24
ह्प्ताआ पाल्या तेदीही वेगस्युज तियाअ बोई काब्राजागे आपु तीयार कोल्यो सुंगधीत द्रव्य घेऊन आव्या 2 त्याहा काबरेआह्ने डोणो होरकील्यू देखायू 3 तेहालाम तियाअ जागे गोयी परंतु त्याजागे प्रभू येशूचे डील जोडल्यो नाहा 4 तेहालाम तियाअ यापो चिंताम पोड्यो का त्यांआपो चमकणाऱ्या फडकाआ बेन माहहू उभे रोल्या 5 बिकीई देअलावाही तिये धरतीपो आपाआ सोब लागाडले तियाअ बेन माअहु त्याहा कोल्यो, जो जिवंत होय त्याहा मोअल्या माय काहा होदीला? 6 तो आव जागापो नाहा तो जिवंत पोयो होय ओर को जेव्हा तो ओमे गालीलामेहे ओतु तेहालाम तुम्हाहा नाहाकोत कोल्यो ओते 7 तिये कोल्यो ओते का , माअहा पुत्र पापी मांहाहा आथे तोईत आण्यो निच्शीत होय फासाड़ी तो कृसापो सोडाव्यु गोल्यो आना तिसऱ्या तेदीही त्याहा फासी जिवंत कोअला निच्शीत ओते 8 तेहालाम तियाअ बोअयीही त्याआ शब्द ओरवयी 9 तिया काबरेरोत वापसआव्या आना तिये ओ आखे अकरा शिष्यांआ आना बिहरे माहुंहु कोल्यो 10 याआ बोई कोल्यू मारिया माग्दलिनि, योहान आना याकुब ची आयहि मारिया ओ तेहलूज त्याआरी बिहीरा बोई पण तियाअ प्रेषितांहा कोल्यो कोल्यू 11 पोन त्याआं शब्द त्याहा व्यर्थ वाटहु लागाडीत तिये त्याआ विश्वास कोल्योओ नाहा 12 पोन पेत्र उबु रोला आना कबरेही गुगदीत आवयू आना तिये निसे टूगुवोलीत पालील्यो परंतु त्याहा केवळ तागाचे आंगडे देखायो त्याआव्यतिरिक्त किबी देखायो नाहा 13 त्याआ तेदीही त्याआ शिष्यामेरोत बेन जण यरुश्लेमारोत लगभग सात मैल सेटे होयतो अम्माऊस नावोओ गावी जात ओते 14 जी घटना घोडीही ओती त्यापो ते गोगीत सालीतरोल्यो ओते 15 जाहा ते तियाअ विषयी चर्चा कोईत ओते आना फूस कोईत ओते तोयोज येशु त्याजागे उपस्थित पोयो आना त्याआ आरी चालीलो लाग्यू 16 पोन त्याहा ओलखे जाऊ आपिलू नाहा 17 येशूने तिये कोल्यो , सालता -सालता एक दिहीराहा तुमु केहला विषयी चर्चा कोईत होय ? ते सालता- सालता थोब्यो ते जाखो दुखी देखाहे ओते 18 त्यामरोत कल्यपा नावाआ उनाआ माहुई त्याहा कोल्यो , यरुशलेम माय रोणाआरा मायारोत तू एखल्यू एहेलू माहहू होय जे फासाडीई दिहोम घटना घोडीही ती मोलुम नाहा 19 येशूने तिये फ़ुस्ल्याआ, कोंडली गोठी? तिये त्याहा आखे नासरी येशु विषयी होय ओ एक एहेलू माहहू ओतु जीआ जे कोल्यो आना कोल्यु ज्याआपोरोत परमेश्वर आना आखे माहे याआगाडी ओ देखाडीत आपिलू का तो एक महान संदेष्टा ओतु 20 पोन आय याआ विषयी गोगीत ओतू का आमुहू मुख्य याजक आना अधिकाऱ्यारीवाही केहलो मोईतगोल्यू दंड आपिला होपविल्यो गोल्यो आना तिये त्याहा कृसापो चोढावीत 21 आमु आशा मेकतुल्यो का ओच ओतु इस्रायेलाहा मुक्ती आपणारो आना आखे किबी याआ ऐहेलोओल्यो तिसरू दीही होय 22 आना आमु टोलामेऱ्यु किबी बोयीही आमुहू चिताम कोईत आपिलू होय आज वेगस्युज तियाअ काब्राजागे गोयी 23 परंतु त्याहा येशूचे डील देखायो नाहा ते वापसआव्या आना आमुहू कोतल्या का तिये होरगादूताकोअता दर्शन कोल्यु ओते का तो जिवंत होय 24 फासाड़ी आमामेरोत किबी काब्राजागे गोये आना जेहलो तियाअ बोयीही कोल्यो , तेहलूज तिये पालील्यो आना तिये त्याहा पालील्यो नाहा 25 तेहालाम येशूने त्याहा कोल्यो , तुमु फोगु होय आना संदेस्टाआ जे किबी कोल्यो त्याआपो विश्वास कोईलाकाजे केतो बागे होय 26 नाहाकोत खिर्स्ताकोअता ओ आवश्यक नाहाआत्लू का तो याहा तारासाहा भोगवित आना ह्याप्रमाणे आपाआ महिमामेहे