6
फासाड़ी शब्बाथआ तेदीही तो खेतामेरोत जात ओतु आना त्याआ शिष्य कोंहे तोडीत -तोडीत आना ओतु कोईत सोलीन खायलो जात ओते 2 तेहालाम पारुश्यामरोत केते जोओ कोहू लागाडीत , “तुमु ते काम काहा कोअता जे शब्बाथाआ तेदीही कोअला योग्य नाहा?” 3 येशूने त्याहा उत्तर आपिलू नाहाकोत तुमु ओ वाचले नाहा काहा दावीदे जेव्हा तो आना त्याआ हेगांति पुखे ओते ताहा नाहाकोत कोल्यु? 4 तो केहलु परमेश्वराआ कोअमे गोल्यो आना भेटीई रोटा खाद्योओ ज्याहा खाअलाकोता याजकाहा सोडीत दिहीराहा खाअला योग्य नाहाआत्लू आना आपाआ दोस्ताहा पण आपिलू 5 आना तिये त्याहा कोल्यो , माअहा पुत्र शब्बाथ दिहिओ प्रभू होय 6 एहलो उवे का कोडला बिहीरा शब्बाथ च्या तेदीही तो मंदिरोम जात हिकुहू लाग्यू आना तीइही एक माहुहू ओतु आना तिया आथे उगतगोल्यू ओतु 7 शास्त्री आना परुसी त्याआपो दोष लागाडिया योग्य वेल जोडोन्याहा नदोम ओते का पाल्हू शब्बाथआ तेदीही हाजो कोअत्लू का नाहा 8 पण तो त्याआ फूस होमाजाडीत ओतु; त्यापोत तिये उगालू आथाआ माहुंहु कोल्यो , “उठ मायज उबु रो ”, तो उठित उबु रोला 9 येशूने त्याहा कोल्यो , आय तुम्हामे ओ फुसल्यू का शब्बाथ च्या तेदीही काहा योग्य होय हाजो कोअला का वाईट कोअला जीवोहो वासाडीतो का नाश कोईओलो? 10 तेहालाम तिये चारही सेटे तियाअ आखाहा पालहु तिया माहुंहु कोल्यो , ताआ आथे सेटू को, तिये तेहलूज कोल्यु आना तिया आथे हाजू ओतगोल्यु गोल्यो 11 पोन ते आअडितकोईत आअडीन एक-दुसऱ्याला कोहू लाग्यू का आपु येशूआरी नाहाकोत कोईओलो? 12 तिया दिहोमे तो प्रार्थना कोइलाकोअता गोल्यो, आना परमेश्वराआ प्रार्थना कोअलाआ आखे रात काढीत टाक्यी 13 फासाड़ी दीही उजातोउलो तेहालाम तिये शिष्यांआ हादीत त्यामरोत बाराजोहो निवडीत लेधलो, आना त्याहा प्रेषित कोल्यो 14 आना ते ओ होय : सिमोन त्याआ नाव तिये पेत्र पण मेक्ल्ये , आना तिया पाही आंद्रिया आना याकुब आना योहान आना फिलीप्प आना बर्थलमय, 15 आना मतय आना थोमा आना अल्फीई पोऱ्या याकोब आना सिमोन जो जिलोट आखिलो जात ओतु 16 आना याकोबाआ पोऱ्या यहुदा आना यहुद इसाकरीयात जो त्याहा तोईत आपणारो बोल्यू 17 तेहालाम तो त्याआ आरी उतरित हारको जागापो उबु रोला आना त्याआ शिष्याआ वोडा टोला आना आखे यहुदा आना यरुशलेम आना सोर आना सोदाआ समुद्राआ मेरेरोत जास्तीज मांहे, 18 जे त्याआं उनाईला आना आपाआ बिमारीही हाजो उविलाकोअता त्याजागे आव्ये ओते आना खराब आत्मावांहि पिडलेले मांहे पण हाजो कोल्यु जात ओते 19 आखे त्याहा स्पर्श कोअला इच्छा कोईत ओते काहाके त्यामरोत सामर्थ्य निहित आखाहा हाजो कोईत ओते 20 तेहालाम तिये आपाआ चेलाही पालहु कोल्यो , धन्य होय तुमु जे नम्र होय , काहाके परमेश्वराआ राज्य तुमाआ होय 21 धन्य होय तुमु जे फुके होय काहाके ते तृप्त कोल्यु जानारू होय , धन्य होय तुमु जे ओमे रोडतले काहाके ओअही 22 धन्य होय तुमु जेव्हा माहाहा पोऱ्याकोता तुम्हाआरी मांहे तुमाआ द्वेष कोअनारू आना तुम्हामे काढीत आपी आना तुमाआ निंदा कोअनारू आना तुमाआ नाव वाईट होमजीत काढीत टाकही, 23 तियाअ तेदीही आनंदावाही उडीत माईलाआ काहाके पाला , तुम्हाकोअता होर्गाम वोडो फोल होय ; त्याआ आगलाडाया आरी पण भविष्य वक्ताआरी पण ऐहलेच कोईओलो 24 पोन हाय तुमापो जे ओमे श्रीमंत होय काहाके तुमु आपाआ सांत्वन मिलवीत लेधलो होय 25 हाय तुमापो जे ओमे तृप्त होय काहाके फुके होय हाय तुमापो जे ओमे ओहीत होय काहाके दुख कोअनारू आना रोडे 26 हाय तुमापो जेव्हा आखे मांहे तुम्हामे हाजो कोअही काहाके त्याआं आगडीडाये पण खोटो संदेष्टाआरी ऐहलेच कोईत ओतु 27 