7
जाहा ते माहुंहु ए आखे गोठी आखीत आप्यी ओती, तेहालाम काफार्नाहम मेहे आयु ताहा 2 तीइही कोडू उनाआ सुबेदारांआ एक दास जो तिया गोमनारू ओतु, बिमारीम मोअनारू ओतु 3 तिये येशुऊ चर्चा उनाईत यहुदिआ कोल्यो आबाहोस ए विनंती कोअला त्याआ त्याही उबडो का आवीत माआ दासाहा हाजो कोअही 4 ते येशू त्याही आव्ये, आना त्याहा विनती कोईत कोहू लागाडीत , "तो याआ योग्य होय का तू याआ याकोअता ओच कोअही, 5 काहाके तो आम्हा जातीपो प्रेम कोअत्लू, आना तीयेज आम्हा प्रार्थना कोओहो बोनाडहि होय " 6 येशु त्याआ आरी गोल्यो, पण तेहालाम तो कोअरोत सेटे नाहा ओतु, ताहा सुभेदाराही त्याआ त्याही जाखो दोस्तापोरोत कोत मोकल्योहो, "ओ प्रभू, दु: ख विसीत नाहा, काहाके आय याआ लायक नाहा का तू माआ छता निसे आवजी 7 याज कारनोवाही माहु ताआ योग्य होमाज्या का आय ताआ त्याही आवी , पण वचन पण कोतल्यो ताहा माआ पावर हाजू ओतजाय 8 आय ताहा ताबेदार माहुहू होय , आना शिपाई माआ आथोमेहे होय ; एक जेव्हा एकाहा कोय, "जा; ताहा तो जात्लू; आना बिहराहा कोतलू, "आव , तो आवत्लू, आना आपाआ कोड्ल्या उनाआ दासाहा का ओच " को; ताहा तो तीयाहा कोअत्लू" 9 ओ उनाईत येशुहू आश्चर्य उवे आना तिये सोब फेरवित तिया गोर्दी जी त्याआ फासाडीच आवीत ओती, कोल्यो , "आय तुम्हामे खोरोज कोतलू का माहू इस्रायला मेहे बी एहेलू विश्वास पाल्यु नाहा 10 आना मोकलील्या माहुहु कोआ जात तियाअ दासाहा हाजो कोल्यु 11 थोडो दिहोनंतर ते नाईन नावोओ उनाआ गोये त्याआ शिष्य एक वोडी गोर्दी त्याआ आरी जात ओती 12 जाहा तो नगराआ फाटलो जागे पोतल्यू, तेहालाम पाला, माहे उनाआ मोअलाहा लेत जात ओते ; तो आपाआ आयहीई एकुच पोऱ्या ओतु, आना टी रोंडाली ओती; आना नागराहा जाअखो माहे त्याआ आरी ओते 13 तीही पालीत प्रभूहु दया आवयी, आना तिये कोल्यो , "रोडा नाहा" 14 तेहालाम तो जागे आवीत तिरडीला स्पर्श कोल्योओ आना विसनारे थोबिलो गोये तेहालाम तिये कोल्यो , "ओ जुवाने आय ताहु कोल्यो होय , उठ !" 15 तेहालाम तो मोल्यू उठित बोहू , आना गोगीला लाग्यू तिये त्याहा त्याआ आयहि त्याही होफहोपिन आपिलू 16 याआ मुळे आखे बितकोईत उवे, आना ते परमेश्वराआ गौरव कोईत कोहू लागाडीत , "आम्हा माय एक वोडू भविष्य वक्ता उत्पन्न पोयो होय आना परमेश्वराई आपाआ माहाहूपो कृपा नजर कोअयी" 17 आना त्याआ विषयी ए गोठी आख्यो याहुदियाश होय आजू बाजुऊ आखे त्याहा पसरीत गोयी 18 योहानाआ त्याआ शिष्यांनी आव आखे गोठीई सुसमाचार आप्यू 19 ताहा योहानावाही आपाआ शिष्या मायारोत बेनुहू हादीत प्रभू त्याही ओ फुसुहू मोकल्ये, "नाहाकोत आवनारू तांहुज होय , नाहा ताहा आमुहू बिहराआ वाट पालहू?" 