लूका 4

येशु पवित्र आत्मावांहि पुरोओत ओतगोल्यु यार्देन खाडीरोत फासिआवयु त्याहा आत्माआ जंगलूम घेऊन गोल्यो 2 जागापो सैतानाने त्याहा सालीह दीही पर्यंत परीक्षा लेदि तियाअ दिहोम येशूने किबी खादे नाहा फासाडी वेल पुरो उवलानंतर येशुहू जाखो भूक लागीई 3 तेहालाम सैतान त्याहा कोल्यो , “जर तू परमेश्वाराआ पोऱ्या होय ताहा आव दोणाहा भाकर बोनीलाकाजे कोअलो” 4 तेहालाम येशूने उत्तर आपिलू, “शास्त्रात लेखिलो होय , मांहु फक्त रोटावांईच जीवे एहलो नाहा” 5 फासाड़ी सैतान त्याहा जाखो उसापो घेऊन गोल्यो, आना उनाआ क्षणोम आखे राज्य देखाडीत, 6 सैतान त्याहा कोल्यो , “आय याआ राज्याआ अधिकार आना वैभव ताहु आपी काहाके ओ माहु आपिलू होय आना आय याहा ज्याहा गोमे त्याहा आपुहू शकतो” 7 कोईत तू माहु नमन कोअही ताहा ओ आखे तांआ उवे 8 येशूने त्याहा उत्तर आपित कोल्यो, “शास्त्रात लेखिलो होय का , तू फक्त आपाआ प्रभू परमेश्वर याहाज नमन को आना त्याआज सेवा को.”

9 तेहालाम तो त्याहा यरुशलेम मेहे लेत गोल्यो आना तियाअ जागापो मंदिराआ उचो जागापो लेत उभे कोल्यु आना त्याहा कोल्यो, “जर तू परमेश्वराआ पुत्र होय , ताहा याआ तीजागेरोत निसे उडी टाक 10 काहाके शास्त्रात लेखिलो होय तो आपाआ स्वर्ग दूतोहो आज्ञा आपीत ते ताहु होंबलीत लेही 11 आना लेखिलो होय ते ताहु आना आपाआ खोआ मेहे एहलो विसित लेणारे का ताआ गुडाहा डोणु ने वाजे नाहा” 12 येशु त्याहा उत्तर आपित कोल्यो , "शास्त्रात एहलो पण लेखिलो होय का , तू आपाआ प्रभू परमेश्वराआ परीक्षेमेहे पाडहु कायना 13 जाहा सैतान त्याआ आखे प्रकाराआ परीक्षा लेदलापो संधी जोडोताअहुजा त्याहा सोडीत गोल्यो 14 फासी येशु आत्म्याआ शक्तीवांही पुरो ओतगोल्यु गालीलामेहे फासी आवयू आना तियाअ आखे भागुम येशुऊ चर्चा ओवुहू लागीई 15 येशु त्याआ प्रार्थना मिटींगोमे जात संदेश आपुहू लाग्यू आना त्याआ आखे वाहवा कोईत ओते 16 फाशु तो नासरेथ मेहे आवयू, जीही तो हानाआ वोडू ओयु ओतु आना आपाआ नियमाप्रमाणे शब्बाथ तेदीही यहुदी प्रार्थना सभाम गोल्यो 17 जाहा तो शास्त्र डीले बासिलाकाजे उबु रोला तेहालाम त्याहा यशया संदेष्टाआ पुस्तक आपिला आवयू तिये जेव्हा पुस्तक उगड्यो तेहालाम त्याहा ओ स्थान जोडयेहे तीयाम लेखिलो ओते 18 प्रभूआ आत्माआ मामेहे वास कोईत होय तिये माहु अभिषेक कोल्यु होय त्याकोता का आय गोरब्योहो सुवार्ता कोईली तिये माहु तोईत मेकलेल्याआ सुटीत आना आंधलाहा फासी पालता आवे घोषणा कोईली , दाबल्यो जात होय त्याहा सोडवीत मोकलित 19 देवाची कृपाआ घोषणा कोईली 20 फासी तिये पुस्तक बंद कोईत आपाआ पावरोहो फासी आप्यी आना तो निसे बोहू प्रार्थना सभामे आखाआ नजर त्याआपो टिपाईत रोली ओती 21 तेहालाम तिये कोहू सुरवात कोअयी आज तुमु उनाईनरोल्या शास्त्राआ वचन पुरो उवे 22 हरएक माहे त्याआ वाहवा कोईत ओते त्याआ सोबिमरोत जे हाजी वचन आवीत ओते , त्यापो आखे चक्कित उवे ओते ते कोल्यो , नाहाकोत ओ योसेफाआ पोऱ्या नाहा होय ? 