3
तीबिर्य कैसर याआ राज्याआ पधराव्या सालोमेहे जेव्हा यहुदी राज्यपाल पंतय पिलात ओतु आना तियाअ प्रदेशाआ चारपट भागुम राजुमेहे हेरोद गलीलाआ, तिया पाही फिलीप्प ओ इतुरीया आना त्राखोनिती याआ देशाआ मांडलिक आना लुसनिया अबिलेनेचा राजा ओतु 2 आना योहान आना कयफा ओ महायाजक ओते तेहालाम जाखाऱ्याआ पुत्र योहान च्या जागे डोगोम दोगुमेह वचन पोतले 3 फासाड़ी तो यार्देनाआ आखे प्रदेशाम पापोओ माफीकाजे पश्चाताप कोईत बाप्तिस्मे लेवा एहली घोषणा कोईत फिर्यु 4 ओ यशया संदेष्टाआ पुस्तकाम जेहलो लेखिलो होय त्याहोस उवो एहलो अरण्यात घोषणा कोअनाराआ वाणी उवी ती एह्ली का , “परमेश्वराआ मार्ग तीयार को”, तिया वाटा वारुई को 5 हरएक खोरे पोऐ, हरएक डोगो आना टेंबु सखल उवेवाकडो हीदू होय खडका वाटा हारको होय 6 आना आखे माहे परमेश्वराने कोल्यो तारण पालिलो 7 योहान जेव्हा त्याहा बाप्तिस्मे आपिलाकोअता आवीत एहलो तेहालाम माहुगोदीही कोयो एहलो, "ऐ हापाहा पिलाआ, चालू क्रोधामरोत गुगदीला तुम्हाहा कोडु सावध कोल्यु? 8 ओमे पश्चतापाआ योग्य एह्ली फोले दया, आना आब्राहाम आमाआ आबहू होय एहलो आपाआ मोनामे कोडु नाहा काहाके आय तुम्हाहा कोतलू, याआ दोनापोरोत अब्राहामा पोऱ्ये निर्माण कोईलाकाजे देव समर्थ होय 9 ओमेज साडोओ मुलामे कुवाड मेकली होय जे -जे साड हाजो फोल आपित नाहा ते -ते तोडीत आगीम टाक्ये जाहो 10 तेहालाम लोकसमुदाय त्याहा फुसित, ताहा आमुहू नाहाकोत कोईओलो? 11 तो त्याहा उत्तर आपित ओतु, ज्यापो बेन अंगरखे होय तिये ज्यापो नाहा त्याआरी वाटीत लेदलेए आना ज्यापो ओन होय तिये पण ऐहलेच कोईओलो 12 आना चुगी लेनाराबी त्यापो बाप्तीस्मा , ओ गुरु , आमुहू नाहाकोत कोअला हवे? 13 तेहालाम तिये त्याहा कोल्यो , “जेवडे हवे होय त्यापेक्षा जाखा एखटो कोहू नाहा ” 14 किबी शिपायाआ त्याहा फ़ुस्ल्याआ, आमुहू नाहाकोत कोअला हवे? तेहालाम तिये त्याहा कोल्यो, जोबरीव कोडापरोत धन-दौलत लेऊ नाहा , कोडापो ठोग आरोप लागाडहु नाहा आपाआ पगाराम संतुष्ट एहेलू 15 माहे जेव्हा वोडी आशा घेऊन वात पालीत ओते आना योहानाब्द्द्ल आपाआ मोनामे फूस कोईत ओते , का ओच ताहा ख्रिस्त नाहा ने ? 16 तेहालाम योहानाई उत्तर आपित कोल्यो, "आय ताहा तुम्हामे पायोंवाही बाप्तिस्मे आपित होय , परंतु जो मांपोरोत जाखा ताकदवान होय तो आवीत होय आय त्याआ पायतळआ बंद त्याहाभी सोद्वूहू योग्य नाहा तो तुम्हामे पवित्र आत्मावाहि आना आगीवाही बाप्तिस्मे आपी 17 त्याआ आथोमेहे फकाविलाकाजे हुपडो होय तीयावाही तो दान आना भूसो यांहा अलग कोईत आपाआ कठोरोम मेकल्यु भूसाहा