पोन आय तुम्हाआ उनानाराहा कोतलू का आपाआ दुष्मनापो प्रेम को; जो तुमाआ दुश्मन होय त्याआ हाजो को 28 जो तुम्हामे शाप आपी त्याहा आशीर्वाद दया, जो तुम्हामे बदनाम कोअत्लू, त्याकोता प्रार्थना को 29 जो ताआ उनाआ गालोपो थापोड देही आगडी बिहरु गाल पण आगाडी को; आना जो तांआ डोगलो सांडाडतलू त्याहा बनियन ए घेऊन जॉहु विरोध कोहू नाहा 30 जो कोडु ताअही मांगनारू त्याहा आप ; आना जो ताआ वस्तु मागित लेही त्यापोरोत मागहु नाहा 31 जेहलो तुम्हामे लागेहे का मांहे तुम्हाआरी कोअनारू तुमु पण त्याआरी तेहलूज को 32 जर तुमु आपाआ प्रेम कोअनारापोज प्रेम कोअनारू ताहा तुमाआ नाहाकोत जाखो ? काहाके पापी पण आपाआ प्रेम कोअनारापो प्रेम कोअता 33 जर तुमु आपाआ हाजो कोअनाऱ्या उपऱ्यो हाजो कोअता त्यामे तुमाआ नाहाकोत जाखो ? काहाके पापी पण ऐहलेच कोअता 34 जर तुमु उद्धार आपी त्याआरोत फासी लेअला आशा तेहित होय ताहा तुमाआ नाहाकोत जाखो ? काहाके पापी पाप्याहा उद्धार आपोहो का तो तेवडोग फासी मेलविनारू 35 पोन आपाआ दुष्मनापो प्रेम को आना हाजो को आना फासी जोडीला आशा तोहुं नाहा , आना उधार दया; आना तुम्हाकोअता वोडो फोल होय आना तुमु परत्पराआ पोऱ्ये ठराविलो काहाके तो त्यांपो जे त्याआ आभार मानणारु नाहा आना वाईटापो पण दयालु होय 36 जेहलो तुमाआ आबहू दयालु होय तेहलूज तुमु पण दयालु व्हा 37 दोष लागाडहु नाहा , कहाकेतुमापो पण दोष लागाड्यू जानारू नाहा दोषी ठेरवूहू नाहा , म्हणजे तुम्हामे पण दोषी ठेरव्यो जानारू नाहा बिहराहा क्षमा को म्हणजे तुम्हामे पण क्षमा कोअयी जाइअलो 38 दया म्हणजे तुम्हामे पण आपिलू जानारू मांहे माप दाबीन- दाबीन आना आलाडीत आना हिग पोईत तुमाआ पोदर कालतेहे काहाके ज्या मापोवांही तुमु आपहा त्याआ मापोवांही तुम्हामे पण आपिलू जाइअलो 39 फासाड़ी तिये त्याहा एक उदाहरण कोल्यो , "नाहाकोत आंधलू आन्दालाहा वात कोहू शकतो नाहाकोत? नाहाकोत ते बेन खाडामेहे पोअनारू नाहा? 40 शिष्य आपाआ गुरुपोरोत वोडू नाहा पण जो पुरो हिकीही तो आपाआ गूरुहोस उवे 41 तू आपाआ पायहोओ डोआमेऱ्यूं कोचाराहा काहा पालत्लू? आना आपाआ डोआमेऱ्यूं कोसरू होमाजाडीत नाहा? 42 तू आपाहाच डोआमेऱ्यो कोचाराहा पालीत नाहा ताहा आपाआ पायहोहो केहलो कोहू शकतो, ओ पाही थोबिलो जा ताआ डोआमेऱ्यूं कोसरू काढीत आपुहू काहा? ऐ कपटी पहीले ताआ डोआमेऱ्यूं कोसरू काड, फासाड़ी जो कोसरू ताआ डोआम होय त्याहा हाजा प्रकारे पालहु काढहु सेकेहे 43 कोडलो हाजो साड नाहा, जो बिनकामोओ फोल लेतावणारूएन कोडलो बिनकामोओ साड नाहा जे हाजो फोल लेतआविही 44 हरएक साड आपाआ फलोपारोत ओलख जाहो काहाके मांहे काटाआ साडोपरोत अंजीर तोडीत नाहा आना बोराआ साडोपरोत द्राक्ष तोडीत नाहा 45 हाजू माहुहू आपाआ मोनोमेहे हाजा भांडारामोरोत हाजा गोठी काडत्लू आना वाईट माहुहू आपाआ मोनोमेहे वाईट भांडारामोरोत वाईट गोठी काडत्लू काहाके जे मोनामे पाअये होय तोच सोबिम येत 46 जाहा तुमु माआ कोअलो मानीत नाहा ताहा माहु ओ प्रभू, ओ प्रभू काहा कोतले ? 47 जो कोडु माआहने आवत्लू आना माआ गोठी उनाईत त्याहा मानीत होय आय तुम्हामे कोतलू तो कोडाहोस होय 48 तो तिया माहुहुहोस होय जीआ को बोनाविलावेले जमीन उंडो खोदित खोड्कापो गुडू रर्च्योहो आना जेव्हा खाड आवयू ताहा पाअयोंआ धारा त्याहा लाग्या पण त्याहा आलाडहु शकल्या नाहा काहाके ते पक्को बोन्यो ओते 49 पोन जो उनाईत मानीत नाहा तो तियाअ माहुहुहोस होय जीआ धरतीपो बिना गुडाहा को बोनाड्ल्ये जेव्हा त्याहा धारा लाग्या ताहा ते लागेज पोडीत गोये आना निसे पोडीत तिया नाश ओतगोल्यु गोल्यो.