14
बेन देहोओ फासाडी वल्हाडण आना बेखमीर रोटाआ तीवार ओतु ताहा त्याहा कोपटावाही केहे कोईत तोईतआना जीवे माईनो ओ मुखी याजक आना शास्त्री पालते ओते 2 पोन कोल्यो ओते , "पूर्वीच्या तेदीही नाहा, होय नाहा ओवो का माअहारोत माय गडबड उवे" 3 जाहा तो बेथानी इंही शिमोन कुष्टरोगीआ कोअमे रोटूखाहू बोह्ये ओते , तेहालाम एक बोयोआ अलाबास्त्रआ कुपिम जटामांसीच्या जाअखो किमतीइ सुगंधीत तेल लेत आवयी; आना कुपी फाडीत त्याआ मुंडकापो ओतिला 4 पोन कोडु -कोडु आपाआ मोनामे चडफडीत कोल्यो , "आव सुगंधीत तेलाआ काहा नाश कोल्यु गोये ? 5 काहाके ऐ सुगंधीत तेल तीनहोव पैक्षा जाखा रुप्यामे वेसेत ते गोरगरीब आपिलो आव्ये ओते" आना ते त्याआपो कुरकुर कोहू लागाडीत 6 येशू कोल्यो , "तीही सोडीत आपा ; तीही काहा त्रास आपित होय ? तीयी ताहा माकोअता हाजो कोल्यु होय 7 गौरगरीब तुमाआ आरी कायम रोत्ले, आना तुमु जर वाटत होय ताहा त्याआ आरी हाजो कोहू सेकतेहे; पण आय तुमाआ आरी कायम नाहा रोही 8 जे किबी ती कोहू शकली, तीयी कोल्यु; तीही माआ उत्तरकार्या याकोअता पाल्या पोरोत माआ डीला सुगंधीत द्रव्य लागाडले 9 आय तुमाआ खरोज कोतलू का आखे जगुम तीइही किबी सुर्वाता घोषणा कोअयी जानारू , तीइही त्याआ आव कामाहा चर्चा पण त्याआ स्मरणार्थ सांगण्यात आविलो" 10 यहूदा विश्वास घात कोतलू जो बारा शिष्यमेहरोत अकोतु मुख्या याजका आव्यू का त्याह तोआडीत देय 11 तेहालाम यहुदी इस्कर्यात तो बारथेरोत एक ओतु, मुख्य यापो गोये का त्याहा याआ आथे तोईत आप 12 बेखमीर रोटहू तिवाराआ पाल्या तेदीही, ज्याम ते वल्हांडणाआ यज्ञपशु मार ओते , त्याआ शिष्यांनी त्याहा फुसिअलो , "तू का जाआत्लू का आमुहू जात ताआ याकोअता वल्हांडणाचे तीयारी कोहू ?" 13 तिये आपाआ शिष्यांवाही मायारोत बेनुहू ओ कोत मोक्ल्यीत, "नगरामे जा, आना एक मांहु पअयोओ पाको विसित तुम्हामे जोडीत , त्याआ फासाडी चाल्यो 14 आना तो ज्या कोआत जानारू , तियाअ कोअमे को धन्याआ कोआ, गुरु कोतलू का माआ उतरावयास ज्याम आय आपाआ शिष्यांवाही आरी वल्हांडण खाही कोल्यो होय ? 15 तो तुम्हामे एक होमजाड्ये आना तीयार कोअली वोडी देखाडीत आपी, तीइही आम्हा याकोअता तीयारी को" 16 शिष्य निहित नगरामे आव्ये, आना जेहलो त्यानि त्याहा कोल्यो ओते , तियाअ प्रमाणोओ देखाये ; आना वल्हांडण तीयार कोल्योओ 17 फासाड़ी हांजेपो उवी , ताहा तो बाराजो आरी आवयू 18 जाहा ते बोहित रोटू कोईत ओते , ताहा येशू कोल्यो , "आय तुम्हामे खरोज कोतलू का तुमाआ मायारोत एक, तो माआ आरी रोटू कोईत ओतु, माहु तोईत आपी" 19 ते नाराज उवे आना ते एक -एक कोईत त्याहा आखू लागाडीत , "नाहाको त तो आय होय ?" 20 तिये त्याहा कोल्यो , "तो बाराजनाहा मायारोत एक होय , जो माआ आरी ताटूम आथे काल्त्लू 21 काहाके माअहा पुत्र ताहा, जेहलो त्याआ विषयी लेखीते होय , जात्लू; पण तिया मांहुंपो ज्याआ मुळे माअहा पुत्र तोयित्ली 22 जाहा ते खातीज ओते , तिये रोटू लेदु , आना आर्शिवाद मागित तोडीअते, आना त्याहा आप्यी , आना कोल्यो , "ल्या ओ माआ डील होय " 23 फासाड़ी तिये पिदो लेत ईशोपकारस्मरण कोल्यु, आना त्याहा आपिलू; आना ते आखाहा त्यामोरोत पिदो 24 तिये त्याहा