10
फाशु तो तीहीरोत उठीत कोईत यहूदीयाआ सीमा मेहे आना यरदेनोहो पार आव्यू गोर्दी फाशी त्याआ आरी एखठी ओत गोई आना आपाज रीतीवाही त्याहा फाशु हीकाडूहु लाग्यु 2 तेहालाम किबी परुसी त्याआ परीक्षा कोअला त्याआ जागे आव्ये आना त्याहा फुसिलो लागाडीत का ; नाहाकोत कोडा मांहांकोअता आपाआ लाडीई सोडीत आण्यो योग्य होय 3 तिये त्याहा कोल्यो , “मोशेई तुम्हामे नाहाकोत आज्ञा आप्यी होय ?” 4 तिये कोल्यो , “मोशेई माहुंहु आज्ञा आप्यी होय का तो सूटपुत्र लेखित बोयोआ बारथे काडीत आप ” 5 पोन येशूने त्याहा कोल्यो , “तिये ए आज्ञा तुमाआ मोनोमेहे कठरतावाही लेखिलो ” 6 पोन जग च्या पेलेरोत परमेश्वराने त्याहा बोयोआ आना माहु बोनाडहि 7 त्यापोत मांहु आपाआ आयहि बापाआ सोडीत आपा आ लादीई आरी रोय . 8 आना ओ बेन उनाआ डीलोओ उवे कोईत ते ओमे बेन नाहा पण एक डील होय 9 त्यापोत ज्याहा परमेश्वराने जोडीत होय त्याहा कोडु मांहु अलग कोअनारू नाहा 10 आना शिष्य कोअमे आविलो आव विषयी त्याहा फासी फुसुहू लागाडीत 11 तिये त्याहा कोल्यो जो कोडु आपाआ लाडीई सूटपुत्र आपित बिहीरा बोयोआ आरी वेहवाल कोअनारू ताहा तो तिच्याविरुद्ध व्यभिचार कोअत्लू 12 आना बोयोआ पोन आपाआ डोहाहा सूटपुत्र आपित बिहीरा मांहाआरी वेहवाल कोअते ताहा ती व्यभिचार कोईत ओते 13 फासाड़ी मांहे पोऱ्याहा त्याजागे घेऊन आवहू लागाडीत का तो त्याहा स्पष्ट कोईओलो पण शिष्यांनी त्याहा धमकाव्यो 14 येशूने जेव्हा ओ पालील्यो , तेहालाम क्रोधावाही त्याहा कोल्यो , “पोऱ्याहा माआहने आवहू दया त्याहा नाहा कोहू विनाकारण परमेश्वराआ राज्य त्याआ हारखोच होय 15 आय तुम्हामे खोरोज कोतलू जो कोडु परमेश्वराआ राजाहा हानू पोऱ्याहोस ग्रहण कोईत नाहा ताहा तो तीयाम खोरोज प्रवेश कोहू सेकेहे नाहा” 16 तेहालाम तो त्याहा आपाआ गोदमध्ये घेऊन आना त्याआ उपो आथे मेकीत आशिर्वाद आपुहू लाग्यू 17 आना जाहा तो प्रवासाम जाणारच ओतु तेहालाम एक माहुहू गुगदीत त्याआ जागे आवयू आना गुडू पोडीत फुसिलो लाग्यू , ओ उत्तम गुरुजी, तू हाजू होय आना अनंत जिवनाआ अधिकारी उविलाकोअता आय नाहाकोत कोहू ? 18 येशु लेतजा त्याहा कोल्यो तू माहु उत्तम काहा कोहे? परमेश्वपोरोत कोडूच उत्तम नाहा 19 ताहु आज्ञा ताहा मालुमुज होय , हत्या कोहू नाहा, व्यभिचार कोहू नाहा, चोरी कोहू नाहा, झुटी साक्ष आपुहू नाहा, निंदा कोहू नाहा, आपाआ आयहिइ आना बाहाआ सन्मान को 20 तिये त्याहा कोल्यो , गुरुजी, आय जन्मापोरोत आव आखे गोठीई पालीत कोईत आवयू होय 21 ओ पालीत येशुहू दया आवयी आना तिये कोल्यो , तांआम फासी उनाआ गोठीई कोम होय , जा जे किबी तांआ होय आना गोरब्योम वाटीत आप आना होर्गाम ताहु धन जोडीत आविलो तू माआ फासाडी आव 22 ओ वचन उनाईत त्याआ सोब उतरीलो आना तो दुखित ओतगोल्यु तिहीरोत निहित गोल्यो काहाके तो जाखो श्रीमंत ओतु 23 येशूने चारही सेटे पालीत आपाआ शिष्यांआ कोल्यो , श्रीमंताकोअता परमेश्वराआ राज्ज्याकोअता प्रवेश कोअला केतो कठीण होय 24 शिष्य त्याआ शब्दापोरोत जास्तीज आश्चर्य उवे पण येशूने फासाड़ी कोल्यो , “ऐ पोऱ्या, परमेश्वराआ राज्याम प्रवेश मिलविलो केहलो कठीण होय 25 परमेश्वराआ राज्याम एगदा श्रीमताआ प्रवेश कोईलापेक्षा उंटाडाहा हुयीइ नाकामेरोत निहित जाअलो सोपो होय ” 26 ते फासी जाखो आश्चर्यावांही फुसिलो लागाडीत फासाड़ी कोडाआ तारण ओवुहू सेकोहो ? 