प्रवेश कोआ? 27 आना याआ प्रमाणोओ मुस्साने सुरवात कोईत संदेष्टाहिजा आना शस्त्रामेहे याआ विषयी जे कोल्यो ओते तिये त्याहा व्याख्या कोईत होमजाद्योहो ओते 28 ते जाहा तिया गावोजागे आव्ये, त्याजागे जात ओते येशु लेतजा एह्ली वागणुक कोअयी जेहलो नाहाकोत आगाडी जायलो होय 29 परंतु त्याआ त्याहा शक्तीवाही आग्रह कोईत कोल्यो, आम्हा आरी थोबिलो जा काहाके लगभग हांजेपो उवी होय आना ओमे दीही पण टाप्यु गोल्यो होय तो त्याआरी उबरोलाकाजे जागे आवयू 30 जाहा त्याआरी रोटूखाहू मेजोपे ओतु तेहालाम तिये भाकर विसली आना धन्यवाद आप्यी फासाड़ी ती तोडीत जेव्हा तो त्याहा आपित ओतु 31 तेहालाम त्याआं डोआं उगड्यो गोये आना तिये त्याहा ओलखीत लेधलो परंतु तो त्याआगाडीरोत आरताईत पोयो 32 नंतर ते आपसामेहे गोगू लागाडीत , जेव्हा आपु त्याआरी गोगीत ओतू आना शास्त्र होमाजाडीत ओतु तेहालाम नाहाकोत आपाआ ह्रद्याजागे उकली आवीत नाहाओती ? 33 नंतर ते लागेज उभे रोल्या आना फासी यरुशलेम माय निकलीलू त्याहा अकरा प्रेषित आना बिहरे माहे ए एकठे जोडयेहे 34 जे कोल्यो ओते का प्रभू खोरोज जिवंत पोयो होय तिये शिमोनाहा दर्शन आपिलू होय 35 नंतर तिया बेनु वातेम जी घटना घोडीही ते आखे कोल्यो , आना तिये कोल्यो का रोटाआ तुकडे कोल्यु ओते तेहालाम येशुहू केहलो ओलखे ओते 36 ओमे ते त्याहा याआ गोठी कोताच ओते एतांम खुद आगडी आविलो उबु रोला आना त्याहा कोल्यो , तुम्हामे शांती जोळे 37 पोन ते चक्कित ओतगोल्यु बितकोईत उवे तिये फूस कोल्योओ ते एगदू पूत पालीत होय 38 पोन तो त्याहा कोल्यो , तुमु एहलो बितगोल्या सारखो काहा होय ? तुमाआ मोनामे शंका काहा होय ? 39 माआ आथोहो आना माआ गुडाहा पाला माहु स्पर्श को आना पाला का कोडोबीही पुतोहो माहा आना आडे नातुताहा जेहलो तुमु पालीत होय ते माआ होय 40 ओ कोत तिये आथे आना गुडू देखाडीये 41 पोन आपाआ आनंदाआ भारत ओमे पण ते त्याआपो विश्वास कोईत नाहाआत्लू ते भौवचक्के ओते येशु लेतजा तिये कोल्यो , इही तुमाही किबी खॉआलाकाजे होय नाहाकोत? 42 तिये पुजल्यो मोसेआ बोटकु त्याहा आप्यू 43 तिये त्याआ आगाडी घेऊन खादे 44 फासाड़ी तिये त्याहा कोल्यो , याआ गोठी होय ज्या आय तेहालाम तुम्हामे कोल्या कोल्यू जेव्हा आय ओमे तुम्हाआरी ओतुहरएक गोठी जो माविषयी मुस्साआ व्यवस्थेमेहे संदे आना शास्त्र याआ पुस्तकाम लेखिलो होय पुरो ऊवणारोज होय 45 फासाडी पवित्र शास्त्र होमजीलाकाजे तिये त्याआ डोआं उगाडीत आप्यी 46 आना तिये त्याहा कोल्यो , ओ तोज होय जे लेखिलो होय ख्रिस्त त्रास भोगीत आना तिसऱ्या तेदीही मोल्यामरोत जिवंत उवे 47 आना पापाआ माफीकाजे मोन फिरवासंदेश यरुशलेम त्यापोरोत सुरवात कोईत आखे त्याहा प्रचार कोल्योओ जाइअलो 48 तुमु याआ गोठी त्याआ साक्षी होय 49 आना आखे माआ परम आबहे माआरी जी प्रतिज्ञा कोअयी होय त्याहा आय तुम्हाकोअता मोकलीही परंतु तुमु याआ नगरामेहे तियाअ टाईमापोजा थोबिलो रोजाहुजा तुमु होर्ग्याआ शक्तीवांही युक्त उवे 50 येशू फासाड़ी बेथानी पर्यंत घेऊन गोल्यो आना तिये आथे उपो कोईत आशीर्वाद आप्यू 51 पाच त्याहा आशीर्वाद आपित ओतलू तिये त्याहा सोडीत आपिलू आना फासाडी तो होर्गांम उपो लेदो गोल्यो 52 पाच तेहालाम तिये तिया गौरव कोल्योओ आना वोडू आनंद कोईत यरुशलेमोमे फासी गोये 53 पाच आना मंदिरोम परमेश्वराआ स्तुती कोईत ते आपाआ वेल कालीत लागाडीत.