16
फासाड़ी येशूने आपाआ शिष्यांआ कोल्यो , एक श्रीमंत माहुहू ओतु तिया एक कारभारी ओतु त्याआपो आरोप ओतु का तो धन सेलाडीत होय 2 तेहालाम तिये हादल्यो आना कोल्यो, तोह्बारामे आय ओ नाहाकोत उनात्लू? आपाआ कारभाऱ्याआ हिशोब आप , काहाके याआगाडी तू कारभारी रोला नाहा 3 यापो कारभारी लेतजा मोनोमेऱ्यो मोनामे कोल्यो, माआ मालिक मापोरोत कारभारी काम मागीत होय ओमे आय नाहाकोत कोहू ? माआ त्याही ओमे एवडी शक्ती रोली नाहा का , आय खेतुम जात खोदिलो गालीला काम कोहू शकतो आना मांगुई माहु लाज लागेहे 4 हाजो ओमे होमज्ये का माहु नाहाकोत कोअला हवे का ज्यावाही जेव्हा माहु कारभारी पदोपोरोत काढीत टाक्ये जानारू तेहालाम माहे आपाआ कोअमे माआ सत्कार कोअनारू 5 तेहालाम तिये मालिक च्या हरएक आपणाराहा हादाडये, पाल्या माअहुहू तिये फ़ुस्ल्याआ, माआ मालकाआ ताहु केतो आपिलो होय ? 6 तिये कोल्यो होव माप ज़ैतूनचे तेल , यापो तो बोलतुल्यो ओ ले ताआ रोख, आना बोहित वेगु याहा पळास कोईत आप 7 फासाड़ी तिये दिहीराहा कोल्यो आना ताहु केतो आपिलो होय ? तिये कोल्यो , होव खाड्डा गोव, तो त्याहा कोल्यो ओ ले ताआ थोबाडा आना होव त्याआ ऐशी कोईत आप 8 यापो त्याआ मालक्योओ तिया बेईमानी कारभारीई प्रशंसा कोअयीकाहाके तिये चतुराईवाही काम कोल्यु ओते सांसारीक माहहू आपआहोस माहहू मुळे व्यवहारूम आध्यात्मिक माहुपेक्षा जाखा चतुर ऐ 9 आय तुम्हामे कोतलू का , सांसारीक मालमत्ता याकोअता आपाआ हेगांति बोनाडा काहाके जेव्हा धनदवलत सेलाय तेहालाम सार्वकालिक रोअलाकाजे तुमाआ स्वागत कोआ 10 जे माहे ज्यापोओ थोडाकोआता विश्वास कोल्योओ जाइअलो आना याआ प्रमाणोओ ते थोडाकोआता बईमानी ओवुहू सेकतेहे तो जाखा पण बईमानी ओवुहू शकतो 11 ह्याप्रमाणे जर तुमु सांसारीक मालमत्तापो भोरुसो मेकही नाहा, ताहा खोरो धना विषयी कोडू भोरुसो मेकही? 12 जे कोडु बिहराआ होय जर तुमु त्यांकोअता विश्वासाआ पात्र नेशेय ताहा जे तुमाआ होय ते तुम्हामे कोडू आपी 13 कोडोबी पावर दिहे मालकाआ सेवा कोहू शकत नाहा तो एकाहा द्वेष कोअही आना दिहीराहा प्रेम कोअही तो एकाहा तोईत रोही आना दिहीराहा तुच्छ मानही तुमु धन आना परमेश्वर आव बेनजोआआ सेवा एकहरको ओतगोल्यु कोअता आविलो नाहा 14 ओमे जेव्हा पोष्याआ पुजारी परुश्यांहि ओ उनाअयो , तेहालाम तिये येशुऊ जाखो मजाक कोअयी 15 आवे तिये त्याहा कोल्यो , तुमु एहलो होय जे माहाआगडी एहलो देखाडणारु का तुमु जाखो हाजो होय परंतु परमेश्वर तुमाआ मनाहे ओलखीतलु माहे ज्याहा- ज्याहा जाखो किमती होमजीतेहे ते परमेश्वराकोअता ते तुच्छ होय 16 योहानाईहीजा नियम शास्त्र