2
तिया दिहोम आगुस्त केसर याहा त्यापोरोत आज्ञा आवयी का आख्खा जगोमेऱ्या महुअ नाव लेखाल्यो जालो 2 एज पेल्ली नावनिसी तियाअ वेले उवी , तेहालाम क्विरीनीय दिहाआ सुभेदार ओतु 3 जाहा माहे नाव लेखीलाकोता आपाआपाआ नगरामे आव्ये 4 आखरी योसेफ पण यांकोअता का तो दविदाआ कोऱ्यामेऱ्यू आना वंशाआ ओतु गालीलामेऱ्यु नासरेत गावून यहुदियामे दाविदाआ गावून बेथलेहेमाआ गोल्यो, 5 का आपाआ मागीईलो उवलो मारिया आरी जी गर्भवती ओती नावे लेखली 6 त्याआ इही रोत ओतलू त्याआ जोल्मो आपिला दीही पुरो उवे 7 आना तीही आपाआ पेल्लाज पोऱ्याहा जोल्मो आप्यू आना त्याहा पोटकाम गुंडालीत गोठाम मेक्ल्ये ; काहाके त्याआ याकोअता धर्म शाळाम जागू नाहाओती 8 आना तिया त्याहा केतो मेंढवालो ओते , जे राती मैदानूम रोत आपाआ गोठाआ होंबाला कोईत ओते 9 आना प्रभूआ एक दूत आविलो त्याआ त्याही उबु रोला, आना प्रभूऊ तोच त्याआ चारू सेटे चमकील्यो, आना ते जाखो घाबरील्यो गोये 10 जाहा होर्गादूतांई त्याहा कोल्यो , बित नाहा ; काहाके आय वोडो आनदाआ सुसामाचार उनाडत्लू जो आखे माआहुकोअता होय , 11 ती आज दविदाआ नगरामे तुम्हाकोअता एक उद्धार कोअता जन्मउवलू होय , आना ओच मसीहा प्रभू होय 12 आना याआ तुम्हाकोअता एज खून का तुमु उनाआ पोऱ्याहा पोटकाम वालीतमेकल्यो आना गोठाम पड्ल्यू पालिलो; 13 जाहा उनाआ एक तियाअ स्वर्ग दूताई आरी स्वर्ग दूतांआ जमावे परमेश्वराआ स्तुती कोईत ओतलू आना ओ कोल्यो देखाहे देखायो, 14 "जुगोम परमेश्वराआ महिमा आना धोरती उपो तियाअ माहामोरोत त्याआपो तो प्रसन्न होय शांती होय'' 15 जाहा स्वर्गदूत त्यापोरोत होर्गाम निहित गोये , तेहालाम मेढेवालाई आपसामेहे कोल्यो , आव आपु बेथलेहेम ला जाहू ए गोठी जी उवी होय , आना ज्याहा प्रभूऊ आमुहू कोल्यो होय 16 आना ते लागेज जात मारिया आना योसेफाहा आना गिव्ह्नतल्या तियाअ पोऱ्याहा मेकीत्तरोल्यू पेल्ल्लु 17 त्याहा पालहु तिये ए गोठी जी याआ पोऱ्याआ विषयी त्याहा कोल्या गोयी ओती प्रगट उवी , 18 आना आखे उनाणारे तियाअ गोठीईरी जी मेंढावालाई त्याहा कोल्यी आश्चर्य कोल्यु 19 जाहा मारियाओ ओ आखे गोठी आपाआ मोनामे मेकीत फूस कोईत रोली 20 आना मेढपाळाआ जेहलो त्याहा कोल्या गोये ओते , तेहलूज आखे उनाईत आना पालहु परमेश्वराआ महिमा आना स्तुती कोईत निहित गोये 21 जाहा आठ दीही पुरो उवे आना त्याआ सुतांआ दीही आवेताहा , ताहा त्याआ नाव येशू मेक्ल्ये गोये जे स्वर्ग दूताकोई तिया पोटामोरोत आविलाआ आगाडी कोल्यो ओते 22 जाहा मोशेए नियम शास्राहोस त्याआ शुद्ध ओनारो दीही पुरो उवे, तेहालाम तो त्याहा यारुशलेम माय घेऊन गोये , का प्रभूउ आगाडी आवे , 23 जाहा का प्रभूउ नियम शास्त्रात लेखिलो होय :'' हरएक पेल्ल्लु प्रभूकोता पवित्र ठरेल'' 24 आना प्रभूउ नियम शास्त्राआ वोचानाप्रमाने:'' ओलाआ एक जोड, नाहा ताहा पारवो त्याआ बेन पिल्ले'' घेऊन बलिदान कोईओलो 25 यरुशलेम माय शिमोन नावाआ एक माहु ओतु, आना तो मांहु धोर्मी आना भक्त ओतु; आना ईस्रायलाआ शांतीई वात पालीत ओतु, आना पवित्र आत्माआ त्याआपो ओतु 26 आना पवित्र आत्माआ त्यापोरत त्याहा प्रकट उवे ओते का जो पर्यंत तो प्रभूउ ख्रिस्ताहा पालहु नाहा लेत , तो पर्यंत देही नाहा 27 तो आत्म्याआ हिकाड्ल्यावाही मंदिरोम आवयू; आना जेव्हा आयहि आना आबहू तियाअ पोऱ्यो येशुहू जागे लाविले, का त्याआ याकोअता पवित्र शास्त्राआ नुसार कोअही 28 तेहालाम तिये त्याहा आपाआ माडीत लेधलो आना परमेश्वराआ धन्यवाद आपित कोल्यो : 29 ओ स्वामी, ओमे पर्यंत तू आपाआ दासाहा आपाआ वासिला नुसार शांतीई सोडीत आपोहो, 30 काहाके माआ डोआवाही ताआ उद्धारन्यू पालीत लेधलो होय , 31 काहाके ज्याहा तू आखे देशाआ माअहाआआगाडी तीयार कोल्यु होय , 32 काहाके का तो बिहीरा कोअटाहा प्रकाश आपिलाकोअता उजाआलो'' आना तांआ निसाऱ्ये माहे इस्रईल ची महिमा होय'' 33 त्यापो आबहू आना याआ आयहि आव गोटीविषयी जी त्याआ विषयामे कोल्यी जात ओती, आश्चर्य कोईत ओते 34 तेह्लाम शिमोनाआ त्याहा आशीर्वाद आपित, त्याआ आयहि मरीयाहा कोल्यो ,'' पाला, तो ताहा इस्रायलामेहे जाअखो निसे पडणे आना उठाडीलाकाजे, आना एक एहलो चिन्ह उविलाकोअता ठरव्येहे गोये होय , त्याआ विरोधाम गोठी कोअल्यो जाइअलो 35 नहाते तांआ जीव पण तालवारीकोईत आरपार छेदुन जाथ यापोरोत जाअखो मोनाआ फूस प्रकट होय 36 अशिराआ वशामेरया हन्ना नावाआ फणुएआ पोऱ्यी एक भविष्यवक्ती ओती ती जाखो डायु ओतीएने वेहवाल ओवल्यु फासाड़ी सात वर्ष आपाआ डोहा आरी रोहू शकली ओती 37 ते बांडाआरी वर्षापोरोत रोंडाली ओती: आना मंदिराहा सोडीत नेओती, पण ती उपास आना प्रार्थना कोईत रात दीही उपासना कोइलाआ 38 फासाड़ी आना ती तियाअ टायमोमे आविलो प्रभूहु धन्यवाद आपुहूकाजे लागीई, आना त्याहा आखाहा , जे येरुशलेमाआ सुककाआ वात पालीत ओते , तीइही तियाअ पोऱ्याआ विषया माय कोहू लागीई 39 फासाड़ी जाहा ते प्रभूउ नियामाशात्रानुसार आखे किबी पुरो कोईत उवे आय आपाआ नगरामे नासरेथला फासी निहित गोये 40 आना पोरयु वोदते आना ताक्त्वालू उवते गोल्यो आना दिमाआके पुरोओत उवनारा गोल्यो; आना परमेश्वराआ आत्मा त्याआ उपो ओतु 41 त्याआ आयहि आबहू प्रतेक वोऱ्ही वाल्हाडनाआ हुना फासाड़ी यारुशलेम माय जात रोतत्त्लो 42 तेहालाम येशू बारा सालाआ पोयो, तेहालाम ते पूर्वीच्या रोतीई नुसार यरुशलेमो गोये 43 तेहालाम ते दीही पुरो कोईत निहीला लागाडीत , ताहा पोऱ्यो येशू यरुशलेम माय रोत गोल्यो; आना ओ त्याआ आयहि आबाहा मोलुम नाहाआत्लू 44 ते ओ होमाजाडीत ओते का तो बिहीरा प्रवासा आरी होय , उनाआ दिहिओ प्रवासजाआलो आगाडी कोल्योओ; आना त्याहा आपाआ होगवाद्याआ माय आना ओलखिई माहुंमे होधुहू लागाडीत 45 परंतु तो मिल्यू नाहा, ताहा ते होदित- होदित यरुशलेमे माय फासी निहित गोये 46 आना चोर दिहे फासाड़ी तिये त्याहा मंदिरोम गुरुजनांमेहे बोहीतरोल्यु त्याआ उनाता आना त्याहा प्रश्न फुसतावाही पालील्यो 47 जेवडे पण त्याआ उनाईत ओते , ओ आखे त्याआ बुद्धी वरून आना त्याआ उत्तरावाही चकित ओते 48 तेहालाम ते त्याहा पालीत चकित उवे आना त्याआ आयही त्याहा गोगल्यी,'' ओ पोऱ्या तू आम्हा आरी एहेलू काहा वेवारो कोल्योओ पाला, तांआ आबहू आना आय ताहु मेहनती होतगोयो होद लेत ओतू 49 तिये त्याहा कोल्यो ,' तुमु माहु काहा होदित ओते ? नाहाकोत तुम्हामे मोलुम नाहा का तुमु माहु माआ आबाहाआ कोअमे रोहू आवश्यक होय 50 पाच पोन जी गोठी तिये त्याहा कोल्यो , तिये त्याहा होमजाव्ये 51 पाच तेहालाम तो त्याआ आरी गोल्यो, आना नासरेथ माय आवयू, आना त्याआ वंशामेह रोला; आना त्याआ आयही ए आखे गोठी आपाआ मोनामे मेकल्यी 52 आना येशू ओक्कल आना डीलोवाही, आना परमेश्वराआ आना माहाहा आत्मामेहे वोद्ल्यु.