JOHN
युहानो
1
सुरवातीही वचन ओते , आना वचन परमेश्वराआ आरी ओते , आना वचन परमेश्वर ओतु 2 तोज सुरवातीती परमेश्वरा आरी ओतु 3 आखे किबी त्याआ त्यापोरत उत्पन्न उवे, आना जे किबी उत्पन्न उवे होय त्याआ मायारोत कोंडली पण वस्तू त्याआ वासित उत्पन्न उवी नाहा 4 तीयाम जीवोन ओते आना जीवोन माअहा प्रकाश ओतु 5 प्रकाश आदाराम सोमकीतलु, आना आंदारामे तीही ग्रासले नाहा 6 एक मांहु परमेश्वरा त्यापोरोत आवीत पोयो ज्याआ नाव योहान ओते 7 तो साक्ष आपुहूकाजे आवयू का तो उजवोडाआ साक्ष आप्यी , काहाके आखे त्याआ त्यापोरत विश्वासामेहे आवे 8 तो स्वता: ताहा प्रकाश नेओतू , परंतु तियाअ उजवोडाआ साक्ष आपुहूकाजे आवयू होय 9 खोरो प्रकाश जो हरएक मांहाहा प्रकाशाम कोअत्लू, जगात आविलो ओतु 10 तो जगात ओतु, आना जग त्याआ त्यापोरत उत्पन्न उवे, आना जगोवाही त्याहा ओलखे नाहा 11 तो आपाआ कोआ आवयू आना त्याहा त्याआ कोऱ्यावाही आहने कोअयु नाहा . 12 परंतु जिये त्याहा ग्रहण कोल्यु, तिये त्याहा परमेश्वराआ पोऱ्याआ उविला अधिकार आप्यू होय , अर्थात त्याहा जे त्याआ नावापो विश्वास कोअता 13 ते नाहा रक्ताआ , नाहा डीलोओ इच्हावाहि नाहा माहाहा इच्हावाहि परंतु परमेश्वरा त्यापोरोत उत्पन्न उवे होय 14 आना वचन देहधारी उवे; आना अनुग्रह आना खोरावाही पुरोओत ओतगोल्यु आम्हा माय रोला, आना आमुहू त्याआ एहलो गौरव पालील्यो , जेहलो का आबाहाआ एखली उनाआ ची महिमा 15 योहानाई त्याआ विषया माय साक्ष आप्यी आना आयडीत कोल्यो,'' ओ तोज होय , ज्याआ आय वर्णन कोल्यु का जो माआ नंतर आविलो होय तो माआ वरून वोदाड आना तो माआ पेक्षा पेल्ल्लु ओतु'' 16 काहाके त्याआ परिपूर्ती आमुहू आखाज जोडयो कोअयी होय अनुग्रहापो अनुग्रह 17 याआ याकोअता का नियम शास्त्र मोशेए त्यापोरत आपिलू गोये होय , परंतु अनुग्रह आना खोरो पणा येशू ख्रिस्ता त्यापोरत पोतीतगोयी 18 परमेश्वराआ कोडु केधीज नाहा पालील्यो , एखलूच एक पुत्र जो आबाहाआ जागे होय यांहि त्याहा प्रगट कोल्यु 19 योहानाहा साक्ष ए होय का तेहालाम यहुदियाअत्राआ यरूशलेम मायारोत याजकांवाही आना लेव्यांनी त्याहा ओ फुसिला याकोअता मोकल्ये,'' तू कोडू होय ?'' 20 ताहा तिये ओ होमजीत लेधलो आना नाकोनारो कोल्योओ नाहा, परंतु होमजीत उनाईत लेधलो,'' आय ख्रिस्त नाहा'' 21 तेहालाम तिये त्याहा फ़ुस्ल्याआ,'' ताहा फासाड़ी कोडू होय ? नाहाकोत तू एलिया होय ?'' तिये कोल्यो'' आय नाहा होय '''' ताहा नाहाकोत तू भविष्यवक्ता होय '' तिये उत्तर आपिलू,'' नाहा'' 22 तेहालाम तिये त्याहा फ़ुस्ल्याआ,'' फासाड़ी तू कोडू होय ! काहाके आमुहू आपाआ मोकलीनाराहा उत्तर आपिलू, तू आपाआ विषया माय नाहाकोत कोतलू'' 23 तिये कोल्यो,'' जेहलो यशया भविष्यवक्त्यावांही कोल्यो होय ' आय जगलूम आअडीनाराआ शब्द होय का तुमु प्रभू चा मार्ग हीदू को; 24 ते परुश्या त्यापोरोत मोकल्ये गोये ओते 25 तिये त्याहा ओ प्रश्न फुसल्या,'' केधी तू ख्रिस्त नाहा, आना नाहा एलिया आना नाहा तो भविष्यवक्ता होय , ताहा फासाड़ी बाप्तिस्मे काहा आपोहो''? 