8
त्या दीहोमेहे जाहा फाशी वोडी गोर्दी एखठी टोलवात गोई आना त्यापोओ कीज खाहु ने ओतो ते तो त्याआ चेलाहा आहने हादीत त्याहा कोयो 2 माहु आव माहाहूपो किरवाय आवयू होय , काहाके ते तीन दिवसापोरोत माआ आरीज होय आना त्यांआपो खाहुं किबी नाहा जर आय याहा फुकल्यो कोआ मोकलित आपिलू, ताहा वाटेपो थुकीत रोत जाइअलो; काहाके यामेहे किबी सेटोरोत आव्ये होय '' 3 जर आय याहा फुकल्यो कोआ मोकलित आपिलू, ताहा वाटेपो थुकीत रोत जाइअलो; काहाके यामेहे किबी सेटोरोत आव्ये होय " 4 त्याआ शिष्यांनी त्याहा उत्तर आपिलू, "इही जंगल माय ओतो रोटा कोडू कोरात लेतआवही का ओ तृप्त होय ?" 5 तिये त्याहा फ़ुस्ल्याआ; तुमाही केतो रोटा होय ?" तिये कोल्यो , "सात" 6 ताहा तिये माहुंहु धरतीपो बोहीलाकोआता आज्ञा आप्यी , आना तियाअ सात रोटा लेदिओलो आना आशीर्वाद आपित तोडीअते, आना आपाआ शिष्यांआ आपित गोल्यो का त्याआ आगाडी मेक्ल्ये , आना ते मांहाहा आगाडी वोदित आपिलू 7 त्याआ जागे थोडी हानू मासे पण ओते ; तिये आशीर्वाद आपित त्याहा पण मांहाहा आगाडी मेकुहू आज्ञा कोअयी 8 ते खात तृप्त होतगोयो गोये आना शिष्यांनी उरील्योओ तुकडावाही आरी सात टोपल्या पोईत विसित 9 आना माहे च्यार हजारोंओ आरी ओते , ताहा तिये त्याहा मोकल्ये, 10 आना तो लागेज आपाआ शिष्यांवाही आरी नावेपो सोडवीत दलमतुता प्रदेशाम निहित गोल्यो 11 फासाड़ी परुशी आवीत त्याआ आरी वाद -वाद कोहू लागाडीत , फासाड़ी त्याहा तोपासित पालीला याकोअता त्याआ त्यापोरोत होर्गाआ चिन्ह माग्ये 12 तिये आपाआ आत्म्यामे दुखी ओतगोल्यु लेत कोल्यो , "आव वेळेसचे माहे काहा? चिन्ह मागतले? आय तुम्हामे खोरो कोतलू का आव वेळेसचे माअहारोत याकोअता नाहा चिन्ह नाहा आपिलू जाइअलो" 13 आना तो त्याहा सोडीत फासी नावेपो सोडवीत बोहू आना तिवोल निहित गोल्यो 14 शिष्य रोटा लेई विहराइत गोये ओते , आना त्याआ पोओ एकुच भाकर ओती 15 तिये त्याहा जोतडाहि "पाला परुशियाहा खमीर आना हेरोदांआ खमिरापोरोत सावध रो " 16 ते आपसामेहे फूस कोअला लागाडीत "आमापोओ भाकर नाहा" 17 ओ होमजीत येशूने त्याहा कोल्यो , "तुमु काहा आपसामेहे ओ फूस कोईत होय , का आमच्याकडे रोटा नाहा? नाहाकोत ओमे पर्यंत तुम्हामे नाहा मोलुम नाहा होमजे? नाहाकोत तुमाआ मोन कठीण होतगोयो गोये होय ? 18 नाहाकोत डोआं ओमेत नाहा पालीत, आना कान ओमेत नाहा उनाईत ? आना नाहाकोत तुम्हामे स्मरण नाहा 19 का आय jओयो चोर हजारांकोअता पाच रोटा तोडीअते ओती ताहा तुमु तुकडाआ केतो टोपाली पोईत विशी तिये त्याहा कोल्यो , "बारा टोपल्या " 20 "आना ताहा च्यार हजारांकोअता सात रोटा लेदिओलो ताहा तुमु तुकडाआ केतो टोपल्या पोईत विसली?" त्याहा कोल्यो , "सातटोपल्या" 21 तो त्याहा कोल्यो ; "नाहाकोत तुमु ओमे पर्यंत होमज्ये नाहा?" 