16
जाहा रब्बाथ दीह वीतित गोयु ते मरियम मगदलीया आना यकुबोओ आय ही मरियम आना सलामे ऐ मोम मोंग गोदानारे वस्तु वेस्ती लेदी का आवित त्यापोओ चोले 2 ह्प्ताआ पाल्या तेदीही वोडो वेगस्युज जेव्हा दिह निहयुज ओतु, ती कब्राआ उपो आवयी, 3 आना आपसामेहे कोअला, "आमच्यासाठी कब्राआ बायनापोरोत कोडु डोणो ठेपलीत आपे ?" 4 जाहा तिये डोआं उगड्यो, तेहालाम पालील्यो ताहा डोणो ठेपल्या गोल्यो होयतो जाखो वोडू ओतु 5 कब्राआ जागे जात तिये जुवानाहा पांड आंगडे कालीला हाजावोगे बोहीतरोल्यु पल्यो, आना जाखो चकित उवे 6 तिये त्याहा कोल्यो , "चकित उवहू नाहा , तुमु येशू नासुरीमेयू , जो कृसापो सोडल्या गोल्यो ओतु त्याहा होदित होय तो मोइलमरोत उठ्यू होय , इही नाहा होय , पाला ओ ओच स्थान होय , ईहि तिये त्याहा मेक्ल्ये ओते 7 पोन तुमु जा, त्याआ शिष्यांनी आना पेत्राहा कोआ तो तुमाआ आगाडी गालीलामेहे जाहुजेहे का तिये तुम्हामे कोल्यो ओते , तुमु तिहीज त्याहा पालिलो" 8 आना ते निहित कब्राआ मायारोत निहित गोयी; काहाके थर आना बीइलाहोस त्याआपो होतगोयो गोये ; तिये त्याहा किबी कोल्यो नाहा, ती काहाके बितगोयी ओती 9 ह्प्ताआ पाल्या तेदीही वेगीई ओतुज तो जीवतो पोयो पाल्या भोला वेगीई मरियम मकदालिनीला ज्याआ मायारोत तिये सात दृष्टआत्मा काढ्ये ओते , तीही येशू देखायू 10 तीही जात येशूउ हातीदारोओ शोकात बुडोलो ओते आना रडीत ओते , वर्तमान आप्यू 11 ते ओ उनाईत का तो जीवतो होय आना तीही त्याहा पालील्यो , विश्वास नाहा कोल्योओ 12 त्याआ फासाड़ी तो बिहीरा रुपात त्यांमेरया बेनुहू जेव्हा ते गावोही जात होतदिसले 13 तिये पोन जात बिअराहा खोबोर आप्यू , परंतु तिये त्यांपो पोन विश्वास कोल्योओ नाहा 14 फासाडी त्याहा तिया अकरा जनाहा पण जेव्हा ते रोटू कोअला बोह्ये ओते देखायू ओतु, आना त्याआं ज्याविश्वासनाहातो आना मोनाआ कोठरता उपो दोष लागाड्यू, काहाके जिये त्याआ मोइलमरोत उठेताहा त्याहा पालील्यो , तिये त्याआपो विश्वास मेकअलू नेओतू 15 आना तिये त्याहा कोल्यो , "तुमु आखे जगात जात आखे धारेतीई माहुंहु सुसमाचाराआ संदेश को 16 जो विश्वास कोअत्लू आना बाप्तिस्मे लेहो त्याआज उद्धार उवे, परंतु जो विश्वास नाहा कोअनारू तो दोषी ठरविल्यो जाइअलो; 17 विश्वास कोवनारापो ओ चिन्ह होय का ते माआ नावामेहे दृष्टआत्म्यांहा काढे, नवो भाषा गोगे , 18 हापोहे विसित लेणारे, आना केधी ते प्राणनाशक वस्तू पण पित्कोईत लेधोतेबी त्याआ नुकसान उवे नाहा; मादवाड्यापो आथे मेकीत , आना ते हाजो होय " 19 प्रभू येशू त्याआरी गोठी कोईलानंतर होर्गाम लेदो गोल्यो आना परमेशवराआ हाजावोगे बोहित गोल्यो 20 आना ते निहित हरएक जागापो प्रचार कोल्योओ, आना प्रभू आरी काम कोईत रोला, आना तियाअ चिन्हद्वारे जे जागे- जागे उवनारा वचनोमे दृढ कोईत गोल्यो आमेन.