तो एहलो आगीम टाकोहो जीही आग उलाईत नाहा 18 ह्याप्रमाणे एहलो गोठीमे तो त्याहा होमजाडीत सुवार्ता कोल्यो ओतु 19 याआनंतर योहान तियाअ चारपट प्रदेशाम मांडलिक राजा हेरोद याहा त्याआ पायहोओ लाडी हेरोदिया यीई आरी वाईट संबध आना त्याआ वाईट कामामुळे धोमकाव्ये आना दोष देखादये 20 जे किबी पाप जोडीत लेधलो यापो हेरोद राजाआ योहानाहा कैदी बोणाडीत लेधलो, 21 एहलो उवे का जेव्हा आखे माहे बाप्तिस्मे लेत ओते तेहालाम येशूने पण बाप्तिस्मे लेदो आना जेव्हा येशु प्रार्थना कोईत ओतु तेहालाम जुग उगड्यो गोये 22 आना पवित्र आत्माआ एक कबुताराहोस डीलोरूपावाही त्याआपो उतरीलो आना जुगोम आवाज पोयो का "तू माआ गोमनारू पोऱ्या होय , ताआ विषयी आय संतुष्ट होय 23 येशूने जेव्हा आपाआ सेवाकार्याआ सुरवात कोअयी तेहालाम तो सुमारे तीस सालाआ ओतु माहे त्याहा योसेफाआ पोऱ्या एहलो होमाजाडीत योसेफ एलीयाआ, 24 तो मताथ लेविई, लेवी जो म्ल्खीइ, मल्खी जो यन्नयाआ, यन्नय जो योसेफाआ, 25 योसेफ जो मतीथ्याआ, मतीथय जो आमोसाचा, आमोस जो नहूमाआ, नहूम जो हेल्सीआआ, हेल्सी जो याआ, 26 नग्गय जो महथाचा, महथ जो मतीथ्याआ, मतीथय जो शिमयीइ, शिमयी जो योसेखाचा, योसेफ जो योदाचा, 27 योदा जो योहानाआ, योहान जो किरीई, कीर जो जरुब्बाबेलाआ, जरुब्बाबेल जो शल्तिएलाआ, शल्तीएल जो नेरीचा, 28 हाजी जो म्ल्खीइ, मल्खी जो आदिदियाआ, अद्दीय जो कोसमाआ, कोमास जो एल्मदामाआ, एल्मदाम जो एराआ, 29 एरा जो येशुउ, येशु जो अलियेजरा एलीयेजर जो योरीमा, योरिम जो मताथाचा, मताथ जो लेविई, 30 लेवी जो शिमोनाआ, शिमोन जो यहूदाआ, यहुदा जो योसेफाआ, योसेफ जो योनामाआ, योनान जो एल्याकीमाआ, 31 एल्याकिम जो मलआचा, माहु जो मिन्नाआ, मिन्ना जो मताथाचा, मताथ जो नाथानाआ, नाथान जो दाविदाआ , 32 दावीद जो इशायाआ, इशाय जो ओबेदाचा, ओबेद जो बावजाआ, बावाज जो स्लमोनाचा, सल्मोन जो नाह्शोनाआ, 33 नाह्शोन जो अम्मिनादाबाचा, अम्मिनादाब जो आदमीनचा, आदमीन जो अर्णयाआ, अर्णया जो हेस्त्रोनाआ, हेस्रोन जो पेरेसाचा, पेरेस जो यहूदाआ, 34 यहूदा जो याकोबाआ, याकोब जो इसहकाआ, इसहाक जो अब्राहमाआ, आब्राहाम जो तेरहाआ, तेरह जो नाहोराआ, 35 नाहोर जो सरुगाआ, सरुग जो राऊउ, रऊ जो पेलेगाआ, पेलेग जो एबराआ, एबर जो शेलहाआ, 36 शेलह जो केनानाआ, केनान जो अर्पक्षादाआ, अर्पक्षाद जो शेमाआ, शेम जो नोहाआ नोहा जो लामेखाआ, 37 लामेख जो माथुशलाआ, मथुशलाह जो हनोखाआ, ह्नोख जो यारेदाआ, यारेद जो मह्ललेआआ, महललेल जो केनाआ, केन जो आनोशाआ, 38 अनोश जो शेथाआ, शेथ जो आदामाआ, आदम जो देवाआ पोऱ्या.