12
फाशु तो दाखले आपीत त्याआ आरी गोट्यु एखु माहू द्राक्षाआ मोलू लागाड्यु आना चारू वोगे वाडू बांद्यु आना रोहाआ कुंडो खोद्यो आना मालू बोणाव्यू आना कीसानोहो त्याआ ठेकु आपीत बीहरा देसामेहे जातु रोयु 2 फासाड़ी फोलाहा हंगामाआ टायमोमें तिये खेतीवालाई उनाआ दासाहा मोक्ल्यीत का खेतीवालाई द्राक्षाच्या वाटीमेरोत फोलोओ भाग जोडीत 3 पोन तिये त्याहा तोईत माअये आना निसे आथे मोकलित आपिलू 4 फासाड़ी तिये उनाआ दासाहा त्याआरोत मोकल्ये; तिये त्याआ मुंडको फाडीत टाक्ये आना तिया अपमान कोल्योओ 5 फासाड़ी तिये उनाआ जोह फासी मोक्ल्यीत; तिये त्याहा माईत टाक्ये तेहालाम त्यांही जाअखो जोह माअये , आना किबी जनाहा माईत टाक्येतेलहाम तिये फाशी जाअखो जनाहा मोक्ल्यीत; त्यामेरयू तिये किबी जनाहा माअये , आना किबी जनाहा माईत टाक्ये 6 ओमे एकुच जोओ रोत गोल्यो, तो त्याआ प्रिय पोऱ्या ओतु; आखरी तिये पण त्यांही ओ फूस कोईत मोक्ल्यीत का ते माआ पोऱ्याहा आदर कोआ 7 पण तियाअ खेत्कोऱ्या आपसामेहे कोल्यो , 'ओच ताहा वारस होय ; साला आपु त्याहा माईत टाकुहू तेहालाम वतन आपाआ होय ' 8 आना तिये त्याहा तोईत माईत टाक्ये आना द्राक्षाच्या वाडीतून बारथे टाकीत आपिलू 9 "याकोअता द्राक्षाआ वाडीचा मालक नाहाकोत कोअही? तो आवीत तिया खेतीकोअनाराआ नाश कोअही, आना द्राक्षाआ वाडी बिहराहा आपित टाकिलो 10 नाहाकोत तुमु पवित्र शास्त्रात ओ वचन नाहा वाचले काहा: 'ज्या डोणुहु राज्य शास्त्रीयांवांही ने कामोको ठेरव्यू ओतु, तोज कोनशील पोयो; 11 ओ प्रभू त्याउगेरोत उवे, आना आम्हा नजरेवाही अद्भुत होय ' 12 तेहालाम तिये त्याहा तो तोहू पालील्यो ; काहाके होमजीत गोये ओते ली तिये आपाआ विरोधाम ओ दृष्टामे आखिलो होय पण ते माहुंहु बितगोये आना सोडीत निहित गोये 13 तेहालाम तिये त्याहा गोठीमे ठोगीओलो याकोअता किबी परूशियांआ आना हेरोदियाआ त्याआ जागे मोक्ल्यीत 14 ते आवीत त्याहा कोल्यो , "ओ गुरु , आमुहू मोलुम होय का तू खोरो होय , आना कोडाआज फिकीर कोईत नाहा; काहाके तू मांहाआ सोब पालीत गोठी नाहा कोईत , परंतु परमेश्वराआ मार्ग खोरो डोआवाही देखाडत्लू ताहा नाहाकोत कैसराहा को आण्यो उचित होय काहा नाहा? 15 आमु आपुहू, आव नाहा आपुहू?" तिये तिया कपट होमजीत त्याहा कोल्यो , "माहु काहा पारखिलो ? एक पोशाआ मांही लेतआव , का आय त्याहा पाल्हू" 16 ते लेत आव्ये, आना तिये त्याहा कोल्यो , "ओ ठासु आना कोडाआ होय ?" तिये कोल्यो , "केसराआ" 17 येशूने त्याहा कोल्यो , "जो केसराआ होय तो कैसरहा आपा , आना जे परमेशवराआ होय ते परमेशवराआ आप "तेहालाम ते त्याआपो जाखो आश्चर्य चकित उवे 18 फासाड़ी सदूकियांनी पण, ओ कोल्यो का मोरीत जीवतो उवे ओ नाहा होय , त्याहा जागे आवीत तिया फ़ुस्ल्याआ 19 "ऐ गुरु , मोशे लेतजा आमाकोअता लेखिलो होय केधी कोडाआ पाही बी फासाड़ी मोईत गोल्यो आना त्याआ लाडी रोत जाइअलो, ताहा तिया पाही तिया पाही त्याआ लाडी आरी वेहवाल कोईत लेय आना आपाआ पाहिकोअता वंश उत्पन्न कोअही 20 सात पाही ओतेपेल्लो पाही बिना पोऱ्ये मोईत गोल्यो 21 तेहालाम त्याआ पायाहोवांही तियाअ बाय आरी वेहवाल कोईत बिना संनतान मोईत गोल्यो; आना तेहलूज तिसरावांही पण कोल्यु 22 आना साता पोरोत संनतान पोयो आना आखाम फासाड़ी ती बाय पण मोईत गोयी 23 आखरी जीवतो उवेताहा