ ओती आना बेन डाये उवे ओते 8 एहलो उवे का तो आपाआ वर्गाआ नंबर आवयू तेहालाम परमेश्वराआगाडीही लेवीई काम कोईत ओतु 9 ताहा लेवीई रीतीनुसार तो चिठी टाकीत निवडीला आवयू का परमेश्वराआ मंदिरोम जात धूप बलीलो 10 धूप पेताडीलाआ टायमोमें आखे मांहे बारथे उभे रोत प्रार्थना कोईत ओते 11 आना त्याहा धुपाआ वेदीई हाजावोगे परमेश्वराआ एक दूत उबु रोतगोल्यु देखायू 12 त्याहा पालीत जखऱ्या घाबरील्यो गोल्यो आना बितकोईत पोयो 13 पण स्वर्ग्दूतोवाही त्याहा कोल्यो , ओ जखऱ्या बितकोईत ओवुहू नाहा काहाके ताआ प्रार्थना होमलित आवयी होय ताआ लाडी एलीशिबा त्यापोरोत ताहु एक पोऱ्या उवे आना तू त्याआ नाव योहान मेकीला 14 ताहु आनंद आना आनंद लागे आना त्याआ जल्माआ तेदीही जाखो मांहे आनंद कोअनारू 15 काहाके प्रभूउ नजरेम तो वोडू ओयताहू द्राक्ष रोह आना मद्द्य पीही नाहाएने आपाआ आयाहिई पोटामेज तो पवित्र आत्मावांहि जाअखो ओतगोल्यु जानारू 16 तो इस्राएलाओ पोर्यामोरोत ताहा कोअताजो तो आपाआ प्रभू परमेश्वराही घेऊन आविलो 17 आना तो त्याआ आगाडी एलियाआ आत्म्यात आना सामर्थ्याआ माय पोईत चाले का आबहाआ मोनाहा पोऱ्या हनापोऱ्यापो घेऊन आविलो आना आज्ञा न मानणाराहा धार्मिका वाटेपो घेऊन आविलो किबिकोईत तो प्रभुकोअता योग्य एह्ली प्रजा तीयार कोअनारू 18 जखऱ्यावाही देवदूताहा फ़ुस्ल्याआ आय याहा क्याहापोरोत होमज्यू शकतो? काहाके आय ताहा डायू होय माआ लाडी पण डाई होय 19 स्वर्ग दूतावाही उत्तर आपिलू "आय गब्रिएल होय जो परमेश्वराआ आगाडी उभे रोतलू माहु यकोअता मोक्ल्यीत होय का आय ताआ आरी गोगू आना ए संदेश कोहू 20 पाला , ज्या दिहेजा ए गोठी पुरो उवनारा नाहा तू गुटू रोही आना गोगू सेकेहे नाहा काहाके तू माआ गोठीपो विश्वास कोल्योओ नाहा जी योग्य टायमोमें पुरो उवे 21 मांहे जखऱ्याआ वात पालीत ओते आना त्याहा आश्चर्य वाटत ओते का त्याहा मंदिरोम ऐतू वेल काहा लागित होय ? 22 पोन जाहा तो बारथे आवयू तेहालाम तो कोहू शकला नाहा आना ते होमजीत गोये का मंदिरोम त्याहा किबी तेबी दर्शन जोडयेहे होय तो खून कोईत देखडीत रोला आना मुक्कोज रोला 23 आना एहलो उवे का जेव्हा त्याआ लेवीई काम पुरो उवे तेहालाम तो आपाआ कोआ गोल्यो 24 आव दिहोनंतर त्याआ लाडी एलीशिबा गर्भवती रोली आना तीही ओ कोत स्वतःहा पाच मोयना निकाडीत मेकल्ये 25 तिया दिहोम मापो कृपा नजर कोईत माहुमो माआ बदनामी सेटे कोयालाकोताच प्रभू परमेश्वराने माआरी एहेलू व्यवहार कोल्योओ होय 26 सहावू मोयनाम परमेश्वरपोरत गब्रीएल स्वर्गदूत नासरेथ नावोओ गालील नगरामे, 27 उनाआ कुवारी जागे मोक्ल्यीत गोये जीई मागणी उनाआ योसेफ नावोओ मांहाआरी उवी ओती तो दाविदाआ कुलामोरोत ओतु आना तियाअ कुवारीई नाव मरिया ओते 28 आना विसमे आविलो तीही स्वर्ग्दूतोवाही कोल्यो , ओ प्रभूउ कृपा पावलेली बोयोआ नमस्कार, प्रभू ताआरी होय 29 आव आभारमानिला उनाईत ती घाबरील्यो गोयी आना विचारोम पोडीत गोयी का ओ कोडला विषयाहा आभारमानत्लू ओवुहू सेकोहो ? 