कोल्यो, "ओ कराराआ रक्त होय , तो आखाहा होआता ओंतिले जात्लू 25 आय तुम्हामे खरोज कोतलू का द्राक्षाआ रोह तिया दिहेजा फासी केधी नाहा पीही , जोपोरोत देवाच्या राज्याम आय नवो न पिईलो" 26 फासाड़ी ते स्तोत्र गावित बारथे जैतूनाआ डोगोपो गोये 27 तेहालाम येशू त्याहा कोल्यो , "तुमु आखे अडखळाल, काहाके लेखिलो होय : आय होंबालीला माअयि, आना मेंढे दाणु घोणार' 28 पोन आय आपाआ उथिईला गोठी तुमाआ पहीले गालीलामेहे जानारू " 29 पेत्र त्याहा कोल्यो , "जर आखे अडखळनार ताहा अडखळनार, पण आय अडखित्लो नाहा!" 30 येशू त्याहा कोल्यो , "आय तुम्हामे खरोज कोतलू का आजुजे आव राती कुकडाहा बेन टायमोआ आआडीलाआगाडी, तू तीन टायमोआ माहु नाहाकोही" 31 पोन तिये फासी जोरामे बोलतुल्यो, "जर माहु ताआ आरी मोईला पण लागाडीत , तेबी आय ताआ नाकोनारो केधीज नाहा कोअनारू "यारितीनि आना आखाज पण कोल्यो 32 फासाडीनंतर ते गेथशेमाने नावोओ जागाही आव्ये, आना तिये आपाआ शिष्यांआ कोल्यो , "इही बोहित रो , जोपोरोत आय प्रार्थना कोअनारू 33 आना तो पेत्र आना याकोब आना योहान याहा आपाआ आरी लेत गोल्यो, आना जास्तीज चकित अस्वस्थ उवहू लागाडीत , 34 आना त्याहा कोल्यो , "माआ मोन जाखो दु: खी होय , यापर्यंत का आय मोईलापो होय : तुमु इही थोबा , आना जागतू रो " 35 कोईत तो थोड आगाडी गोल्यो आना धरतीपो नाहीत प्रार्थना कराय लाग्यू का जर उवनारा होय ताहा ए वेल मापोरोत काडीत आप , 36 आना कोल्यो, "ओ अब्बा , ओ आबुहू, ताहु आखे किबी उवहू सेकोहो ; आव प्यालाहा मापोरोत काढीत टाक : तेबी पोन माहु लागेहे तेहलूज नाहा, पण जे ताहु लागेहे तेहलूज ओवो" 37 कोईत तो आवयू आना त्याहा हुवतले पालीत पेत्राहा कोल्यो , "ओ शिनोम, तू हुवीत होय ? नाहाकोत तू घटकाभरभी जगुहू नाहा? 38 जागीत आना प्रार्थना कोईत रो का तुमु परीक्षेमेहे पोडहू कायना आत्माआ ताहा तीयार होय , पोन डील नोबलु होय " 39 आना तो फासी जातल्या गोल्यो आना तियाअ शब्दाम प्रार्थना कोअयी 40 फासी आवीत त्याहा हुविलो पाल्लये, काहाके त्याआं डोआं निंदोम ओती; आना मोलुम ओते का त्याहा नाहाकोत उत्तर आपिलो 41 फासाड़ी तिसऱ्या वेले आवीत तिये कोल्यो , "ओमे हुवीत रो आना विहाव ल्या , पुरो उवे घडका आवयी होय ; पाला माअहा पुत्र पापी माहाहा आथे तोईत आपिलू जात होय 42 उठा, चाला ! पाला , माहु तोईत आपणारो जागे आवयू होय !" 43 तो ओ कोताच ओतु का यहूदा जो बाराजो मायारोत एक ओतु, आपाआ आरी मुख्य याजक आना शास्त्री आना आबहू यापोरोत एक वोडी गोर्दी लेत वेगु आवीत पोतीतगोयू, ते तलवार आना डेगाऱ्या लेदिओलो कोल्यू 44 त्याहा तोईत देणाऱ्याने त्याहा ओ खून कोत आपिलू ओते का ज्याहा आय चुंबन लेही तोज तो होय , त्याहा तोईत होंबलीत लेत जा 45 तो आवयू आना वेगु त्याआ जागे आवीत कोल्यो , "ओ गुरुजी!" आना त्याहा जाखो मुकु लेदि 46 तेहालाम तिये त्याआ आथे मेकीत त्याहा तोईत लेधलो 47 तिया मायारोत जे जागे उभे ओते , एकाने तलवार साडाळीते मुख्य याजकाआ दासोपो सालाडयी, आना तिया कान वाडीत टाक्यू 48 येशू त्याहा कोल्यो , "नाहाकोत तुमु बाड होमजीत माहु तोईतलाकोअता तलवार आना डेगाऱ्या लेत निकलीलू होय ? 