13
तिया टायमोमें तियाअ जागापो उपस्थित किबी माहु येशुहू तियाअ गलालीलाबद्दल कोल्यो, त्याआ रक्त पिलातावांही त्याआ बोलीआरी मिलवीत आपिलू ओते 2 तेहालाम येशूने त्याहा कोल्यो , तुमु नाहाकोत फूस कोअता, का ओ गलाली बिहीरा आखे गलाली पेक्षा खराब पापी ओते त्याहा याआ गोठी भोगिला लाग्या 3 नाहा, आय तुम्हामे कोल्यो होय जर तुमु आपाआ मोन बोदालीतगोयो नाहा ताहा तुमु पण ऐहलेच मोअहा, जेहलो ते मोऱ्यू ओते 4 आना तियाअ अठरा व्यक्तीई विषयी तुमु नाहाकोत फूस कोअता शिलोहामेऱ्यो बुरुज पोडीत त्याहा माअये नाहाकोत फूस कोअता, ते यरुशलेमो रोणाआरा बिहीरा आखे माहुपेक्षा जाखा अपराधी ओते ? 5 नाहा आय तुम्हामे कोतलू का जर तुमु मोन बोदालीतगोयो ताहा तुमु आखे पण तेहलूज मोअहा 6 फासाड़ी तिये ओ दाखलू आखिलो, "कोडा उनाआ आपाआ दक्षामोलम एक अंजिराआ साड लागाडले ओते तो त्याआपो फोल होदित आवयू ओतु परंतु त्याहा मिल्ये नाहा 7 यापो तिये मालीम फ़ुस्ल्याआ, ओमे पाला आय तीन सालपोईत अंजिराआ सोडोहो फोल होदित आवयू होय परंतु माहु एक पण फोल जोडयेहे नाहा याकोअता याहा तोलीत टाक ओ धरतीपो व्यर्थ ए काहा होय ? 8 मालीमे त्याहा उत्तर आपिलू, ओ गुरु याहा याआ वोऱ्ही सोडीत आप , ताअहुजा आय याआ आगडीफासाडी खाडू खोदित खत कालीही 9 फासाड़ी आगाडी वोऱ्ही फोल आपी ताहा हाजो होय जर फोल आपिलू नाहा ताहा तू याहा तोडीत टाकुहू शकतो 10 कोईएक प्रार्थना सभाम शब्बाथ तेदीही येशु जेव्हा संदेश आपित ओतु 11 तेहालाम त्याजागे एक एह्ली बोयोआ ओती तीयीय खराब आत्माआ वास कोल्यो ओते तीही अठरा वर्ष आजाराम एक बोयोआ ओती ती टूगुवोलीत टूगली उवी ओती आना ती थोडोज पण हीदू उवनारा नाहाओती 12 येशु तीही जेव्हा पहीले तेहालाम जागे हादाडये आना कोल्यो, ओ बोयोआ ताहु आपाआ रोगोपोरोत मुक्त उवी एहलो कोतलू 13 तिया मुंडकापो आथे मेक्ल्ये आना ती लागेज हीदू उबी रोली, ती परमेश्वराआ स्तुती कोहू लागीई 14 येशु लेतजा शब्बाथ तेदीही तीही हाजो कोल्यु याकोअता का प्रार्थना सभामेहे मत्र्याआ आअडितकोईत माहुंहु कोल्यो काम कोअला सहा दीही रोतेहे ताहा तियाअ दिहोम आव आना आपाआ रोग सेटे को परंतु शब्बाथ तेदीही माद्वाड्यो हाजो कोहू कायना 15 प्रभू लेतजा उत्तर आपित त्याहा कोल्यो, “ओ कापतीमोनाआ, नाहाकोत तुमामेरयु हरएक शब्बाथ तेदीही आपाआ बोलोद आना आपाआ गोदडाहा गोड्यावरून सोडीत त्याहा पाई पिअलाआकाजे घेऊन जात नाहा नाहाकोत?” 16 ओमे ए बोयोआ अब्राहामाआ पोऱ्यी होय आना तीही अठरा वर्ष बिमारूम ओती नाहाकोत यीही शब्बाथ तेदीही तिया बाधितमेकल्यामरोत तीही सोड्वुई नाहा नाहाकोत? 17 जेव्हा तिये ओ कोल्यो , तेहालाम त्याहा विरोध कोअनारे आखे माहे लाजीत ठोगायु उवे त्याजागे आखे गोर्दी त्याआ आश्चर्य कामामुळे जे तिये कोल्यु ओते खुश उवे ओते 18 त्याजागे तिये कोल्यो , "परमेश्वराआ राज्य केहलो होय आना आय त्याआ तुलना क्याहाआरी कोहू ? 