21
आना तिये डोआं उगाडीत धनवान याहा आपाआ दान भंडाराम ताकातेतेह्ला पहीले 2 तिये एक गरीब विधवाहा पण तीयाम बेन दमड्या ताकीलावेले पहीले 3 तेहालाम तो कोल्यो , “आय तुम्हामे खरोज कोतलू का आव गरीब विधवेने आखाम जाखो टाक्यो होय 4 काहाके ते आखे आपाआ -आपाआ कामाई मायारोत दानुमे किबी टाक्ये होय , परंतु इयेज आपाआ कमाईमेरोत आपाआ आखे उपजीविका टाकीत आप्यी होय ” 5 तेहालाम किबी माहे मंदिराम विषयी कोल्यो ओते का ते केहलो हाजी ते डोणे आना भेटाआ वस्तुवाही होबाडीलो होय , तेहालाम तो कोल्यो , 6 “ते दीही आवे, तीयाम ओ आखे जे तुमु पालीत होय , त्यामेरयू इही किबी दोणोपो डोणो पण नाहा सुटे जो पाड्यू जानारू नाहा” 7 तिये त्याहा फ़ुस्ल्याआ, "ओ गुरुजी, ओ आखे केधी उवे? आना ओ आखे गोठी उविलापो उवे, ताहा तियाअ वेले नाहाकोत चिन्ह उवे?" 8 तो कोल्यो , “सावध रो का ठोगीत न जानारू , काहाके जाअखो माआ नावामेहे आविलो कोअही , ‘आय तोज होय ,’ आना ओ पण का, ‘वेल जागे आवयी होय ,’ तुमु त्याआ फासाडी नाहा निहित जाऊ 9 जाहा तुमु लढाया आना दंगू याविषयी उनाआनारू ताहा घाबरील्यो जाऊ नाहा , काहाके ओ उवे आवश्य होय ; पण तियाअ टायमोमें एतांम आखिर उवे नाहा” 10 तेहालाम तो त्याहा कोल्यो , "देशोपो देश आना राजपो राज्य उठी 11 आना वोडो -वोडो भूकंप उवे, आना जोगो जाग्तली दुष्काळ आना मऱ्या उवे, आना जुगोमरोत भिवाड्नारू गोठी आना वोडू वोडी चिन्ह प्रगट उवे 12 पण आव आखे गोठीई पहीले ते माआ नावोवाही तुम्हामे तोअणारू आना त्रास आपी, आना स्भास्थानाम होपित कोअनारू , आना बंदिकोओमे टाकही, आना राज्य आगाडी आना अधिकाऱ्याआ आगाडी घेऊन आवे 13 पण ओ तुमाआ याकोअता साक्ष आपिला संधी ओतगोल्यु जानारू 14 यकोअता आपाआ -आपाआ मोनामे निर्धार मेका का आमुहू पाल्या उत्तर आपिला चिंता नाहा कोअनारू 15 काहाके आय तुम्हामे एह्ली बल बुद्धी आपी का तुमाआ आखे दुश्मन आडवाडूहु आना त्याविरुध्द कोअनारू नाहा 16 तुमाआ आई-वडील, पाही , आना होगवाड्ये, आना हेगांति पण तुम्हामे तोईत आपी; इहीजा का तुमाआ मायारोत किबी माईत टाकही 17 माआ नावाकोता आखे माहे तुमाआ तिरस्कार कोअनारू 18 परंतु तुमाआ मुंडकाआ एक सिंज्ये पण वाकडू उवे नाहा 19 आपाआ धीरावाही तुमु आपाआ जीवोहो वासाडीत मेकही 20 जाहा तुमु येरुश्लेमाहा सैन्यांवाही कोमेऱ्ये पाल्लये, तेहालाम होमजीत ल्या का त्याआ निवरील्यो जागे होय 21 तेहालाम जे याहुदियाम ओये ते डोगोम नाहीत जालो; आना जे य्रुशलेमाम ओये ते बारथे निहित जालो; आना जे खेतुम ओये तिंही नाहा जाऊ 22 काहाके ओ बदलू लेअले एहलो दीही रोही , तीयाम लेखीतमेकली आखे गोठी पुरो ओतगोल्यु जानारू 23 तिया दिहोम पोटारी आना दुध पिवाळणाऱ्या ओये, त्याकोअता हायहाय! काहाके का राष्ट्रातम वोडू त्रस आना आव माहाहूपो उवे 24 ते तलवारीई धारेवाही गुगदितबोले, आना आखे देशुमे माहुंमे बंदी ओतगोल्यु मोकल्या जानारू ; आना जोपोरोत बिहरे देशोओ वेल पुरो नाहा उवे, तोपोरोत येरुश्लेम बिहरे जातीई गुडानिसे तुळविल्ये जाथ 25 "दिह, आना चंद्र, आना तारे या चिन्ह देखाय; आना धोरतीपो राष्ट्र-राष्ट्रामध्ये माहाहूपो संकट आविलो, काहाके ते दर्या गरर्जनेअ आना लाटा लहारीवाही घाबरील्यो जानारू 26 पिकेवाही आना परिवारापेहे आवणारी आपत्तीही वात पाहता-पाहाता मांहाहा जीवूणु जीव नाहा रोही , काहाके जुगाआ शक्ती आलाडी जानारू 27 तेहालाम ते माहाहा पोऱ्याहा पराक्रमावाही आना वोडा वैभवाने वादलापो आविलावेले पालीही 28 जाहा आव गोठी घळू लोग, ताहा हीदू ओतगोल्यु आपाआ मुद्काहा उपो विसिलो; काहाके तुमाआ मुक्ती जागे होय 29 तिये त्याहा एक दाखलू पण आखिलो: "अंजिराआ सोडोहो आना आखे साडोहो पाला 30 जे पोन त्यामे फुट काडीलोतेह्लाम, ताहा तुमु पालहु आमुच ओलखीत लेहो का उनालू जागे आवयू होय 31 आवा प्रकारे आखे जेव्हा तुमु आव गोठी उवेताहा पलणारू, तेहालाम होमजीत ल्या का परमेश्वराआ राज्य जागे आव्ये होय 32 आय तुम्हामे आखे किबी कोतलू का जोपोरोत ए गोठी नाहा उवे, तोपोरोत आव पिढीही नाश नाहा उवे 33 जुग आना धोरती टोलीतजाय, पण माआ गोठी केधीज नाहा टोलणारो 34 "यकोअता होंबलीत रो , एहलो न होय का तुमाआ मोन नशाहा आना संसाराआ चिंता, आना आव जीवनोओ चीनात सुस्त ओतगोल्यु जानारू , आना ते दीही तुमापो अचानक सारखो अचानक आविलो गुगदिलो 35 कोईत ते आखे धोरतीपो आखे रोणारापो ज्या प्रकारे आविलो गुगदिलो 36 याकोता जागतू रो आना हरएक टायमोमें प्रार्थना कोईत रो का तुमु आव आखे आवनारा गोठीही वासिलो आना माअहा पुत्रा आगाडी उभे रोण्याआ लायकी बोनहू" 37 इतो दिहोम मंदिरोम शिक्षण आपित ओतु, आना राती बारथे जात जैतून नावोओ डोगोपो रोत ओतु; 38 आना वेगऱ्यू आखे माहे त्याआ उनाआ याकोअता मंदिरोम त्याआ जागे आवीत ओते.