14
एकवा शब्बाथआ तेदीही मुख्य परुशीमधून कोईएक कोअमे येशु खाअलाकाजे गोल्यो त्याजागे ते वोडो नाजरोवाही त्याआपो डोआं मेकीत ओते 2 त्याजागे आगडी जलोदर रोग उवलो एक माहहू ओतु 3 येशूने यहुदी-धर्मशास्त्री आना परुसी यांहा फ़ुस्ल्याआ, "शब्बाथ तेदीही कोडाआ हाजो कोअला योग्य होय का नाहा? 4 परंतु ते ठावकू रोल्या याकोअता येशुई तियाअ माअहुहू हाजो कोईत आपिलू आना काबी मोकलित आपिलू 5 फासाड़ी तिये त्याहा फ़ुस्ल्याआ, "जर तुमामेहेरोत कोडापो आपाआ पोऱ्या होय नेते बोलोद होय तो वेईम पोडीत जात्लू ताहा नाहाकोत शब्बाथआ तेदीही तुमु त्याहा लागेज बारथे काडनारू नाहा? 6 यापो ते त्याहा उत्तर आपुहू सेकेले नाहा 7 काहाके येशुई ओ पालील्यो का हादाडल्यो माहे आपाआकाजे बोहीला पुरोमानपानजोवे जागू होडीत ओते , तेहालाम तिये त्याहा एक दाखलू आखिलो, तो बोलतुल्यो: 8 जेव्हा तुम्हामे वेहवालोम रोटाहा हादाडये ताहा तियाअ जागापो मुख्य जागापो बोअहू नाहा काहाके एहलो उवहु सेकोहो का त्याजागे तुमापेक्षा जाखा वोडू माहहू त्यावाही हादाडल्यु गोल्यो होय 9 फासाड़ी तुम्हाआ बेनुहू हादनारो तुमाआ जागे आविलो कोअही, “आपाआ ए जागू याआ माअहुहू आप ”, आना फासाड़ी लाजवाईत ताहु निसरयु जाग्तली बोहजी लागे 10 जेव्हा तुम्हामे हादाडये जाहो तेहालाम तुमु आखाम निसरयु जाग्तली बोहा याकोअता का जेव्हा तुम्हामे आंनत्रित कोअनारू आवे तेहालाम तो कोय, “ओ दोस्ता, उठ उसे बोह” फासाड़ी तिया आखाआगाडी जे ताआरी हादाडल्यो माहे रोही तीइही ताआ मान वोद्नारू 11 काहाके जो कोडु स्वतःहा उचो कोअही, त्याहा झुकाड्यो जाइअलो आना स्वतःहा झुकाडीलो त्याहा उचो कोअलाआ आवे 12 फासाड़ी ज्याहा तिये हादाडल्यो कोल्यु ओते तो त्याहा बोलतुल्यो, "जेव्हा कोंयो तू कोडोबीही तेदीही काहाके राती रोटू आपी तेहालाम आपाआ हेगांति, आपाआ पाही , आपाआ होगवाड्यो काहाके श्रीमंत जागरयु यांहा आदहु नाहा काहाके तियाअ बदलावाही ताहु हादीही आना ह्याप्रमाणे ताहु त्याआ फोल मिलित जाइअलो 13 पोन जाहा तू रोटू आपी तेहालाम गरीब, दुखी, lलेगडू, लेगडे आना आंधले यांहा हादे 14 काहाके फासाड़ी त्याजागे ताहु फासी कोइलाकोअता किबी नाहा, तेहालाम ओ ताकोअता आशीर्वाद बोनल्यो ह्याआ आखोज फोल ताहु नीतिमान माहे जिवंत उवेताहा आपिलू जाइअलो 15 फासाड़ी त्याआरी रोटू कोईत ओतल्या माहुमेरोत एकाने ओ उनाईलानतर येशुहू कोल्यो , "हरएक तो माहहू धन्यवादित होय जो परमेश्वराआ राज्याम रोटू कोईत रोतो 16 तेहालाम येशूने त्याहा कोल्यो , "एक माहहू कोडलोतेबी वोडो जेवणावळीई तीयारी कोईत ओतु, तिये जाखो माहुंहु याविषयी कोल्यो ओते 17 फासाड़ी रोटाआ टायमोमें ज्याहा कोल्यो ओते , पावारोहो मोकलित ओ कोल्यो , “आव, काहाके रोटू तीयार होय ” 18 ते आखे हारखोच निम्मित कोहू लागाडीत , पल्ले त्याहा कोल्यो, “आय एक खेत वेसातो लेधलो होय , माहु जात ते पालीलो होय , आय तुम्हामे विनंती कोअत्लू, माहु क्षमा को” 19 फासाड़ी बिहरा कोल्यो, “आय पाच जोडी बोलोद लेधलो होय , आय त्याहा तापासुहू जात्लू, आय तुम्हामे विनंती कोअत्लू माहु क्षमा को” 20 एक फासी जोओ कोल्यो , “आय वेहवाल कोल्यु होय , याकोअता आय आवहू शकत नाहा” 21 जाहा तो पावर फासिआवयु तेहालाम तिये आपाआ मालकाहा वर्तमान कोल्यो , यापो कोआआ मालिक जास्तीज खोताईत आवयू आना आपाआ पावरोहो कोल्यो , नगराआ गल्लीम, वातेम जा आना गरीब, दुखी, lलेगडू, आंधले आना लेगडे यांहा इही हादीत लेतआव 22 तिया नहाकोइत कोल्यो , ओ मालिक तुमाआ आज्ञा पुरो कोअयी होय परंतु ओमेभी जागू निसे होय 23 फासाड़ी मलीकाने नोकराहा कोल्यो , सडकावर आना खेताआ वाडीहीजा जा आना त्याजागेरोत माहुंहु आग्रह कोईत इही घेऊन आव याकोअता का माआ को पाअये जालो 24 आना आय तुम्हामे कोतलू जे पहीले हद्येहे गोये ओते त्यामरोत एकाहभी माआ रोटू चाखिलो न जोळे 25 येशु आरी वोडो लोकसमुदाय जात ओते , तो त्याआरोत वोलीतआव्यू आना कोल्यो , 26 जर माआहने कोडोबी आवीत होय आना आपाआ आयहि , बाहापो लाडी आना पोऱ्ये, आपाआ पाही आना बोईहही आना इहिंजा का आपाआ जीवनाहा मांपोरोत जाखा प्रेम कोअत्लू, ताहा तो माआ शिष्य ओवुहू शकत नाहा 27 जो आपाआ क्रूस न विसित माफासाडी आवत्लू तो माआ शिष्य ओवुहू शकत नाहा 28 जर तुमामोरोत कोडु बरुज बांदीला इच्छा ओतलू तो आगाडी बोहित आना खचाआ आंदाज कोईत आपआरी तो पुरो कोईलाएतो लायकी होय का नाहा ओ पालीत नाहा? 29 नहाते कदाचित गुडू पेअल्यापसाडी त्याहा जर तो पुरो कोअता आवयू नाहा ताहा पालणारे आखे माहे त्याआ मजाक कोआ आना आखीत , 30 अरे आव माहुई बांदालाआ सुरवात ताहा कोल्यु, परंतु ओ पुरो कोहू शकला नाहा 31 काहाके कोडु राजा एहेलू होय जो कोडोबीही बिहीरा राजाहा विरोधामेहे लोढाई कोईलाकाजे गोल्यो आना पहीले बोहित फूस कोल्योओ नेओय ताहा आपाआ दहा हजार सिपायडाआरी नाहाकोत तो वीस हजार शिपाय होय त्याआरी लोडाई कोहू गोयो का नाहा 32 आना जर तो लोडाई कोहू शकत नाहा ताहा तिया विरोधकोनारो ओमे वातीमेज होय तोयोज तो आपाआ वकिलाहा मोकलित ठावकू रोनाराआ प्रस्ताव कोअही 33 बिहरे फासाड़ी ऐह्कोईत तुमामेहेरोत कोडोबी जो आपाआ आखे धनदौलत त्याग कोईत नाहा तो माआ शिष्य ओवुहू शकत नाहा 34 खारो हाजो होय पण जर खाराआ खारोपोनाआ गोल्यो ताहा त्याआ चोव किहांवाही लावता आवे ? 35 ते जमिनोम काहाके उखीवाडोहा ए कामोओ नाहा माहे त्याहा ऐहलेच बारथे टाकीत आपत्ले, “ज्यापो ऐकावयास कान होय , तो उनाआ. ”