मॅथि 3

तियाअ दिहोम योहान बाप्तिस्मे आपणारो यहुदियाच्या रानामे आविलो एहली घोषणा कोहू लाग्यू का , 2 “पश्चाताप को, काहाके स्वर्गाचे राज्य जागे आव्ये होय ” 3 ओ तोज होय ज्यावीरूढ यशया संदेस्टाआ कोल्यो ओते का , “अरण्यात घोषणा कोणारे वाणी उवी का , परमेश्वराआ मार्ग सिद्ध को; त्याआ वाटा वारुई को” 4 योहान स्वतः तो उटडाहा सिंज्याआ आंगडे रीगडल्यो आना कमरूम चामडीहा कमरपट्टा बादितमेल्यु ओतु आना टोळ आना रानमध त्याआ ओन ओते . 5 तेहालाम त्याजागे यरुशलेम, आना आखे यहुदा आना यार्देनेच्या आगडीफासाडी वस्ती कोअल्यू आखे प्रदेशामोरोत आखे मांहे त्यांही आवयी. 6 जेहेलोतेहेलो तियाअ माहु आजुबाजू पापे कबूल कोअयी, त्याआ आथो कोईत त्याहा यार्देन खाडीमेहे बाप्तिस्मे आप्यू . 7 पोन तिये केते सदुकी आना परुसी याहा बाप्तिस्मे घेण्यासाठी आपआरी आविलावेले पालीत तो कोल्यो , ओ हापाहा पिलाआ, तुम्हामे कोडु सावध कोल्यु का तुमु आवनाराआ क्रोधापोआरेते पलीलो? 8 यकोअता तुमु पश्चातापाचे हाजो फोल घेऊन आव. 9 आना आपाआ मोनुमे ओ फूस कोहू नाहा का आमाआ आबहू आब्राहाम होय , "काहाके आय तुम्हामे कोतलू का परमेश्वर ज्या दोनापोरोत पण अब्राहामाआ पोऱ्ये बानडह शकतोट" 10 कुर्हाड ओमे पण साडोओ मुलामे मेकली होय आना जे -जे साड हाजो फोल आपित नाहा ते तोडीत आगीम टाकिला आवे . 11 आय ताहा तुम्हामे पायोंवाही पछ्तापाचा बाप्तिस्मे आपोहो पण माआनंतर जो आवीत होय , तो मारोत ऐतू सामर्थी होय का आय त्याआ चप्पल विसुंहु पण योग्य नाहा. तो स्वतः तुम्हामे पवित्र आत्मावांहि आना आगीवाही बाप्तिस्मे आपी 12 त्याआ आथोमेहे त्याआ हुपडो होय तो आपाआ डोळे अगदी साप कोआ, आना गोव आपाआ कोठारात हेंगालीत आना भूसाहा तियाअ आगीम टाकिला आवे जी केधी उलाय नाहा 13 तेहालाम येशु गालीलामधून यादेंनाआ किनारापो योहानाआरी आवयू का त्यावाही बाप्तिस्मे लेहू . 14 पोन योहान एहलो कोल्यो थाबाडीहि लाग्यू का , आपाआ आथे आय बाप्तिस्मे लेवा एहलो ओतलू, आपु मांही आवतूलु ओ नाहाकोत? 15 पोन येशूने त्याहा उत्तर आपिलू, “आव समयी ऐहलेच ओवुहू आप आमआकोअता उत्तम होय का , एह्लाज प्रकारे धर्माचरण पुरो कोअला जोवे,” तेहालाम तिये त्याआ मानीत लेधलो 16 बाप्तिस्मे लेदलेताआहा येशु लागेज पाअयोपोरोत उसे आवयू आना पाला , जुग उगाडीत गोये , तिये परमेश्वराआ आत्म्याहा कबुताराहोस रुपात उतरीलावेले आना त्याआपो आविलावेले पालील्यो . 17 आना पाला , जुगोमोरत वाणी उवी का , “ओ माआ प्रिय पोऱ्या होय , ज्यापो आय संतुष्ट होय ”.