15
फाशो वेगीई उवताच डाये आना शास्त्री याजकाआरी मुखायाजक आना आखी न्याकोअनारी सभा ऐ होमच्यु कोईत यीशुहू बंधित कोईत पिलताआ आथोमेहे होपित देहु 2 पिलातावांही त्याहा फ़ुस्ल्याआ, नाहाकोत तू यहुद्याआ राजा होय ? तिये त्याहा उत्तर आपित कोल्यो , तू स्वतः कोल्यो होय 3 आना मुख्य याजक त्याआपो जास्तीज दोष लागाडीत ओते 4 पिलातावांही त्याहा ओ कोल्यो फासी फ़ुस्ल्याआ, नाहाकोत तू उत्तर आपित नाहा? पाल ते ताआबद्दल केतो दोष लागाडीत होय 5 पोन येशूने किबी उत्तर आपिलू नाहा ओ पालीत पिलातला आश्चर्य वाटेम 6 तिवाराआ टायमोमें ते त्याआ मागणीवाही कोडोबीही उनाआ माहुंहु (कैदी) सोडीत आपित ओतु 7 आना तिया ठोग मांहाआरी जीआ खून कोल्यु ओते त्यांम बरबा नावाआ एक माहुहू कैद ओतु 8 आना गोर्दी त्याहा उसे जात विनंती कोहू लागीई का जेहलो तू कोईत आवयू होय तेह्लुज आमाआरी को 9 आना पिलातावांही त्याहा उत्तर आपिलू, नाहाकोत तुम्हामे लागेहे का आय यहुद्यांआ राजाहा तुम्हाकोअता सोडीत आपुहू? 10 काहाके तो होमाजाडीत ओतु का मुख्य याजाकावाही त्याहा इर्ष्यावांही तोईत आपिलू ओते 11 पोन मुख्य याजकाने गोर्दी एहलो कोइलकोअता उत्साहोम कोल्यु ओते का आमुहू याआ बद्द्लोम बरबाहा सोडीत आपिलो 12 पिलातावांही फासी उत्तर आपिलू, “ज्याहा तुमु यहुद्याआ राजा कोतेहे त्याआ आय नाहाकोत कोहू ?” 13 ते फासी आअडीलो, त्याहा क्रूसापो सोडवा 14 पिलातावांही त्याहा कोल्यो , काहा? तिये नाहाकोत वाईट कोल्यु होय ? पोन ते फासी जोरे आअडीलो याहा क्रूसापो सोडवा 15 ते पिलाताहा गोर्दी संतुष्ट कोइलाआ इच्हावाहि बरब्बाहा त्याकोअता सोडीत आपिलू आना येशुहू साबकावाही माईत क्रूसापो सोड्विलाकोअता त्याहा आपित टाक्ये 16 फासाड़ी शिपाई त्याहा कचेरीमे घेऊन गोये आना तिंही तिये रोमी हिपायांहा हादीत एकठे कोल्यु 17 तिये त्याहा जाबलो आगडे काटाआ आना काटाआ मुगुट गुंतुवून त्याआ मुंडकापो मेक्ल्ये 18 तेहालाम ते त्याहा नमन कोहू लागाडीत “ओ यहुदांआ राजा ताआ जयजयकार होय” 19 ते त्याआ मुंडकापो सरकांडे देत आना त्यांपो थुकीत रोल्या, आना टोसणे टेक्यू त्याहा प्रणाम कोईत रोल्या 20 जेव्हा ते त्याआ मजाक कोईत चुक्यो तेहालाम जांभलो आंगडे काढीत घेऊन फासाड़ी त्याआज आगडे कालीत आपिलू आना ते त्याहा क्रूसापो सोड्विलाकोअता बारथे घेऊन गोये 21 तिये आलेक्सांद्र आना रुफुसाचे आबहू शिमोन कुरेणी को जे गावोमेरोत आवीत ओते बेन कामोको त्याहा तोओईलो याकोअता का ते येशुउ क्रूस विसित घेऊन जानारू 22 ते त्याहा , “गुलगुथा” नावोओ जागे घेऊन आव्ये, ज्याचा अर्थ होय , “कवटीइ ठिकाण”, 23 आना तिये त्याहा बल मिल्वीत लेले द्राक्ष रोह आपिला प्रयत्न कोल्योओ पण तिये लेदो नाहा 24 आना तिये त्याहा कृसापो चोढावीत आना त्याआ आंगडाआ कोडाआ नाहाकोत मिलीलो एहलो चिठ्या मेकल्या आना वाटीत लेधलो 25 जाहा तिये त्याहा क्रूसापो चोढावीत तेहालाम वेगर्यू नऊ वाज्यांआ ओते 26 आना त्याआ दोष पत्रापो “यहुद्याआ राजा ” एहलो लेखिलो ओते 27 तिये त्याआरी बेन बांडोहो पोन कृसापो चोढावीत , एकाहा हाजावोगे आना दिहीराहा डावासाईटोहो 28 ताहा पवित्रशास्त्र आ ओ वचनाआ पाप्या आरी गोणात गोयु पुरो उवो . 