2
खोब दीहोमेहे तो फाशु कफरनहूम मेहे आयु आना होम्बलील्यो का तो कोआ मेहे होय 2 तेहालाम एवडे माहे एकटा का बाअणाम त्याहाभी त्याहा जागू नाहाउवतो तेहालाम येशु त्याहा संदेश आपित ओतु 3 आना माहे एक लोखवु उवल्याहां चार जोआ मीलीत वीसीत त्या ईही लेत आवे 4 त्याहा गर्दीवही त्याजागे जाता नेआवतली, कोईत तो जीही ओतु तीही छप्पर तिये विसित सेटे कोयोएने वात कोईत ज्या खाटलापो लखवा माहुहू हुव्यू ओतु ती खाटेलो निसे येशु जागे सोडीत 5 त्याआ विश्वास पालीत येशु लखवा उवलो माहुंहु कोल्यो , “पोऱ्या, ताआ पापापो क्षमा उवी होय ” 6 केते शास्त्री त्याजागापो बोह्ये ओते ; त्याआ मोनामे एहेलू फूस आवयू का 7 ओ एहेलू काहा गोगत्लू? ओ ताहा परमेश्वराआ अपमान कोईत होय परमेश्वरावाचून कोडू पापापो क्षमा कोहू शकतो? 8 येशूने आपाआ आत्म्यात लागेज जाईत लेधलो का ओ मोनुमे नाहाकोत फूस कोईत होय , तो त्याहा कोल्यो , आपाआ मोनामे होये फूस काहा लेहाआवता ? 9 हीदू नाहाकोत होय , ताआ पापापो क्षमा उवी होय , एहलो लखवा उवलो माहुंहु कोईओलो सोपो किंवा उठ , आपाआ खाटेलो विसित चालीलो लाग एहलो कोईओलो सोपो होय ? 10 पोन माहाहा पोऱ्याहा धोरतीपो पापापो क्षमा कोईलाकाजे अधिकार होय ओ तुम्हामे होमजीवी कोईत (तो लखवा उवलो माहुंहु कोल्यो ) 11 आय ताहु कोतलू उठ , आपाआ खाटेलो विसित ले , आना आपाआ कोआ जा 12 फासाड़ी तो उठ्यू आना लागेज आपाआ खाटेलो विसित आखाआ देखताआ निघाल्यू , यापोरोत आखे जोओ थक्क उवे आना देवोओ गौरव कोईत कोल्यो , आमुहू एहलो केधीज पालील्यो नाहा 13 तो तिहीरोत निहित गोइत्लुताहा समुद्रकिनाराआ जागे गोल्यो आना आरन्यो लोकसमुदाय त्यांही आवयू तेहालाम तिये त्याहा शिक्षण आपिलू 14 तिहीरोत जात ओयताहा त्याहा अल्फीई पोऱ्या लेवी जकातीइ नाकापो बोहीतरोल्यु देखायू आना त्याहा तिये कोल्यो, माफासाडी आव , तेहालाम तो उठित त्याफासाडी गोल्यो 15 फासाड़ी एहलो उवे का तो त्याआ कोआ खायलाकोत बोहू , तिंही वारुज जकातदार आना पापी माहाआ येशु आना त्याआं शिष्य याआ लाइनिम आविलो बोह्ये काहाके ते खूप ओमेत ते त्याआ फासाडी आव्ये ओते 16 तेहालाम परुश्यामरोत शास्त्री इये त्याहा जकातदार आना पापी माहे त्याआआरी खाअलावेले पालीत त्याआ शिश्याहा कोल्यो , ओ जकातदार आना पापी माहे याआ आरी काहा खात्लू? 17 ओ उनाईत येशु त्याहा कोल्यो , हाजलू वैदयाची गोरोज कायनाओतो, ताहा बिमारीवालाहा ओते आय नितीमानास नाहा ताहा पाप्याहा बोलावयास आवयू होय 18 योहानाआ शिष्य आना परुसी उपास कोईत ओते , तेहालाम माहे आविलो त्याहा कोल्यो , योहानाआ शिष्य आना परुश्याआ शिष्य उपास कोअता पण आपाआ शिष्य उपास कोईत नाहीत याआ काहाके नाहाकोत? 19 येशु त्याहा कोल्यो , वेह्वालवालाआरी उपो होय तोपोरोत उपास कोअला शक्य नाहा 20 तेबी एहलो दीही आवे का उपो त्यांपोरोत काढीत लेदो जाइअलो तेहालाम तियाअ दिहोम ते उपास कोआ 21 कोडु नव्यो आंगडाआ ठिबकू जुनो डोगलाहा लागाडीत नाहा लागाडले ताहा धड कोइलाकोअता लागाड्ल्यी ठिबकू त्याहा म्हणजे जुनाहा फाडीअलो आना सिडू वोडो ओते 22 कोडु नवो द्राक्ष रोह जुनो बुधलाम काले नाहा पेरीला ताहा नव्यो द्राक्षरसावाही बुधले फुटणारु , द्राक्षरस वेरात्लू, आना बुधलेभी निकामी ओये कोईत नवो द्राक्षरस नवो बुधलाम काल्तले 23 फासाड़ी एहलो उवे का तो शब्बाथ तेदीही खेतामे जाआत्लू त्याआ शिष्य सोडकोपो कोंहे वोडू लागाडीत 24 तेहालाम परुसी त्याहा कोल्यो , पाला , शब्बाथ तेदीही कोहू कायना ते ओ काहा कोअता? 25 तेहालाम येशु त्याहा कोल्यो , "दाविदाला गोरोज पोड्यी म्हणजे त्याहा आना त्याआ आरीवालाहा भूक लागीई तेहालाम तिये नाहाकोत कोल्यु 26 अब्याथार प्रमुख याजक ओतलू तो देवाच्या मंदिरोम केहलु गोल्यो आना याजकाशिवाय कोडुबी खाऊ नयेत तियाअ समर्पित रोटा तिये केहला खाद्योओ आना आपाआ हेंगातीही ए केहला खॉआलाकाजे आप्या ओ तुमु केधी वाचले नाहा नाहाकोत? 27 फासी तो त्याहा कोल्यो , शब्बाथ मांहाकोअता उवलो होय , मांहु शब्बथाकोअता उवलो नाहा 28 कोईत माअहा पुत्र शब्बथाआ प्रभू होय.