49 आय ताहा हरएक तेदीही मंदीराम तुमाआ आरी रोत शिक्षण आपित ओतु, फासाड़ी तेहालाम तुमु माहु नाहा तोअये: पण ओ याकोअता उवे का पवित्र शास्त्र ची शब्द पुरो ओवो" 50 यांपोरोत आखे शिष्य त्याहा सोडीत नाहीत गोये 51 एक जुवान आपाआ उगडो डीलोपो आंगडे फंगीत त्याआ फासाडी चालते ओते ; आना माहुही त्याहा तोअये 52 पोन तो आंगडे टाकीत उघडीतताज नाह्यू 53 नंतर तिये येशुहू प्रमुख याआपो लेत गोये ; आना आखे मुख्य याजक आना आबहू आना शास्त्री त्याआ जागे एकटा 54 पेत्र बिहरू सेटे त्याच्यामागे-मागे प्रमुख याजकाआ खोलीमजा गोये , आना कामकोनारो आरी बोहित आगीई जागे हेकते बोहू 55 मुख्य याजक आना आखे न्यायसभा येशुहू माईत ताकिलाकोअता त्याआ विरूधोम पुरावू होदित ओते , पण नाहा जोड़ी 56 काहाके जाअखो जोओ त्याआ विरूधोम ए झुटी सांक्ष आपित ओते , पण त्याआ सांक्ष एक हारखी नाहाओती 57 तोयों किबी माहु उठित त्याआ विरूधोम ए झुटी सांक्ष आप्यी ओती, 58 पाच "आमुहू त्याहा ओ कोत्लेताहा उनाअयो होय , आय आव आथोवाही तीयार कोईओलो मंदिराहा तोडीत टाकही, "आना तीन दिहे फासाड़ी बिहरे बोनाडनारू, जे आथोवाही बोनणारू नाहा," 59 यापोरोत पोन त्याआ सांक्ष एकापोरोत पण निहथी नाहा 60 तेह्लाम प्रमुख याजकांवाही विसमे उभे रोत येशुहू फुसिअलो , "तू किबी उत्तर नाहा आपोहो? ओ माहे ताआ विरूधोम नाहाकोत सांक्ष आपित होय ?" 61 आना ते उडदीज रोला, आना किबी उत्तर नाहा आपिलू प्रमुख याजकांवाही त्याहा फासी फ़ुस्ल्याआ, "नाहाकोत तू तियाअ परमेश्वराआ पुत्र ख्रिस्त होय ?" 62 येशू कोल्यो , "आय होय : आना तुमु माहाहा पोऱ्याहा सर्वसमर्थाआ हाजावोगे बोह्ये, आना जुगोमेऱ्या वादलाआरी आरी आविलावेले पलणारू" 63 तर प्रमुख याजकांवाही आपाआ आगडे फाडीत कोल्यो , "ओमे आमुहू सांक्षिदाराची फासी नाहाकोत गोरोज? 64 तुमु ए निंदा कोअयी तुम्हामे नाहाकोत लागेहे?" तियाअ आखाज कोल्यो का ओ मरणदंडाहा पात्र होय 65 तेह्लाम केते जोओ त्याआपो थुंकू लागाडीत , आना केते त्याआ सोब टापीत आना त्याहा मुक्यो माईत आना त्याहा कोइत्लु लागाडीत , "भविष्य वाणी को! आना कामदारावाही त्याहा तोईत सापकू माअये 66 जाहा पेत्र निसे खोलीम ओतु, ताहा प्रमुख याजकाआ दासिमेरोत एक तीइही आवयी, 67 आना पेत्राहा आगाडी शेक लेइअला पालीत त्यांही एकहारकोपालीलीअ पाल्लये आना कोइत्लु लागीई, "तू पण ताहा तियाअ नासरी येशू आरी ओतु" 68 तिये नाहाकोयो, आना कोल्यो , "आय नाहा ओळखीतल्यो आना नाहा होमाजाडीत का तू नाहाकोत कोल्यो होय "फासाड़ी तो बारथे देवडीपो गोल्यो; आना कुकडू आअड्यू 69 ते दासी त्याहा पालहु त्याआ जे जागे उभे ओते , फासी कोइत्लु लागीई, "ओ त्यापैकी एक होय " 70 पोन तो फासी नकार कोल्योओ थोडो वेलेनंतर तिये जे जागे उभे ओते फासी पेत्राहा कोइत्लु लागाडीत , "खरोज तू त्यापैकी एक होय ; काहाके तू गालील पण होय " 71 तोयो तो ओतोकीतेबी आना शपथ लेहु लाग्यू , "आय आव मांहाहा , त्याहा तुमु ओलखीत , नाहा ओळखीतल्यो" 72 तोयो लागेज बिहीरा टायमोमें कुकडू आअडयु पेत्राहा ती गोठी जी येशुनी त्याहा कोल्यी ओती ओर आवयी: कुकडावाही बेन टायमोआ आयळीलो पहीले तू तीन टायमोआ माआ नकार कोअही"आना आव गोठीकोता फूस कोईत रोडू लाग्यू.