20 ते त्याआ जागे आवीत कोल्यो "योहान बाप्तिस्मे आपणारो आमुहू ओ फुसुहू मोकल्योहो होय नाहाकोत आवनारू तांहुज होय , का आमुहू बिहराआ वाट पाल्हू?" 21 तिया वेळेपू तिये जास्तीज जोह बीमारी मायारोत आना पिडा मायारोत, आना खराब आत्मू मायारोत सोडव्यो; आना जास्तीज आंधलाहा हाजो कोल्यु 22 आना तिये त्याहा कोल्यो , जे आखो तुमु पालील्यो आना उनाईत होय , जात योहानाआ कोत दया; आंधले पालल्ते आना लेगडे सालुहू कुष्ट माद्वाड्यो शुद्ध कोअल्यो जातेहे बारथे उनाहू लागत्ले आना मोल्या उठाड्यो जातेहे आना गरीबोहो सुवार्ता उणाडी जाहो 23 धन्य होय ते माहे माआ विषयी अळखळत नाहा" 24 जाहा योहानाआ मोकलील्ये माहे जातल्या गोयी फासाडी येशू योहानाआ विषयी माहुंहु कोहू लाग्यू ," तुमु जगलूम नाहाकोत पालुहू गोये ओते ? नाहाकोत तिही हालत ओते तियाअ बोरुला? 25 ताहा फासाड़ी तुमु नाहाकोत पालुहू गोये ओते ? नाहाकोत कोमल आंगडे पेआडील्यो माहुंहु ? पाला? जो भडक आगडे काल्त्लू आना हुख, चैन माय रोत्ले, ते राज वाडामे रोत्ले 26 ताहा नाहाकोत पालुहु गोये ओते ? नाहाकोत कोड्ल्या भविष्य वक्त्या? ओ , आय तुम्हुहू कोतलू, नहाते भविष्य वक्ताआ पण वोडाहा 27 ओ तोज होय , ज्याआ विषयी लेखाल्या होय : "पाला आय आपाआ दुतोहो ताआ आगाडी- आगाडी मोकलितलु, जो ताआ आगाडी ताआ मार्ग हीदू कोअही" 28 आय तुम्हामे कोतलू का जे बोई पोरोत जनम्यो होय , त्याआ मायारोत योहानाआ पेक्षा वोडू कोडूच नाहा: पण जो परमेश्वराआ राज्याम हनामेहानो हानू होय , तो त्याआ पेक्ष्या पण वोडू होय " 29 आना आखे साधारण माहु उनाईत को वसूल कोआनाराहा जकात बायणो हाथी पण योहानाआ बाप्तिस्मे आपित परमेश्वराआ खोरो जाईत लेधलो 30 पोन परुसी आना शास्त्री यांहि त्याहा बाप्तिस्मे न आपित परमेश्वराआ संकल्पाल व्यर्थ कोल्यु 31 "आखरी: आय आव युगाआ लोकांची उपमा कोडाआ आपुहू का ते कोडाहोस होय ? 32 ते तियाअ पोऱ्या सारखो होय जो बाजारामे बोहितरोलो एक दिहीराहा आयडीत कोतेहे, "आमुहू तुमाआ याकोअता पावी वाजवली, आना तुमु नाशे नाहा; आमुहू आअडीलो कोल्योओ, आना तुमु रोडीलो नाहा!" 