23 फासी येशूने त्याहा कोल्यो , खरोज तुमु माहु को उनावायू, ओ वैदया तू माअकोता हाजो को कफर्णहुमात ज्या गोठी आमुहू तोह्बारामे उनाअयो होय त इंही ए को 24 ताहा येशु त्याहा कोल्यो , "आय तुम्हामे खोरोज कोतलू का कोडोबीही संदेष्टाहा आपाआ गावामेहे मान सम्मान ने जोड्त्लू 25 आय तुम्हामे खोरोज कोतलू, इस्राएंलोमे एलियाआ टायमोमें जेव्हा जुग बंद उवे ओते आना साडे तीन वर्ष पर्यंत आखे देशुम भिवाड्नारू दुष्काळ पोडीत ओतु तेहालाम तियाअ जागापो मोजित आविलो नाहा ओतो रोंडाली कोल्यू 26 परंतु सिदोन भागोमेऱ्या सारफथ इही एक विधवाहा सोडीत बिहीरा रोंडाली त्याही एलीयाहा मोक्ल्यीत नाहाआत्लू 27 आना एलिया संदेष्टाआ कालामे इस्रायेल माय जाखो कोडी माहे ओते परंतु त्यामेरोत सिरीया माय रोणाआरा नमानाआ व्यतिरिक्त बिहराहा शुध्द कोल्यु नाहाआत्लू 28 जाहा यहुदियाअत्राआ ओ उनाअयो मंदिर त्याहा जाखो खोत आवयू 29 ते उभे रोल्या आना त्याहा गावोबारथे मोकलित आपिलू ते त्याहा डोगोओ कडेवर घेऊन गोये ज्यापो त्याआं गाव ओते , याकोअता का त्याहा तियाअ काडापोरोत निसे टाकी आपिलो 30 पोन तो त्यामरोत निहित आपाआ वाटी निहित जातलू गोल्यो 31 फासी तो गलीलामे कफर्णहुम गावी निसे आवयू आना शब्बाथ तेदीही संदेश आपुहू लाग्यू 32 माहे त्याआ संदेशापोरोत आश्चर्य चकित उवे काहाके त्याआ संदेश अधिकाराआ कोल्यो ओतु 33 त्याआ जागापो प्रार्थना सभाम एक माहहू ओतु तीयाम दुष्टआत्मू वास कोअल्यू ओतु तो आवाजोमें आअडयु 34 ऐ , येशु नासरेथकरा, तू आमापोरोत नाहाकोत अपेक्षा कोअत्लू? नाहाकोत तू आमाकोअता नाश कोइलाकोअता आवयू होय ? आय ताहु ओळखीतल्यो होय का तू परमेश्वराआ पवित्र माहुहू होय 35 येशूने त्याहा धमकीवाई कोल्यो, ठावकू रो , यामेरोत बारथे निहा यापो खराब आत्मावाही तियाअ माअहुहू मांहाहा आगाडी त्याहा आसटयू आना त्याहा किबी नुकसान न ओतु त्यामरोत बारथे निघाल्यू 36 आखे माहे चकित ओते ते एक दिहीराआरी गोगीत ओते , ओ केहलो वचन होय ? अधिकार आना सामर्थ्यावाही दुष्ट आत्माहा त्याहाभी आज्ञा आपित होयेआने त्यामरोत निहित जातेहे 37 तिया भागुम आसेपासे हरएक जागापो त्याविषयी सुवार्ता प्रचार उवी 38 तेहालाम येशु प्रार्थना मिटीगीमेहे रोत उठीत शिमानाआ कोओ गोल्यु शिमानाआ हावोहेहे जाखो जोरू आवयू ओतु तीयाहा येशुहू मदत कोअला विनंती कोअयी 39 तेहलामेहे तिये जागे जात कोईत जोराहा कोयू आना जोरू जातुरोयु आना ती त्याआ सेवा कोहू लागीई 40 जाहा दिहीबुदिलावेले टायमोमें त्याआरोत आगेंआगें माद्वाड्यो ओते , ते आखे त्याजागे घेऊन आव्ये तिये आपाआ आथे त्यांपो मेकीत प्रत्येकाहा हाजो कोल्यु 41 त्यांमे वारहूमेरोन/ वारजोआमरोन खराब आत्माआ आअडित बारथे पोडीत ओती, “तू परमेश्वराआ पोऱ्या होय ”, परंतु तिये त्याहा गोगुहू नाहा देदे काहाके ते ओळखीतल्यो ओते , “तो ख्रिस्त होय ”, 42 फासाड़ी दीही उगीतकोईत तो निहित जंगलूम गोल्यो तेहालाम माहे जमाव त्याआ होद कोईत त्याआ जागे आव्ये आना आपमोरोत जाऊ कायना कोईत त्याहा विनंती कोईत ओते 43 पोन तिये त्याहा कोल्यो परमेश्वराआ राज्याआ सुवार्ता बिहरागावूम पण कोअला होय काहाके माहु त्याकोता मोक्ल्यीत होय 44 आना याआ प्रकारे तो यहुदी प्रार्थना सभाम हमेशा संदेश आपित ओतु .