मॅथि 2

हेरोदराजाआ दिह्यामे यहुदियातील बेथलेहेमामे येशुउ जोल्मो पोयो तेहालाम पाला पुर्व दिशामोरोत मागी माहे यरुशलेमेत पोतितकोईत फुसुहू लागाडीत , 2 याहुदियाआ राजा ज्याचा जोल्मो पोयो होय तो कोठे होय ? काहाके आमुहू पालुहू तिया तारू पाल्यू होय आना त्याहा नमन कोइलाकोअता आमुहू आवयू होय . 3 जेव्हा हेरोदराजाई ओ उनाअयो तेहालाम तो आना त्याआरी आखे यरुशलेम घाबरील्यो गोये . 4 तेहालाम तिये मांहाहा आखे मुख्य याजकाहा आना शास्त्रीना एकठे कोईत त्याहा फ़ुस्ल्याआ का , ख्रिस्ताआ जोल्मो कोठे उवूंहू जोवे? 5 तिये त्याहा कोल्यो , "यहुदीयाहा बेथलेहेमात, काहाके संदेष्ट्याद्वारे एहलो लेखिलो होय : 6 "ओ बेथलेहेमा, तू ताहा यहुदाआ प्रांतात होय , तू यहुदाआ अधिकार्यांपो कोढापोही हानू नाहा, काहाके तुमामे एक सरदार नीही जो माआ प्रजा इस्त्राएलाची कालजी लेणारू होय 7 तेहालाम हेरोदावाही मागी माहुंहु गुपचुप हादीत लाविले आना त्यापोरोत ओ खात्री कोईत लेदि का तारू ठीक कोडला समयी देखायू ओतु, 8 आना त्याहा ओ कोत बेथलेहेमात मोक्ल्यीत का , जा आना तियाअ पोऱ्याआ बारकाईकोत होद को आना जेव्हा तो तुम्हामे मिले ताहा माहु आविलो कोआ म्हणजे आय पण जात त्याहा नमन कोअनारू . 9 राजाहा कोअलो उनाईत ते तिहीरोत निहित गोये आना पाला जो तारू तिये पालुहू पाल्य ओतु तो तारू त्यापोरत आगाडी तोपोरोत जातलू जोपोरोत ते तियाअ ठीकानोपो जात पोचितगोयो ज्या जागापो पोऱ्यो ओतु. 10 तो तारू पालीत ते जाखो खुश उवे. 11 ते तियाअ कोआत पोचेहेताहा तियाअ पोऱ्यापो त्याआ आयहि मरीयेजागे पालील्यो आना गुडू पोडीत त्याहा नमन कोल्यु आना स्वतःआ पिशव्या उगाडीत होनो, ऊद आना गंधरस याआ भेट आप्यी . 12 फासाड़ी हेरोदाकोअ फासी जाऊ नाहा , एह्ली होपनाआ सुचला जोदयोत्यळे ते बिहीरा मार्गाआ आपाआ त्याहा निहित गोये 13 जेव्हा ते निहित गोये तेहालाम पाला , प्रभूआ दूत होपनाआ योसेफहा दर्शन आपित कोल्यो , "उठ , आना पोऱ्यो आना त्याआ आयहीही घेऊन मिसर त्याहा नाहीत जा, आना जोपोरोत आय कोल्यो नाहा तोपोरोत होमजीत्लो रो , काहाके पोऱ्याहा घात कोइलाकोअता हेरोद राजा तिया होद कोअनारू होय 14 त्याआ राती तो पोऱ्यो आना आयहीही घेऊन मिसर त्याहा निहित गोल्यो 15 आना हेरोदाआ मरणाऱ्यापोरोत तिहीज रोला याकोअता का जे वचन प्रभूउ संदेष्ट्या त्यापोरत कोल्यो ओते , पुरो उवूंहू जोवे, “आय आपाआ पोऱ्याहा मिसरातुन हादाडये होय ” 16 जेव्हा हेरोदावाही पालील्यो का , मागी माहु ठ्गीत्लो होय , ओ पालीत जास्तीज रागावलो तिये आज्ञापोरोत मागी माहु वेल आखल्याप्रमाणे बेथलेहेम आना त्याआ आहानेपाणे तीजागेरोत आखे पोऱ्याहा जे बेन वर्ष किंवा त्यापोरोत हानू ओते त्याहा माईत टाक्ये 17 तेहालाम जे वचन यिर्मया संदेष्ट्याद्वारे कोल्यो ओते ते पुरो उवे ते असे- 18 "रामा इंही रोडीलो आना आकांत यांआ शब्द होमलित आवयू, रोहित आपाआ पोऱ्याकोईता रडीत होय आना ती नाहीत कोईत ती सात्वना नाहापोवतो" 19 जेव्हा हेरोदाआ मोईतगोल्यू उवी तेहालाम पाला मिसरामे प्रभूउ स्वर्गदूत योसेफहा दर्शन आपित कोल्यो 20 "उठ , आना पोऱ्यापो आना पोऱ्या आयहीही घेऊन इस्राएल त्याहा निहित जा, काहाके जे तिया जीव लेऊ पालीत ओते ते मोईत गोये होय" 21 तो उठ्यू आना पोऱ्यो आना त्याआ आयहीही घेऊन इस्राएल त्याहा आवयू 22 परंतु अर्खेलाव ओ आपाआ आबहू हेरोद याआ जाग्तली राज्य कोईत होय तीइही जाहू बिल्यू, फासी होपनाआ सुचला जोदयोत्यळे गालील प्रांतात (प्रदेशाम) निहित गोल्यो 23 आना नासरेथ नावोओ उनाआ गावून रोंहु लागाडीत याकोअता का संदेष्ट्याद्वारे कोल्योत वचन पुरो उवूंहू जोवे का , “त्याहा नासोरी आखीत ”.