33 काहाके योहान बाप्तिस्मे आपणारो नाहा भाकर खायलो आवयू नाहा द्राक्ष रोह पीत आवयू आना तुमु फासाडी तीयाम दुष्ट आत्माआ होय ; 34 माहाआ पुत्र खातपितो आवयू होय , आना तुमु सांगतात पाला ओ ओड्ख्यू आना होराड्यु मांहु जाकातदाराआ आना पाप्याआ हेगांति होय 35 पण ज्ञान आपाआ आखे पोऱ्या त्यापोरत खोरो ठेरवीही गोये होय 36 कोईत कोडु उनाआ परुश्याआ त्याहा विनती कोअयी का तो त्याआ आरी रोटू कोअही, आखरी तो तियाअ परुशीई कोआआ माय जात रोटू कोअला बोहू 37 त्या नागरमेऱ्यो एक पापी बोयोआ ओ होमजीत का तो परुशीई कोअमे रोटू कोअला बोहू होय , संगमरमराआ वातीम हजुबास तेल लाविले, 38 आना त्याआ गुडाआ जागे, फासाडी उबी रोत , रडीत ओयताहा त्याआ गुडाहा आहावावाही पिजाड्यू आना आपाआ मुडीई सिज्यावाही नुसीलो लागाडीत , आना त्याआ गुडाहा घडी -घडी चुंबन लेत त्याआपो हाजलावास तेल लागाडले 39 ओ पालीत तो परुसी जिये त्याहा हादाडल्यो ओते , आपाआ मोनामे फूस कोहू लाग्यू , "केधी ओ भविष्य वक्ता ओयतर इये होमजीत लेदो रोतत्त्लो का जी ए त्याहा हिवीत होय ती, कोडू आना केहली बोयोआ होय काहाके ती पापी होय " 40 येशूने त्याहा उतरे माय कोल्यो , "ओ शिमोन, माहु ताहु किबी तेबी कोओलो होय "तो बोलतुल्यो, "ओ गुरु कोअलो" 41 "कोडु उनाआ सावकाराआ बेन कर्जदार ओते , एक पाचहोव आना बिहरु पन्नास दिनारोंआ ओतु 42 जाहा त्याआ त्याही पोतादिलोकोअता किबी जोडयेहे नाहा तेहालाम तिये त्याहा क्षमा कोईत आप्यी , याआ याकोअता त्यामे कोडू त्याआरी जाखो प्रेम मेकीही?" 43 शिमोनाआ उत्तर आपिलू, "माआ ध्यानाम ते ज्याहा तिये जाखो सोडीत आपिलू "तिये त्याहा कोल्यो , "तू हाजलुच फूस कोल्योओ होय " 44 आना तिया बोथिई त्याही फिरीत तिये शिमोनाआ कोल्यो, "नाहाकोत तू आव बोयोहो पालीत होय ? आय ताआ कोअमे आवयू परंतु माआ गुडू तुवीलो याकोअता पाई आपिलू नाहा, पण तीही माआ गुडू आह्वावांही पिजाळीले आना आपाआ सिज्यावाही नुसल्यो 45 तू माहु चुंबन आपिलू नाहा पण आना आय जोयरोत आवयू होय तोयोरोत तीही माआ पायाल चुंबन आण्यो सोडये नाहा 46 तू माआ मुंडकापो तेल लागाडले नाहा पण इयेज माआगुडापू हजुबास तेल लागाडले होय 47 याआ याकोअता आय ताहु कोतलू का यिई पाप जाअखो ओते ते क्षमा कोल्यु, काहाके इयेज जाखो प्रेम कोल्यु; पण ज्याआ थोडो क्षमा उवे तो थोडोज प्रेम कोअत्लू" 48 आना तिये बोयोआ ला कोल्यो, "तांआ पाप क्षमा उवे; 49 तेहालाम ते माहे त्याआ आरी रोटू कोअला बोह्ये ओते , ते आपाआ- आपाआ मोनामे फूस कोअला लागाडीत "तो कोडू होय जो पापोओ पण क्षमा कोअत्लू?" 50 पोन तिये बोयोआ ला कोल्यो , "ताआ विश्वासा ताहु वासाडीत लेधलो होय , शांतीई निहित जा.