20
एक दीही एहलो उवे का जेव्हा तो मंदिरोम माहुंहु उपदेश आपित आना सुवार्ता उनाईत ओतु, तेहालाम प्रधान याजक आना शास्त्री, परुशियाही आरी जागे आवीत उभे रोल्या; 2 आना कोहू लागाडीत ,'' आमुहू कोअलो, तू आव कामोहो कोडला अधिकाराआ कोअत्लू, आना तो कोडू होय तिये ताहु ओ अधिकार आप्यू होय ?'' 3 तिये त्याहा उत्तर आपिलू,'' आय पण तुम्हामे एक गोठी फुसल्यू; माहु कोआ 4 योनाहाआ बाप्तीस्मा होरगापोरोत ओतु काहा महांआ त्यापोरोत ओतु?'' 5 तेहालाम ते आपसामेहे कोहू लागाडीत ,'' केधी आमुहू कोल्यो,' होर्गो त्यापोरोत,' ताहा तो कोअही,' फासाड़ी तुमु त्याआपो विश्वास काहा कोल्योओ नाहा? 6 आना केधी आमुहू कोल्यो ,' महांआ त्यापोरोत,' ताहा आखे माहे आमापो डोणो माआदे कोआ , काहाके ते खरोखरेज मानीत ओते का योहान भविष्य वक्ता ओतु'' 7 आखरी तिये उत्तर आपिलू,'' आमुहू नाहा मोलुम का तो कोडापरोत ओतु'' 8 येशूने त्याहा कोल्यो ,'' ताहा आय पण तुम्हामे नाहा कोल्यो का आय ओ काम कोडला अधिकाराआ कोईत होय '' 9 तेहालाम तो तियाअ माहुंहु ओ दृष्टामे कोहू लाग्यू :'' कोडु उनाआ माहाआ द्राक्ष्या चा मोलू लागाड्यू, आना खेतीवालाहा तिया ठेका आपित आप्यू आना जाअखो दिहे याकोअता दिहरादेसुम निहित गोल्यो 10 जेव्हा वेल आवयी तेहालाम तिये खेतीवाला त्याही एक दासाहा मोकल्ये का ते द्रक्ष्याआ मोलामेऱ्यू किबी फोलोओ भाग त्याहा आपे, पण खेतीवाले त्याहा माआदे आपित खाली आथे मोकलित आपिलू 11 फासाड़ी तिये उनाआ फासी दासाहा मोकल्ये, आना तिये त्याहा पण जखमी कोईत काढीत टाक्ये, 12 फासी तिये तिसराहा मोक्ल्यीत तीयाहाभी तिये जखमी कोईत बारथे काढीत आपिलू 13 तेहालाम द्राक्षाच्या मोलाआ मालक्योहो कोल्यो ,' आय नाहाकोत कोहू ? आय माआ प्रिय पोऱ्याहा मेकलीही, होतजाई होय ते तिया आदर कोआ , 14 तेहालाम खेतीवाले त्याहा पालील्यो ताहा आपसामेहे फूस कोअला लागाडीत , तो ताहा वारीस होय ; आपु त्याहा माईत टाकुहू का मोलू आमाआ होतगोयो जाय 15 आना तिये त्याहा मोलमरोत बारथे काडीत माईत टाक्ये याआ याकोअता द्राक्ष्या च्या मोलाआ मालक त्याआ याकोअता नाहाकोत कोअही? 16 तो आवीत तियाअ खेतीवालाहा नष्ट कोअही, आना द्राक्ष्या चा मोलू बिहराहा होपीही'' ओ उनाईत त्याहा कोल्यो '' परमेश्वर कोआ एहलो न ओवो'' 17 तिये त्यांही पालीत कोल्यो , फासाड़ी ओ नाहाकोत लेखिलो होय :' ज्या दोणोहो राज्य शास्त्रीयांवांही विगरकामोअ ठेरव्यू ओतु; तो कोनशीला पोयो होय ; 18 जो कोडु तियाअ दोणोपो पोडी त्याआ तुकडे -तुकडे होय , आना ज्यापो तो पोडी, तिया भुगो -भुगो कोईत टाकही'' 19 त्याआ वेले शात्रीयांआ आना प्रधान याजकांवाही त्याहा तोईला विचारोम ओते , काहाके ते होमजीत गोये ओते तिये आम्हा वरून ओ दृष्टामे आखिलो, परंतु ते माहुंहु बितगोये 20 आना ते त्याआ पातळीपो रोल्या आना गोगण्याम घाबरील्यो त्याआ कोंडली -कोंडली गोठी तोईत त्याहा सुभेदाराआ आथे अधीकारोम होफहोपिन आपिलू 21 तिये त्याहा फ़ुस्ल्याआ,'' ओ गुरु आमुहू होमाजाडीत होय का तू आरी कोल्यो होय आना हिकाडत्लू पण, आना कोडाआ पक्ष घात नाहा कोईत , नाहा ताहा परमेश्वराआ मार्ग आरीआरीज देखाडत्लू 22 नाहाकोत आमुहू कैसराहा को आण्यो उचित होय का नाहा?'' 