27 येशूने त्याआरोत पालहु कोल्यो माआहुकोअता ओ नेउवे होय पण परमेश्वराआ नेउवे नाहा काहाके परमेश्वराकोअता आखे किबी शक्य होय 28 पेत्र त्याहा कोल्यु लाग्यू , पाला , आमुहू आखे सोडीत ताआ फासाडी लाग्यू होय 29 येशूने कोल्यो , आय ताहु खोरोज कोतलू, का एहलो जीआ माआ आना सुवर्ताकोअता को , पाही , बोंहि आना आई-बाप आना पोऱ्ये आना खेतीहो सोडये होय 30 आना तो ओमे योपो वर्तमान समयी कोओहो पाही बोईही, आयहि आबहाहा आना पोऱ्ये आना खेतीहो होव पट्ट जाखो मेलवूहु नाहा पण सर्वकाळी रोणाआरा आरी आना आवनाराआ जुगोम अनंत जीवोन जोडेताःवुअजा रोही नाहा 31 पोन केते जोओ जे पहीले होय , आखरी होय आना जे आखिर होय ते पहीले होय 32 आना ते यरुशलेमेत जाआत्लू वातेम ओते आना येशु त्याआ आगाडी -आगाडी जात ओतूएन ते चक्कित उवनारा ओते आना जे मागित आवीत ओते ते बितगोये ओते आना फासी तो तियाअ बाराणा अलग घेऊन गोल्यो, आना जे किबी त्याआ आरी उवे ओते ते त्याहा कोल्यो ओतु 33 पाला , आपु यरुशलेमेत जात रोल्या होय आना माअहा पुत्र मुख्य याजक आना शास्त्रीच्या आथोमेहे तोईत आप्यू जानारू आना ते त्याहा मरण शिक्षाआ योग्य ठेरवीत गैरयहुदिआ आथे होफहोपिन आपी 34 ते त्याआ थट्टा कोअनारू , त्याआपो थुंकीलो, त्याहा चापके देही आना माईत टाकही आना तो तीन दिहीआ तो फासी जिवंत उठ्णारू 35 तेहालाम जब्दिई बेन पोऱ्ये याकोब आना योहान त्याआ जागे आविलो कोहू लागाडीत , ओ गुरु , आमुहू लागेहे जे किबी आमुहू तापो मागहु ते तू आमाकोआता को 36 आना तिये त्याहा कोल्यो तुम्हामे नाहाकोत लागेहे आय तुम्हाकोअता कोहू ? 37 तिये त्याहा कोल्यो , ताआ वैभवाआ आमामेरोत एक हाजावोगे आना बिहरु डावासाईटोहो बोह्जी 38 पोन येशूने त्याहा कोल्यो , तुम्हामे मोलुम नाहा का तुमु नाहाकोत मागित होय जो पिदो आय पीही होय नाहाकोत तो तुमु पीईअलो शकहू ? किंवा जो बाप्तिस्मे आय लेही होय तो तुमु लेऊ सेकेहे नाहाकोत? 39 आना तिये त्याहा कोल्यो , “आमुहू कोहू शकतो” आना येशूने त्याहा कोल्यो , तो पिदो आय पीही होय तुमु पीईअलो सेकतेहे आना तो बाप्तिस्मे जो आय लेही होय तुमु लेऊ सेकतेहे 40 पोन आपाआ हाजाडी किंवा डावासाईटोहो बोअहाळीलो माआ काम नाहा पण त्यांकोअता होय याकोअता तीयार कोल्यु होय 41 एके ऐ उनाईत दहा शिष्य याकोब आना योहानापो रागावीत गोये 42 कोईत येशूने त्याहा जागे हादीत कोल्यो , तुम्हामे मोलुम होय का जो अविश्वास्याआ अधिकारी होमाज्या जात्लू ते त्याआपो राज्य कोअता आना त्यांम जे वोडो होय ते त्यांपो राज्य कोअता 43 पोन तुम्हामे एहलो नाहा जो कोडु तुम्हामे वोडू ओवुहू इच्छितो तिये तुम्हामे दास उवे 44 आना जो तुम्हामे अधिकारी बोनिलो मांगत्लू तिये आखाआ दास बोनिलो जोवे 45 काहाके माअहा पुत्र पण आपाआ सेवा कोईलाकाजे नाहा पण सेवा कोअला आना कोअताजो वेसातो घेण्यासाठी आपाआ जीव दयायआ आवयू होय 46 ते यरीहाहा पोतले आना जेव्हा तो आपाआ शिष्य आना उनाआ वोडो गर्दीआरी यरीहोमरोत बारथे जात ओते ताहा बर्तीमय नावाआ एक आंधलू भिकारी जो तिमय चा पोऱ्या ओतु वाटेए किनारावपो बोहू ओतु 47 जाहा तिये उनाअयो का ओ नसरेथाआ येशु होय ताहा तो आळीही लाग्यू , ओ येशु दाविदाआ पुत्रा, मापो दया को 48 केत्येकोजो धमकी आपित कोल्यो का तो ठावकू रोंहु जोवे, पण तो फासी जोरे आअडीला लाग्यू दाविदाआ पुत्रा, मापो दया को 49 ताहा येशूने थोबिलो कोल्यो , त्याहा हादाडा आना माहुहु त्याहा ओ कोल्यो हादाडये, धीरज तो , आना उठ तो ताहु हादीत होय 50 आना तो आपाआ झगा उनाआ सेटे टाकी आप्यू आना कुदित उठ्यू आना येशुआरी आवयू 51 येशूने उत्तर आपित कोल्यो , ताहु नाहाकोत लागेहे का आय ताकोअता कोहू ? आना आद्लाही त्याहा कोल्यो , माआ गुरु , माहु पालीलो होय 52 येशूने त्याहा कोल्यो , निहित जा ताआ विश्वासा ताहु हाजो कोल्यु होय तो लागेज पालाहू लाग्यू आना वातेम त्याआ फासाडी जाऊ लाग्यू.