3
तो फाशु मोंदीरोमेहे गोयु तीही एक माहू ओतो त्याआ आथ पांगलू ओतु 2 आना त्याआपो दोष मेकीलू कोईत शब्बाथ तेदीही तो त्याहा हाजो कोअत्लू का नाहाकोत ओ पालुहू ते लिकाइत बोह्ये ओते 3 तेहालाम तिये आथे उगाला माहुंहु कोल्यो, उठ , आना उबु रो 4 फासाड़ी तो त्याहा कोल्यो , शब्बाथ तेदीही हाजो कोअला किंवा वाईट कोअला , जीव वाचाडिलो किंवा जीव घेणे यामरोत कोठले सशास्त्र होय ? पण ते उगेच रोल्या 5 फासाड़ी येशूने रागामे भरात आखांही पालील्यो आना तियाअ माहुंहु आथे सेटू को; तिये आथे सेटू कोल्योओ आना तो हाजू पोयो 6 फासाड़ी परुसी बारथे जात येशुउ घात केहलु कोईओलो याविषयी लागीस हेरोदियाआरी त्याविरुद्ध मसलत कोईत बोह्ये 7 येशु आपाआ शिष्याआरी गालील च्या तलावोही निहित गोल्यो आना गालीलामे वोडू जमाव पासाडीपासाडी निघाल्यू 8 यहुदिया, यरुशलेम, ईदोम आना यार्देनचा तीवोगयू भाग आना सोरव सिदोन याआ आसेपासेए भाग यामरोत वोडू जमाव जी वोडवोडी काम कोईत ओतु त्याविषयी उनाईत त्यांही आवयू 9 तेहालाम गर्दीवही आपु चेंगरून जाऊ कायना कोईत तिये शिष्यांआ नाव तीयार कोईलाकाजे कोल्यो 10 काहाके तिये बिहराहा हाजो कोल्यु ओते कोईत जे रोगोम पिडलेले ओते ते आखे त्याहा स्पर्श कोईलाकाजे त्याआ डीलोपो पोडीत ओते 11 जाहा -जाहा अशुद्ध आत्मे त्याहा पालीत ओते तेहालाम ते त्याआ गुडू पोडीत कोयो का तू देवाआ पोऱ्या होय 12 आना तो त्याहा चेतावणी आपित कोल्यो एहलो का याविषयी गोगू नाहा 13 फासाड़ी तो डोगो सोडवीत गोल्यो आना त्याहा हवे ओते त्याहा हादाडये आना ते त्यांही आव्ये 14 तेहालाम तिये बारा जणोपो नेमणूक कोअयी; यकोअता का ,आना ते त्याआ आरी आरी रोये आना तो त्याहां मोकले का प्रचार कोआ 15 इये आपाआरी रोहू आना पुते काडीला अधिकार आपित उपदेश कोईलाकाजे त्याहा मोकलित 16 तिये याआ बारा जाणाहा नेमणूक कोअयिअने शिमोनाहा पेत्र ओ एक नाव आपिलू 17 जब्दीचा पोऱ्या याकोब, आना याकोबाआ पाही योहान याहा बोआनेर्गेस म्हणजे गर्जनेआह पुत्र ओबी नाव आपिलू 18 आंद्रिया, फिलीप्प बर्थलमय, मतय, थोमा, अल्फीई पोऱ्या याकोब 19 आना तदद्य शिमोन कनांनी आना त्याहा तोईत आपणारो यहुदा एस्कोर्योत 20 फासाड़ी तो कोआ आवयू तेहालाम फासी एवडे माहे एकटा का त्याहा खायलाकोत ए वेल मिळेना 21 ओ उनाईत त्याआ होगवाड्ये त्याहा तोइलाकजे निकलीलू काहाके त्याहा गांडवायू लागाडीत होय एहलो त्याआं कोईओलो ओते 22 यरूशलेमामेरोत आवल्या शास्त्री कोयो ओते का त्याहा बालजबुल लाग्यू होय तो तिया दुष्ट आत्माआ ओ अधिकाराआ आना त्याआ साहायाने दुष्ट आत्मे काडत्लू 23 ताहा तो त्याहा आपाआरी हादीत कोडु लाग्यू का , सैतान सैतानाहो केहलो काढे ? 24 आना जर आपसामेहे फुट पोड्ल्ये राज्य तिकतो नाहा जर राज्यामेहे फुट पोडे ते राज्य उजाड़ ओतगोल्यु जाहो आना फुट पोडे ते कोअमें केहे टिकनारो 25 आपसामेहे फुट पोड्ल्ये को ए टीकीत नाहा 26 सैतान खुद्पो उठ्यू आना तीयाम फुट पोड्यी ताहा तो ए टीकीत नाहा तिया आखिर उवे 27 ताकदवान माहुंहु पेल्योओ बांधल्यावांही कोडोबी त्याआ कोअमे शिरून त्याआ धनदोलत त्याहा बांधल्यापोज त्याआ को लुटेलो आवे 28 आय तुम्हाहा खचीत कोतलू का मानवपुत्राआ आखे एह्लाम पापापो आना निंदा कोईओलो दुर्भाशनाआ क्षमा उवे 29 पोन जो कोडु पवित्र आत्म्याआ निंदा कोआ त्याहा क्षमा नाहाज ताहा तो सार्वकालिक पापाआ दोषी होय 30 त्याहा अशुद्ध आत्माआ लाग्यू होय , एहलो ते कोयो ओते कोईत तो ओ बोलतुल्यो 31 तेह्लाम त्याआ आयहि आना त्याआ पाही आव्ये आना बारथे उभे रोत तिये खोबोर मोकलित त्याहा हादाडये 32 त्यापुरोत खूप माहे बोह्ये ओते ते त्याहा कोल्यो पाला , बारथे आपाआ आयहि आना आपाआ पाही आपाआ होद कोईत होय 33 तिये त्याहा उत्तर आपिलू कोडू माआ आयहि आना कोडू माआ पाही ? 34 फासाड़ी जे त्याआ भोवती बोह्ये ओते त्याआरोत पालहु तो कोल्यो , पाला , ए माआ आयहि आना ओ माआ पाही ! 35 जो कोडु देवाच्या इच्छेवही वागीलो तोज माआ पाही , तेज माआ बोंहि आना तेज माआ आयहि.