ती यामोरोत कोडाआ लाडी उवे?" काहाके ती सात जाणाहा लाडी उवी ओती" 24 येशू त्याहा कोल्यो , "नाहाकोत तुमु आव कारनोवाही भ्रमोम नाहा होय ने का तुमु पवित्र शास्त्राआ ओळखीतल्यो नाहा, आना नाहा परमेशवराआ सामर्थ्याआ? 25 काहाके जेव्हा ते मोल्यामरोत उटे तेहालाम ते वेहवाल नाहा कोअनारू आना नाहा वेह्वालाकोअता आपिलू जाथ, परंतु होर्गाम दूतांआ एकहरको रोही 26 मोल्यामरोत उठ्विलो विषयी नाहाकोत तुमु मोशेए पुस्तकाम साडोओ गोठीमे वाचले नाहा काहा परमेश्वराआ त्याहा कोल्यो "आय आब्राहामाआ परमेश्वर, आना इसाहाकाआ परमेशवर, आना याकोबाआ परमेशवर होय ? 27 परमेश्वरआ मोल्याआ नाहा पोन जीवताआ परमेश्वर होय ; आखरी: तुमु वोडो भ्रमोम पोडये होय 28 शास्त्री या मायारोत एक जोओ आवीत त्याहा वाद- वाद कोअत्लूतेहलाम उनाईत' आना ओ होमजीत का तिये त्याहा हाजा रीतीवाही उत्तर आपिलू, त्याहा फ़ुस्ल्याआ, "आखाम वोडी आज्ञा कोंडली होय ?" 29 येशूने त्याहा उत्तर आपिलू, "आखे आज्ञा पैक्षा एज मुख्य होय 'ओ इसराईल एक! प्रभू आमाआ परमेश्वर एकुच प्रभू होय , 30 आना तू प्रभू आपाआ परमेश्वराआ आख्यो मोनाकोईत, आना आपाआ आख्यो शक्तीवांही प्रेम कोअही 31 आना बिहरि ए होय , तू आपाआ आरीकोरयापो आपाआ हारकोज प्रेम कओरा याआ पैक्षा फासी कोड्लीस आज्ञा नाहा" 32 शास्त्रीई याहा कोल्यो , "ओ गुरु , ठीक होय ! तू खर कोल्यो का तो एकुच होय आना त्याहा सोडीत कोडूच नाहा 33 आना त्याआपो आख्यो मोनाकोईत आना आख्यो बुद्धी आना आख्यो शक्तीवांही प्रेम कोअही; आना आरीकोरयापो आपाआ सारखो प्रेम कोईओलो, आख्खा होमबली आना बालीदानापोरोत वोडी होय " 34 जाहा येशूने पालील्यो का तिये होमजीत उत्तर आपिलू, तेहालाम तो बोलतुल्यो "तू परमेशवराआ राज्यामेरोज सेटे नाहा"आना कोडाआ फासी त्याहा किबी फुसिला हिंमत उवी नाहा 35 कोईत येशूने मंदीराम उपदेश कोल्यो ओतलू ह कोल्यो , "शास्त्री केहलो कोतेहे का ख्रिस्त दाविदाआ पुत्र होय ? 36 दविदाई खुद पवित्र आत्म्यात आवीत कोल्यो होय : "प्रभूनी माआ प्रभूहु कोल्यो , माआ हाजला सेटे बोह, जो पर्यंत का आय ताआ वैऱ्यी ताआ गुडानिसे कोईत नाहा आपित " 37 दावीद खुद त्याहा प्रभू कोतलू, फासाड़ी तो तिया पुत्र तेहे नाहाकोत ठरेल?" आना गोर्दी मेरये माहे त्याआ आनंदावाही उनाईत 38 त्याआ आपाआ बिहीदेशा माय त्याहा कोल्यो , "शास्त्रीया पोरोत सावध रो , जे वोडो झगे कालीत फिरीवलो आना बाजारामे लत्ले नमस्कार, 39 आना प्रार्थना कोअमे मुख्य -मुख्य स्थान आना खाअलाकाजे मुख्य -मुख्य स्थान पण जोवे रोतेहे 40 ते विधवेआ कोओहो खात टाकतले , आना देखाडीलाकोअता जाखो वेल पर्यंत प्रार्थना कोईत रोत याहा वोडू दंड जोडीत " 41 ते मंदीराआ भडारा आगाडी बोहित पालीलो ओतु का माहे मंदीराआ भांडाराम कोडला प्रकारे पोशा टाकतले ; आना जाअखो श्रीमंताही जाअखो किबी टाक्ये 42 एतांम एक गरीब रोंडाली आवीत बेन दमडी, जी एक नान्या आरी ओती ते टाक्ये 43 तेहालाम तिये आपाआ शिष्यांआ जात हादीत त्याहा कोल्यो , "आय तुम्हामे खोरो कोल्यो ओतू का मंदीराआ भांडाराम टाकण्याऱ्या मायारोत आव गरीब विधवेने आखाम जाखो टाक्ये; 44 काहाके आखाज आपाआ धनोओ वाढी मायारोत टाक्ये, परंतु इयेज आपाआ कोम ओते त्याआ मायारोत म्हणजे जेवळे तीई ओते , म्हणजे आपाआ आखे जीविका टाकीत आप्यी.