11
जाहा ते यरूशलेमेऐ आहने जैतुन डोगाआपोओ बैतफगे आना बेथानी इहीज़ाआ पोचे ताहा तीये आपाआ चेला मेहेरोत बेनुह एहे कोईत मोखल्यो का 2 "आगाडीइ गावून जा, आना तीइही पोत्ले एक गावच गोदडापिलो , ज्यापो कोडु केधी नाहा बोह्ये, बाधआ लेल तुम्हामे जोडीत त्याहा सोडीत लेतआव 3 जर तुमुहू कोडु फुसे ताहा, 'ओ नाहाकोत कोईत होय ?" ताहा कोआ, "प्रभूहु याआ गोरोज होय ,"आना ते गोदडापिलो त्याहा इही मोकलित आपी" 4 तिये जात तिया गोद्दपिलाहा बारथे बायनोवागे बादितमेल्यु पाल्यू आना सोडीत लागाडीत 5 तिया मायारोत इही उभे ओते , किबी आखू लागाडीत , ओ नाहाकोत कोईत होय , गाढवआ गोदडापिलाहा काहा सोडीत होय ?"a 6 जेहलो येशुनी कोतल्यो उवनारा, तेहलूज तिये त्याहा कोत आपिलू; तेहालाम माहुंहु त्याहा जाहू आपिलू 7 तिये गोदडीपिलाहा येशू च्या जागे लेतआवीत त्याआ उपो आपाआ आगडे टाक्ये आना तो त्याआपो बोहित गोल्यो 8 तेहालाम आखाज आपाआ आगडे वाटेपो टाक्ये आना किबी जानोतांहि खेतामेरोत लोगी वाडीत फैलावीत आपिलू 9 जे त्याआ सोमोर-सोमोर जात आना फासाडी -फासाडी चालते जात ओते , आडीआडी कोल्यो जात ओते , 'होसान्ना! धन्य होय जो प्रभूउ नावामेहे आवत्लू! 10 आमाआ आबहू दविदाआ राज्य तो आवीत होय ; धन्य होय ! वाद्लामे होसान्ना!" 11 तो यरूशलेमांत आवीत मंदीराम आवयू, आना चारीओर आखे वस्तुऊ बाधित बारा जनावराआरी बेथानी गोल्यो, काहाके हांजेपो उवी ओती 12 बिहीरा तेदीही जेव्हा ते बेथानितून निहीलानंतर त्याहा भूक लागीई 13 तो सेटेजरोत अंजिराआ एक निलो साड पालहु जागे गोल्यो का कदाचित तीयाम किबी जोडीत : पण पानोहो सोडीत भिहीरो किबी नाहा भेटल; काहाके फोलोओ वेल नेओतू 14 यापोरोत त्याआ त्याहा कोल्यो , " विसमे पोरोत कोडु तांआ फोल केधीज खाही नाहा! आना त्याआ शिष्य उनाईत ओते 15 फासी ते यरूशलेमाआ आव्ये, आना तो मंदिरोम गोल्यो; आना तीइही जे घेण- आपही कोईत ओते त्याहा बारथे काडाय लागाडीत , आना सरफांचे चौरंग आना पारवो वेस्नाराआ बैठक उलटीत आपिलू, 16 आना मंदीराम कोडाआ बासणा लेत लेतआविलो आना जाहू नाहा आपिलू 17 आना शिक्षण लेत कोल्यो , "नाहाकोत ओ नाहा लेखिलो होय का माआ को आखे जातीही प्रार्थना को आखीत ? पण तुमु त्याहा बांडाआ गुफा बोणाडीत टाक्यी होय " 18 ओ उनाईत मुख्य याजक आना शास्त्री तिया घात कोइलाकोअता योजना कराय लागाडीत ; काहाके ते त्याहा बित ओते , काहाके का आखे माहे त्याआ शिक्षणापोरोत थक्क उवे ओते 19 हांजेपो ओतुज ते शहराआ बारथे निहित गोये 20 फासाड़ी वेगीई ते तिहीरोत जात ओते तेहालाम त्याहा आव अंजिराआ सोडोहो मुलोमेरोत हुकाडल्यु पाल्लये 21 पेत्राहा ती गोठी समजली, आना त्याहा कोल्यो , "ओ गुरुजी, पाला ! ओ अंजिराआ साड ज्याहा तुमु शाप आप्यू ओतु, सुखून गोये " 22 येशूने त्याहा उत्तर आपिलू, "देवापो विश्वास मेका 23 नि तुम्हामे खरोज कोतलू का जो कोडु आव डोगोहो कोअही, तू उपटीत जा, आना समुद्राम जात गुगदेए ,"आना आपाआ मोनामे संशय नाहा कोहू , ताहा विश्वास तोआ का जे कोल्यो होय ते होतगोयो जानारू , ताहा त्यांकोअता तोच लेही 24 यकोअता आय तुम्हामे कोतलू का जे किबी तुमु प्रार्थना कोईत मागोईला विश्वास कोईत ल्या का तुम्हामे मिलून जानारू , आना तुम्हाकोअता लेत जानारू 25 आना जेव्हा केधी तुमु उभे रोत प्रार्थना कोईत होय ताहा जर तुमाआ मोनामे कोडा विषयी किबी विरोध होय , ताहा क्षमा को; याकोअता का तुमाआ होर्गामेऱ्ये आबहू पण तुमाआ अपराध क्षमा कोअही 26 आना जर तुमुह माफ़ ने कोहा ते तुमाह आबहु जो स्वर्गामेहे होई तुमाह पापाहा माफ ने कोए. 27 ते फासी यरुशलेमोमे आव्ये, आना जेव्हा तो मंदिरोम फिरीत ओतु ताहा मुख्य याजक आना शास्त्री आना आबहू त्यांही आवीत फुसुहू लागाडीत , 28 "तू ओ काम कोडला अधिकाऱ्याआ कोईत होय ? आना ओ अधिकार ताहु कोडु आपिलू होय का तू ओ काम कोअनारू ?" 29 येशुनी त्याहा कोल्यो , "आय पण तुम्हामे एक गोठी फुसल्यू; माहु उत्तर आपीही ताहा आय ताहु कोअही का ओ काम कोडला अधिकाऱ्याआ कोतलू 30 योहान चा बाप्तिस्मे नाहाकोत होरगापोरोत ओतू का माहामोरोत ओतू माहु उत्तर दया" 31 तेह्लाम ते आपसामेहे फूस कोहू लागाडीत का जर आमुहू कोतलू "होरगापोरोत,"ताहा तो कोअही , ताहा तुमु त्याआपो विश्वास काहा नाहा कोल्योओ?" 32 आना जर आमुहू कोहू , "माहामोरोत," ताहा लोकांची बीइलो होय , काहाके आखाहा मोलुम होय का योहान खरोज संदेष्टा ओतु 33 सासोल्यू: तिये येशुहू उत्तर आपिलू, "आमुहू नाहा मोलुम" येशू त्याहा कोल्यो , "आय पोन तुम्हामे नाहा कोल्यो का कोडला अधिकाराआ कोअत्लू".