आना संदेष्टाआ मुख्यता ओती त्याआफासाडी परमेश्वराआ राज्याआ सुवार्ता प्रचार कोअयी जात होय आना हरएक माहे वोडो प्रमाणामेहे त्यांही खेच्ये जात होय 17 स्वर्ग आना धोरती नष्ट उवे शक्य होय परंतु नियम शास्रामे एक बिंदू ची शक्ती न तुटणारी होय 18 जो हरएक कोडोबी आपाआ लाडी सोडीत बिहरे वेहवाल कोअत्लू तो व्यभिचार कोअत्लू ह्याप्रमाणे जो आपाआ आद्म्यापोरोत सोडितदेदल्यो कोडाआ लाडीआरी वेहवाल कोअत्लू तो पण व्यभिचार कोईत रोतो 19 ओमे पाला , एक माहुहू ओतु तो जाखो श्रीमंत ओतु तो जाबलो तलम आंगडे काले एहलो आना हरएक दीही थातामाटाम जिवनाआ आनंद लेत ओतु 20 त्याआ जागापो लाजर नावाआ एक गरीब दुखी त्याआ बाआनाजागे पोडीत रोत ओते त्याआ डील फोडक्याआ जखमोवाही पोअल्ये ओते 21 तियाअ श्रीमंत माहांआ उष्टे पोडीतरोल्या त्याआ पेट पोअन्याकोता तो तोडपित ओतु इहिंजा का हुणे आवीत ओते आना त्याआ जखमोंहा साटीत ओतु 22 आना फासाड़ी एहलो उवे का तो गरीब माहुहू मोल्यु तेहालाम स्वर्ग दूत आविलो त्याहा घेऊन गोये आना आब्राहाम च्या गोदमध्ये जात बोहाडील्ये तो श्रीमंत माहुहू पण माईत गोल्यो त्याहा जमिनोम गालीलो 23 नरकाआ जेव्हा तोडपित ओतलू जाहा तिये आपाआ डोआं उपो कोअयी तेहालाम आब्राहाम जाखो सेटे देखाहे ओतु परंतु तिये लाजराहा त्याआ गोदमध्ये पालील्यो 24 तेहालाम तिये आवाज आपित कोल्यो, आबुहू अब्राहामाआ, मापो दया को आना लाजराहा मोकोल का तो आपाआ अंगठी बुडालीत माआ जीभ हेलो कोईत आपीली काहाके आय याआ आगीम तोडपित होय 25 पोन अब्राहामाही कोल्यो, ओ माआ पोऱ्या, ओरको तू ताआ जीवोन सहवासाम आपाआ हाजी वस्तु मेलवी आना परंतु लाजराहा वाईट वस्तूच जोड़ी ओमे तो इही आनंद कोईत होय आना तू त्रास कोईत होय 26 आना याआ आखे परीस्तीतीम आम्हा आना तुमाआ माय एक वोडी दोरी होयायाकोअता का जर कोडु तुमापोओ आवहू इच्छितो तेबी त्याहा जाता आविलो नाहा आना तिहीरोत कोडाआ इही आवीत आविलो नाहा 27 तिया श्रीमंत माहुहु कोल्यो , ताहा फासाड़ी ओ आबुहू आय ताहु विनंती कोअत्लू का लाजराहा माआ आबहाआ कोआ मोकोल 28 काहाके माआ पाच पाही होय तो त्याहा चेतावणी आपही याकोअता का तिये तेबी याआ त्रास दासी जागापो आवहू कायना 29 पोन अब्राहमने कोल्यो , त्याजागे मोशे होय आना संदेष्टे पण होय त्याहा त्याआं उनाऊ आप 30 श्रीमंत महुहू कोल्यो , नाहा आबुहू अब्राहामाआ, जर कोडु मोल्यामरोत त्यांआपो जाइअलो ताहा ते मोन फेरविनारू 31 आब्राहाम लेतजा त्याहा कोल्यो , जर ते मोशे आना संदेष्टे याआ उनाईत नाहा ताहा जर कोडु मोल्यामरोत जिवंत ओवुहू त्याआ जागे जाइअलो तेबी ते मानणारु नाहा.