29 आना तिहीरोत आवणारा जाणारे त्याआ निंदा कोईत आना मुंडको आलाडीत- आलाडीत कोहू लागाडीत , अरे मंदिराहा पोडीत आपणारो आना तीन दिहोम उभे कोअनारू , 30 स्वतःहा वासाड आना क्रुसा उतरित आव 31 यावाही मुख्य याजक पण शास्त्र्यांआरी मिलून त्याआ थट्टा उडाडीत कोल्यो ओतेयामा बिहराहा वासाडये पण स्वतःहा वाचाआडयो शकला नाहा 32 ओमे ओ ख्रिस्त इस्त्राएलाआ राजा क्रुसा निसे उतरित आविलो ओ आमुहू पाल्हू आना विश्वास कोहू आना ते पण जे कृसापो त्याआ आरी चोढावीत ओते ते पण थट्टा कोईत ओते , 33 जाहा दिहे बारा वाजाडीता गोये तो आखे त्याहा आंधार फैलावीत गोल्यो आना तीन वाजेतांहुंजा रोला 34 आना तीन वाजेला येशूने जोरेज आयडीत कोल्यो , एलोई, एलोई, लमा शबक्तनी? याआ अर्थ होय , “ओ माआ देवा , माआ देवा तू माहु काहा सोडीत आपिलू?” 35 फासाड़ी जे जागे उभे ओते ते केते जोओ ओ उनाईत कोहू लागाडीत पाला तो एलीयाहा आवाज देत होय 36 आना कोडु गुगदीत जात स्पंज आंबेने पाअये आना सरकांडयापो मेकीत चुसित्लो आपिलू आना कोहू लागाडीत , पाल्तू एलिया त्याहा निसे उतारीलाकोता आवत्लू का नाहा 37 तेहालाम येशूने जोरा आयडीत जीव सोडयु 38 आना मंदिराआ पद्डू वरून नीसेजा फाटीतबेन भाग ओतगोल्यु गोल्यो 39 तेहालाम सुभेदाराही जो तिंही आगाडी उबु ओतु तिये यावाही जीव सोडीलावेल पालील्यो तेहालाम कोल्यो , “ओ माहुहू खरोज परमेश्वराआ पुत्र ओतु” 40 किबी बोईही पण कोल्यू ज्या सेटोरोत ओ पालीलो कोल्यू त्याआ माय मरिया माग्दालिनी, हानू याकोब आना योसेफाआ आयहि मरीया आना सलोमी ओती 41 जाहा तो गालीलामेहे ओतु तेहालाम ती त्याआ पासाडीपासाडी चालते रोअला आना त्याआ सेवा कोईत ओती फासी जास्तीज बोईही कोल्यू ज्या त्याआरी यरुशलेमोमे आव्या कोल्यू 42 जाहा हांजेपो उवी तेहालाम तीयार उविला दीही एहलाकारनावाही म्हणजे शब्बाथाआ उनाआ दिहाआ पहीले 43 अरीमतीयाआ रहिवासी युसुफ आवयू जो महासभेचा सदस्य होयेत स्वतः परमेश्वराआ राज्याआ वात पालीत ओतु तिये हीमत कोईत पिलाताआगाडी जात येशूचे डील माग्ये 44 पिलाताला आश्चर्य वाटेम का त्याआ मरण ओतो वेगु ओतगोल्यु गोयेएने तिये सुभेदाराहा हादीत फ़ुस्ल्याआ, “नाहाकोत तो एतांम मोईत गोल्यो होय ?” 45 फासाड़ी तिये सुभेदारापोरोत मुंडूपोडेताहा युसुफाहा येशूचे डील आपित टाक्ये 46 तेहालाम योसेफाने तागाचे आगडे वेसातो घेऊन आना डीला निसे उतारीत तीयाम चोडाल्याएने खोड्काम खुइत्मेकल्या उनाआ कबरेम मेकीत आपिलू आना कबरेए बाअनापो एक वोडू 47 मरिया मग्दलिनी आना योसेफाआ आयहि पालीत ओती का त्याहा का मेक्ल्ये होय.