30 तेहालाम स्वर्ग दूतावाही तीही कोल्यो , ओ मरिया, बित नाहा काहाके तापो परमेश्वराआ कृपा उवी होय 31 पाला तू गर्भवती उवे आना उनाआ पोऱ्याहा जोल्मो आपी आना तू त्याआ नाव येशु मेकीला 32 तो वोडू उवे आना परात्पराआ पोऱ्या कोअहो जाइअलो प्रभू परमेश्वर तिया आबहू त्याहा दविदाआ सिहासन त्याहा आपी 33 आना तो याकोबाआ कोऱ्यापो अनंत काळपर्यत राज्य कोअनारू आना त्याआ राज्याआ अंत उवे नाहा 34 मरीयाई स्वर्ग दूतरा कोल्यो ओ केहलो ओवुहू सेकोहो ? काहाके आय ताहा कुवारी होय ? 35 स्वर्ग्दूतोवाही तीही कोल्यो , पवित्र आत्माआ आना परात्पराआ सामर्थ्य तापो सावलू कोअही ह्याप्रमाणे जो उत्पन्न उवे तो परमेश्वराआ पोऱ्या कोअहो जाइअलो 36 पाला ताआ होगवाड्ये अलीशिबाहा पण आव डायू पाणोम पोऱ्या उवे होय आना ती जी वांझ कोल्यी जात ओती तीई सहावू मोयनु चालीलो होय 37 काहाके परमेश्वराकोअता किबी नेउवे नाहा 38 मरीयेअ कोल्यो पाला , आय ताहा प्रभूऊ दासी होय ताआ वाचनाहोस माआरी ओवुहू आप तेहालाम होर्गादूत तिया त्यापोरोत निहित गोल्यो 39 तेह्लाम त्याआ दिहोम उठित वेगुज दोगुमेह भागुम यहुदा नगरोत गोयी 40 आना जखऱ्याआ कोअमे जात तीही एलीशिबाहा नमस्कार कोल्यु 41 एहलो उवे का जेहलो मरीयेअ अलिशिबेओ भेट लेदि तीई पोटाम पोऱ्यो उधलील्या आना एलीशिबा पवित्र आत्मावांहि पुरोओत उवी 42 तिये वोडो आवाजोमें ती गोगल्यी, तू बोयी माय धन्य आना ताआ पोटामे पोऱ्यो पण धन्य होय 43 मापो ए कृपा केहली उवी का माआ प्रभूऊ आयहि माआहने आवयी? 44 पाला , ताआ नमस्कार शब्द माआ कानोम पोडये आना माआ पोऱ्यो उधलील्या 45 धन्य होय ती बोयोआ जीयी विश्वास कोल्योओ का जे किबी परमेश्वराने तीही कोल्यो होय ते पुरो उवे 46 तेहालाम मरीयेअ कोल्यो , “माआ जीव परमेश्वराआ गौरव कोईत होय ” 47 आना माआ आत्माआ माआ तारणाऱ्याआ प्रभूमे आनंदाम पोयो होय 48 काहाके तिये आपाआ दासीई गरिबीई परीस्तीतीम दया कोअयी होय त्यापोत पाला , ओमोरोत पिढ्यानपिढ्या ताहु धन्य कोअही , 49 काहाके परात्परावाही माकोअता वोडो काम कोल्यु होयेआने त्याआ नाव पवित्र होय 50 पाच आना त्याआ दया पिढ्यानपिढ्या पर्यंत त्याआपो जे तिया बित मानतेहे त्यांपो रोही 51 पाच तिये आपाआ आबोवाही पराक्रमाआ काम कोल्यु होयेआने त्याहा तितर बितर कोईत आपिलू जे आपाआ विचारोम गर्वकोतारू ओते 52 पाच तिये राजाहा राजसानापोरोत पोडीत आपिलू आना गोरब्योहो वोडो कोईत आपिलू 53 पाच तिये फुक्ल्याहा हाजा वस्तूवाही तृप्त कोल्यु होय आना जे श्रीमंत त्याहा निसे ओतु कोईत काढीत आपिलू 54 पाच , जेहलो तिये आम्हा आगलाडायाहा कोल्यो तेहलूज तिये आखे काली