MATTHEW
मॅथि
1
अब्राहामआ पिढी दाविदाआ पोऱ्या येशुख्रिस्ताचा वंशावोलीई पुस्तक 2 अब्राहामापोरोत इसाक जन्मूला आवयू, इसकापोरोत याकोब, आना याकोबापोरोत यहुदा आना याहुदाआ पाही जन्मूला आव्ये 3 यहुदा आना तामारेपोरोत पेरेस आना जेरेह जन्मूला आव्ये, पेरेसापोरोत हेस्रोम पोयो आना हेस्रोना पोरोत अराम 4 आना आरामापोरोत अम्मिनादाब जन्मूला आवयू अम्मिनादाबापोरोत नहशोन आना नहशोनापोरोत सल्मोनआ जोल्मो पोयो, 5 सल्मोनला राहाबेपोरोत बोवाज जन्मूला आवयू, बोवाजाहा रुथपोरोत ओबेद जन्मूला आवयू, ओबेदाला ईशाय, 6 आना ईशायला दावीद राजा जन्मूला आवयू, जी पूर्वी उरीयाआ लाडी ओती तीयीपोरोत दाविदाला शलमोन जोल्मो पोयो 7 शलमोनाला रह्बाम जन्मूला आवयू, रहबामाला अबीया; अबीयला ऐहेलुज, 8 आसाहा यहोशाफाट जन्मूला आवयू, यहोशाफाटाआ योराम आना योरामाहा उज्जिया जन्मूला आवयू, 9 उज्जियापोरोत योथाम जन्मूला आवयू आना योथामापोरोत आहाज आना आहाजाहा हिज्कीया जन्मूला आवयू 10 हिज्कीयाहा मनश्शे जन्मूला आवयू आना मनश्शेला आमोन आना आमोनाआ योशिया. 11 आना बाबेललाआ वस्ती कोअयी. योशीयाला यखन्या आना त्याआ पाही जन्मूला आव्ये, 12 बाबेललाआ वस्ती कोईलानंतर यखन्याहा शल्तीएल जन्मूला आवयू आना शल्तिएलापोरोत जरुब्बाबेल आना 13 जरुब्बाबेलापोरोत अबीहुद जन्मूला आवयू अब्बीहुदापोरोत एल्याकीम; एल्याकीमला अज्जुर, 14 अज्जुराला सादोक जन्मूला सदोकापासुन याखीम, खामाहू एलीहुद; 15 एलीहुदाआ एलाजार जन्मूला आवयू, एलाजाराहा मत्तान; मात्तानाहा याकोब, 16 आना याकोबापोरोत योसेफ जन्मूला आवयू जो मरीयेचा माटी ओतु, मरीयेपोरोत येशु जन्मूला आवयू ज्याहा ख्रिस्त कोल्यो जाहो . 17 यावाही अब्राहामापोरोत दावीदाहिंजा चौदा पिड्या ओवल्यु आना दाविदापो बाबेलास देशांतर ओइता चौदा पिड्या; आना बाबेलास देशांतर उवल्यापोरोत ख्रिस्तापोरोत चौदा पिड्या 18 ओमे यीशु ख्रिस्ताआ जोल्मो याकोईत पोयो का जेव्हा त्याआ आयहि मरीयाआ मागीईलो योसेफआरी उवी तेहालाम त्याआ संबंधाआ आगाडी ती पवित्र आत्म्याद्वारे गर्भवती उवली देखीत आवयी. 19 तीई नवरा योसेफ ओ धोर्मी एहलाकारनावाही तीही भ्रष्ट कोअला नाहा ए इच्छा घेऊन गुपचुप तीही सोडीत आपिला फूस कोल्योओ. 20 पोन जेव्हा तो ओ आखे फूस कोईत ओतु तेहालाम प्रभूआ एक स्वर्गदूत त्याहा होपनाआ एहलो कोत्लेताहा देखायू का ; "ओ यसोफा, दाविदाआ पोऱ्या, तू मरियेला आपाआ लाडी स्विकार कोईलाकाजे भिईलो नाहा, काहाके तिया पोटी जो गर्भ होय तो पवित्र आत्म्याआमोरोत होय ", 21 ती पोऱ्या जोल्मो आपी आना तू त्याआ नाव येशु मेका. काहाके तोज आपाआ माहुंहु त्याआ पापापोरोत सोडविलो!" 22 ओमे ओ याकोअता उवे का , प्रभूऊ जे वचन भविष्य वक्त्यांआ त्यापोरत कोल्यो ओते ते पुरो उवे ; ते से- 23 "पाला एक जुवनी गर्भवती रोही आना ती उनाआ पोऱ्याहा जोल्मो आपी आना त्याआ नाव ईम्मानुएल एहलो मेकण्याम आवे "ज्याचा अर्थ होय , “परमेश्वर आमाआरी होय !” 24 तेहालाम योसेफ निदिमेरोअत उठ्यू आना परमेश्वराआ स्वर्गदूत आज्ञा आप्योत्यावाही कोल्यु, तिये आपाआ बयोहो स्विकार कोल्योओ 25 तेबी तीही पोऱ्या ओइता तिये तीही जान्ये नाहा तिये त्याआ नाव येशु एहलो मेक्ल्ये .