23 तिये त्याआ तिया होमजीत त्याहा कोल्यो , 24 एक दिनार मांहु देखाव त्याआपो कोडाआ ठासु आना नाव होय ?'' तिये कोल्यो ,'' कैसराआ'' 25 तिये त्याहा कोल्यो ,'' ताहा जे कैसराओ होय , ते केसराहा आपा ; आना जे परमेश्वराआ होय , ते परमेश्वराआ आपा '' 26 तियाअ मांहाहा आगाडी तियाअ गोठीमेहे त्याहा तोहू गोयो नाहा, परंतु त्याआ उत्तरेमुळे आश्चर्य चकित ओतगोल्यु ठावकू रोत गोये 27 आना सदुकी ओ कोअता मोल्याहा जिवंत उठाव्योज जानारू नाहा, त्यामेरोत कोडु एक त्याआ जागे आविलो फ़ुस्ल्याआ, 28 ओ गुरु , मोशेवाही आमच्यासाठी ओच लेखिलो होय :'' केधी कोडाआ पाही आपाआ लाडीई ओमेत सुद्धा ज्यापोऱ्योनाहा मोईत गोल्यो, ताहा त्याआ बोयोहो आरी वेहवाल कोईत लेही, आना आपाआ पाहिकोअता वंश उत्पन्न कोअही, 29 सात पाही ओते, पेल्ल्लु पाही वेहवाल कोईत माईत गोल्यो 30 आना बिहरु , आना तिसरुजे पण तियाअ बोयोआ आरी वेहवाल कोईत लेधलो 31 आवा रीतीवाही सात जोओ बिना पोऱ्ये मोईत गोल्यो 32 आखरी ती बोयोआ पण माईत गोयी 33 याकोअता जिवंत उवेताहा ती त्यामरोत कोडाआ लाडी उवे काहाके ती सातही जणोपो लाडी बोनी ओती 34 येशूने त्याहा कोल्यो , आव युगाआ पोऱ्यामे वेहवाल ओये , 35 पोन जे माहे तियाअ योग्य ठेरती का ते जुगाहा आना मोल्यामेरोत जिवंत उविला पण जोडयो कोअही ते ताहा वेहवाल कोअनारू नाहा आना वेहपालोहो आपिलू जाहो 36 ते फासाड़ी मोअनारुज नाहा काहाके ते होर्गादूताआ एकहरको उवे, आना पुनारुथानाआ पोऱ्ये उवेताहा पण परमेश्वराआ पोऱ्ये उवे 37 पोन याआ गोठीकोता का मोल्येपोन जिवंत होय , मोशेई पण साडोओ गोठीमेहे प्रकट कोल्यु होय का तो प्रभूहु अब्राहामाहाआ परमेश्वर आना इसाहाकाआ परमेश्वर आना याकोबाआ परमेश्वर, कोतलू 38 परमेश्वर मोल्याआ नाहा ताहा जीवताहा होय परमेश्वर होय ; काहाके त्याआ जागे जीवोन होय 39 तेहालाम ओ उनाईत शास्त्रीयामेरोत तिये कोडु एकाने ओ कोल्यो ,'' ओ गुरु , तू हाजो कोल्यो '' 40 आना त्याहा फासाड़ी फाशी फुसन्याआ हिंमत उवी नाहा 41 फासाड़ी तिये त्याहा फ़ुस्ल्याआ,'' ख्रिस्ताहा दाविदाआ पोऱ्ये केहलो कोडु लेहु? 42 दावीद स्तोत्रसहिताआ पुस्तका माय कोतले परमेश्वराने माआ प्रभूहु कोद्लो, 43 माआ हाजला सेटे बोह, जो पर्यंत आय ताआ दुश्मनाहा ताआ गुडू निसे नाहा कोहू सेकेहे 44 देखाडीत ताहा त्याहा प्रभू कोतलू; फासाड़ी तो तिया पोऱ्ये केहलु नाहाकोत बोनल्यो?'' 45 जेव्हा सागडे माहे उनाईत ओते , तेहालाम तिये आपाआ शिष्यांआ कोल्यो , 46 शास्त्रीयांना पोरोत सावध रो , त्याहा वोडो -वोडो झगे कालीत फिरुहू गोमतो, आना त्याहा बजारोमे नमस्कार कोअता, आना प्रार्थना कोआत मुख्य जागापो आना रोटू मुख्य बोहीलाआ जागू त्याहा प्रिय लागेहे 47 ते विधवाआ कोओहो खात टाकतले , आना देखाडीलाकोता जाखो वेल पर्यंत प्रार्थना कोअता: त्याहा जाअखो दंड जोडीत.