आब्राहाम 55 आना त्याआ वंशाआ प्रती आपाआ दया ओर कोईत इस्राएल ची सेवा कोअयी 56 पाच मरियम तिया आरी तीन मोयना रोत आपाआ कोआ फासी आवयी 57 तोयों एलीशिबाआ ठाल्लीउविला दीही पुरो उवे आना तीही उनाआ पोऱ्याहा जोल्मो आपिलू 58 पाच त्याआ जागरयु आना कोऱ्यामाहुहू ओ उनाअयो तेहालाम प्रभूऊ तीपो कृपा नजर कोअयी होय ताहा तिये आनंद कोल्योओ 59 पाच आना एहलो उवे का मांहे आठवो तेदीही पोऱ्याहा सुंता कोइलाकोअता आव्ये तेहालाम त्याआ आबाहाआ नावोहोस त्याआ नाव पण जखऱ्या मेकहु लागाडीत 60 साहा यापो त्याआ आयही कोल्यो नाहा, त्याआ नाव योहान मेकण्याम आवे 61 साहा तेहालाम तिये तीही कोल्यो , तुमाआ होगावढ्यामेहे ताहा कोडाआज एहलो नाव नाहा 62 साहा तिये त्याआ आबहाहा निशाण लेखित फ़ुस्ल्याआ का ताहु त्याआ नाव नाहाकोत मेकीला होय ? 63 साहा तिये लेखिलाआ पाटी मागित ह्यापो लेखिलो ह्याआ नाव योहान होय आना आखाहा आश्चर्य वाटेम 64 साहा लागेज त्याआ सोब आना जीभ उगडाव्यी आना तो परमेश्वराआ गौरव कोईत गोगू लाग्यू 65 साहा योपो आगडीफासाडी रोणारे मांहे बितकोईत ओतगोल्यु गोये आना यहुदाआ आखे दोगुमेह भागुम आव आखे गोठीई चर्चा ओवुहू लागीई 66 साहा जिये ओ आखे उनाअयो तियाअ आखाहो आपाआपाआ मोनामे फूस कोईत कोल्यो , “ओ पोऱ्यो केहलु होय?” काहाके खरोज प्रभूआ आथे त्याआपो ओतु 67 आना तिया आबहू जखऱ्या पवित्र आत्मावांहि जाअखो पोयो आना ओ कोत भविष्यवाणी कोहू लाग्यू 68 साहा इस्त्राएलाआ प्रभू परमेश्वर धन्य होय काहाके तिये आमाआं कालजी लेदि होयेआने आपाआ मांहाहा तरणाआ काम पुरो कोल्यु होय 69 साहा आना आमच्यासाठी आपाआ दास दाविदाआ गारानाम तराणाआ एक सिंग लाडयु होय 70 सात जेहलो तिये धोरती त्यापोरोत आपाआ पवित्र संदे सोबिमरोत कोहू लागाडले ओते 71 सात का आम्हा दुश्मनापोरोत आना आमाआरी द्वेष कोअनराआ आथोमरोत आमुहू तारण उवे 72 सात का आम्हा आगाडीदाया दया को आना आपाआ पवित्र काराराआ ओर को 73 सात कोअतीज ती शपथ जी आमाआ आबहू अब्राहामाआरी कोअयी ओती 74 सात का आमुहू ओ वरदान आप का आमुहू आपाआ दुष्मनांआ आथोमरोत सोड्व्ये जात 75 सात आगडी पवित्रता आना धार्मिकतेवाही जीवनपोईत नारू रोत याहा सेवा कोईत रो 76 सात आना तू ओ पोऱ्या परात्पराआ भविष्य वक्ता आखिलो जानारू काहाके तू प्रभूआ वाट तीयार कोइलाकोअता त्याआ आगाडी -आगाडी सालनारू होय 77 सात का त्याआ मांह्हू तरणाआ ज्ञान आप जो त्याआ पापोओ माफिवाही जोडयो ओते 78 सात ओ आम्हा परमेश्वराआ तियाअ वोडो मायेवाही उवे, ज्यामुळे वरून आमापो वेगऱ्यू प्रकाश आमापो उगे 79 सात का आंधार आना मोईला सावलामे बोहणाराहा प्रकाश आपी आना आम्हा गुडाहा शांती वाटेमे वारुई सालाडणारु 80 तो पोऱ्यो वोद्तो आना आत्मामेहे ताकतवालू ओवतु गोयु आना इस्राएलापोओ प्रकट उविलाआ दिहेजा रानोमेहे रोल्यु.