26 योहानाई त्याहा उत्तर आपिलू,'' आय ताहा पायोंवाही बाप्तिस्मे आपोहो, परंतु आम्हा माय एक माहहू उबु होय ज्याहा तुमु ओळखीतल्यो नाहा 27 अर्थात माआ फासाडी आविलो होय , त्याआ बुटाची दोरी आय सोडवीलाआ योग्य नाहा'' 28 याआ गोठी यार्देनेच्या पार बेथानी माय ओवल्यु, जीही योहान बाप्तिस्मे आपित ओतु 29 बिहीरा तेदीही तिये येशुहू आपाआ त्याही आवातल्या पालीत कोल्यो,'' पाला ' ओ परमेश्वराआ कोकरू होय जे जगोआ पाप विसित लेहो 30 ओ तोज होय का ज्याआ विषयामे आय कोल्यो ओते ,'' एक मांहु माआ फासाडी आवीत होय तो माआ पेक्षा श्रेष्ठ होय , काहाके तो माआ आगाडी चा ओतु 31 आय ताहा त्याहा ओळखीतल्यो नेओतू , परंतु आय याआ याकोअता आय पअयोंवाही बाप्तिस्मे आपित आवयू का तो इस्राएल उपो प्रगट ओतगोल्यु जाय'' 32 आना योह्नेने ए साक्ष आप्यी : आय आत्म्याहा पेरवाहोस जुगोमोरत उतरीलावेले पालील्यो , आना तो त्याआ उपो थोबिलो गोल्यो 33 आय ताहा त्याहा ओलखे नाहा, परंतु जीआ माहु पाअयोवांही बाप्तिस्मे आपिलाकोअता मोकल्ये, तिये माहु कोल्यो , ज्यापो तू आत्म्याहा उतरीलावेले आना थोबेताहू पालील्यो ,, तो पवित्र आत्म्याआ बाप्तिस्मा आपी होय 34 आना आय पालील्यो आना साक्ष आप्यी का ओ परमेश्वरा चा पुत्र होय '' 35 बिहीरा तेदीही फासाड़ी योहान आना त्याआ शिष्या मायारोत बेन जोओ उभे रोल्या ओते 36 आना तिये येशू त्याही जात ओतु पालीत, कोल्यो, पाला ओ परमेश्वराआ मान्ना होय '' 37 तेहालाम ते बेनु शिष्य त्याआ ओ उनाईत येशूउ फासाडी आव्ये 38 येशू लेतजा वोलीत त्याहा फासाडी आवातल्या पालील्यो आना त्याहा कोल्यो तुमु कोडाआ होदिअलो होय '' तिये त्याहा कोल्यो, ओ रब्बी (अर्थात गुरु ) तू कोठे रोतलू?'' 39 तिये त्याहा कोल्यो,'' साला ताहा पालीत लेहु '' तेहालाम ते जात त्याआ रोलो ठिकाण पालील्यो , आना तियाअ दिहोम त्याआ आरी रोल्या आना दहा तासा आसेपासे ओते 40 तियाअ दिहे माय जे योहानाहा गोठी उनाईत येशू च्या फासाडी आव्ये ओते , एक शिमोन पेत्रा चा पाही आंद्रीयास ओतु 41 तिये पालील्यो आपाआ आरी पाही शिमोनाहा मिलित त्याहा कोल्यो,'' आमुहू ख्रिस्त अर्थात येशू ख्रिस्त, मिल्यू'' 42 तो त्याहा येशू त्याही लेत आवयू येशूने त्याहा नजर लागाडी कोल्यो,'' तू योनाहाआ पुत्र शिमोन होय :'' तू कैफा अर्थात पेत्र कोअहो जाय 43 बिहीरा तेदीही येशू लेतजा गालीलामेहे जाअला ठेरवीही तो फिलीप्प ला मिल्यू आना कोल्यो ,'' माआ फासाडी आव '' 44 फिलीप्प, आंद्रिया आना पेत्रा च्या नगरामे बेथसदा चा रोनारू ओतु 45 फिलीप्प नथवेल ला मिल्यू आना त्याहा कोल्यो ,'' ज्याआ वर्णन मोशे नि नियम शास्त्रात आना भविष्य वक्तांवाही कोल्यु होय , तो आमुहू मिल्यू होय ; तो योसेफाआ पोऱ्या, येशू नासरी होय '' 46 नथवेल नि त्याहा कोतल्यो,'' नाहाकोत किबी हाजी वस्तू पण नासरेथ उसेरोत निहुं शकली?'' फिलीप्प त्याहा कोल्यो ,'' जात पालीत ले '' 47 येशू लेतजा बथवेल ला त्याआ जागे आवातल्या पालीत त्याआ विषया माय बोलतुल्यो,'' पाला , ओ खरोज इस्रायली होय : तीयाम कपट नाहा'' 48 नथवेलाने त्याहा कोल्यो ,'' तू माहु केहलो नाहाकोत ओलखीतलु?'' येशूने त्याहा उत्तर आपिलू,'' तिया आगाडी का फिलीप्प माहु हादाडीही, जेव्हा तू अंजीराआ बाहा निसे थोब ला ओतु, तेहालाम आय ताहु पाल्यो उवनारा; 49 नथवेल नि त्याहा उत्तर आपिलू,'' हेरब्बी, तू पर्मेश्वराआ पुत्र होय ; तू इस्राईल चा राजा होय '' 50 पाच येशूने त्याहा उत्तर आपिलू,'' आय जे किबी ताहु कोल्यो का आयतांहु अंजीराआ बाहा निसे पालील्यो , नाहाकोत तू याआ याकोअता विश्वास कोअत्लू? तू याआ पेक्षा वोडो -वोडो काम पालही '' 51 फासाड़ी माहु कोल्यो ,' आय तुमाआ खोरो -खोरो कोतलू का तुमु स्वर्गाआ उघड लेला , आना परमेश्वराआ पुत्राच्या स्वर्ग दूतो माहाहा पुत्राच्या उसे उतरीलावेले आना उसे जाआत्लू पालील्यो ''.