19 ते मोहरी दाणाहोस होय ज्याहा कोडु घेऊन आपाआ जंगलूम पेहे ते वोडो उवे आना एक साड बोन्यो फासाड़ी जुगोमेरयो पाखरांनी आविलो त्याआ फासाम खोटो बोनाड्ल्ये 20 तिये फासी कोल्यो परमेश्वराआ राज्याआ तुलना आय केहला आरी कोहू ? 21 ते खामिरासारखे होय , ज्याहा उनाआ स्त्रीने घेऊन तीन माप लोटोमेहे मिले आना ते आखे पीठ खमीर तारखू पोयो 22 येशु जेव्हा नगरामे आना गावोहीरोत संदेश आपित यारुशलेम जात ओतु, 23 तेहालाम त्याहा कोडु फ़ुस्ल्याआ, “प्रभू नाहाकोत थोडोज माहुऊ तारण उवे?” तिये त्याहा कोल्यो , 24 हाकडी बाअणामोरोत जाअलाकाजे शक्यतो हरएकमाहू प्रयत्न को, काहाके आय तुमुह कोतलू का जागे जाण्याआ प्रयत्न जास्तीज कोए पोन ने जाता आवे 25 जेव्हा कोआआ मालिक एकवा उठित दरवाजू बंद कोईत आपोहो ताहा तुमु बारथे उभे रोत दरवाजू ठोकीत कोअही , “ओ मालिक आमच्यासाठी दरवाजू उगाडीत आप ”, परंतु तो तुम्हामे उत्तर आपही, आय तुम्हामे ओळखीतल्यो नाहा, तुमु कोरात आव्ये होय ? 26 तेहालाम तुमु कोअही , आमुहू ताआरी रोटूखादू , ताआरी पिद्ल्लू, तू आमुहू आम्हा गोल्लीमे शिक्षण आपिलू 27 परंतु तो तुम्हामे कोअही, "आय तुम्हामे ओळखीतल्यो नाहा तुमु कोरात होय ते ? ऐ खराब काम कोअनारा माआ त्यापोरोत नाहीत जा, 28 तुमु अब्राह्म, इसाक, याकोब, तेहलूज आखे संदेष्टाहा परमेश्वराआ राज्याम पलणारू परंतु तुम्हामे बारथे ढेपलीत आपिला आवे , त्याजागे फक्त रोडीलो आना दात साविलो रोय 29 फासाड़ी पूर्व आना पश्चिम, उत्तर आना दक्षिण त्यापोरोत माहे परमेश्वराआ राज्याम आविलो रोटाआ भागी उवे 30 लक्षाम रोहू दया का त्याजागे जे आखरी होय , पहीले उवे आना जे पहीले होय ते आखरी उवे 31 तिया टायमोमें येशुआरी किबी परुसी आव्ये आना त्याहा कोल्यो , “हेरोद ताहु माआहि इच्छितो याकोअता ईहिरोत एगदा जागापो निहित जा” 32 तेहालाम तिये त्याहा कोल्यो , जा आना तियाअ खोड्कोहो कोअलो, उनाअ आय माहुमेरोत खराब आत्माहा काडनारू, आय आज पण हाजो कोअनारू 33 आना उजालापोन फासाड़ी तिसऱ्या तेदीही आय आपाआ काम पुरो कोअनारू 34 ऐ यरुशलेम, ओ यरुशलेम, तू संदेष्टाआ जीव लेत होय आना परमेश्वराने जीआ तापो मोकल्ये होय , त्याआपो डोणो टाकीत होय आय केतीवा ताआ माहुंहु एकठे कोईत ओते जेहलो एक कुकडी आपाआ पिलांहा आपाआ फाकडाआ निसे एकठे कोईत ओते परंतु तुम्हामे गोमे नाहा 35 पाला , ताकोअता तांआ को परमेश्वराआ त्यापोरत आपिलू होय आय ताहु कोल्यो होय , तू कोअही, धन्यवादित होय तो जो प्रभूउ नावामेहे आवीत होय तू माहु तियाअ टायमोपोरोत फासी पलणारू नाहा जोपोरोत वेल आवयी नेओय.