22 ते बथेसदामेहे आव्ये; आना माहे एक आंधलाहा लेत आव्ये आना त्याहा विनंती कोअयी का त्याहा स्पर्श को 23 तो तिया आंधलाआ आथे तोईत त्याहा गावोओ बारथे लेत गोल्यो आना त्याआ डोआम थुकीत त्याआपो आथे मेकअलू , आना त्याहा फ़ुस्ल्याआ "नाहाकोत तू किबी पालत्लू काहा? 24 तिये डोआं उगाडीत कोल्यो , "आय मांहाहा पालीत होय ; ते माहु सालतावाही साडोहोस देखात्ले" 25 तेहालाम तिये बिहरावारी त्याआ डोआपो आथे मेकअलू , आना आंधलाहा व्यवस्थित पहिल्यो हाजू पोयो आना आखे किबी स्पष्ट -स्पष्ट पालुहू लाग्यू 26 तिये त्याहा ओ आखीत कोआ मोक्ल्यीत, "आव गावोओ सेटे गुडू पण मेक चा नाहा" 27 येशू आना त्याआ शिष्य कैसरिया आना फिलीपिया आव गावून निहित गोये वाटेपो तिये आपाआ शिष्यांआ फ़ुस्ल्याआ, ''माहे माहु नाहाकोत कोतेहे?" 28 तिये उत्तर आपिलू, "योहान बाप्तीस्मा आपणारू, पण कोडु- कोडु एलिया आना कोडु -कोडु संदेष्टाहा मायत्यू एक होय एहलो कोतेहे" 29 तिये त्याहा फ़ुस्ल्याआ, परंतु तुमु माहु नाहाकोत कोतेहे?" पेत्राई त्याहा उत्तर आपिलू, "तू ख्रिस्त होय " 30 ताहा तिये त्याहा चेतावणी आपित कोल्यो का माआ विषयी ओ कोडोबी कोहू नाहा 31 कोईत तो त्याहा हिकाळूहोता लाग्यू का माहाहा पोऱ्याकोअता आवश्यक आग का तो जाअखो दु: ख सोसेल आना आबहू माहे आना प्राधान याजक, आना शास्त्री त्याहा तुच्छ होमजीत माईत नटाकेएने तो तीन दिहोम जिवंत उवे 32 त्याआ गोठी त्याहा खर खोरो कोत आप्यी आव याकोअता पेत्र आंगेज त्याही जात दटावू लाग्यू , 33 पोन तो फिरीत आपाआ शिष्यानकडे पालहु आना पेत्राहा दटावून कोल्यो , "ओ सैताणाआ, माआ आगलारोत सेटे जा; काहाके तू परमेश्वराआ गोठीपो नाहा, परंतु माहाहा गोठीमे मोन लागेहे " 34 त्याआ गोर्दी आपाआ शिष्यांवाही आरी जागे हादीत त्याहा कोल्यो , "जो कोडु माआ आरी आवी इच्छितात, तिये आपाआ त्याग कोईओलो आना आपाआ क्रूस विसित , माआ फासाडी आव 35 कोईत आपाआ जीव जो वाचाआडयो पालत्लू तो त्याहा वासाड़े, पण जो आणी मापो सुवार्ता प्रसार याकोअता आपाआ जीव टाकालू त्याहा तो वासाडे 36 जर मांहु आख्खा जगाला जिंकीते आना आपाआ आत्माआ नाश पोयो ताहा त्याहा नाहाकोत लाभ उवे 37 माहु आपाआ प्राणा बद्दल नाहाकोत आपे ? 38 जो कोडु व्यभीच्यारइ आना पापी जाती च्या माय माआ त्यापोरोत आना माआ गोठी त्यापोरोत बाले , मांहाआ पुत्र पण जेव्हा ते पवित्र दूताआ आरी आपाआ आबाहाआ ख्रिता आरी आवे , त्याआ पोरोत बालीलो".