7
ताहा फरुशी आना काही शास्त्र्यी जे यरूशलेमेहे रोत आये ओते त्याआ आहने टोलवात गोये 2 तिये पालील्यो का त्याआ किबी शिष्य अशुद्ध न तुवता तेहलूज रोटू कोईत होय 3 काहाके परुसी आना इतर आखे आगाडीकायाउड रीतीही अनुसरून आथे वारुई तुवल्याशिवाय रोटू कोईत नाहा 4 ऐहलेच बाजारामेरे लाव्येये तुवल्याशिवाय खायलो नाहा याहारको अनेक रूढी परंपरा ओतु त्याआ ते पालीत कोईत एहलो जेहलो घागरी पितलेए बासने तुविलो 5 याहोस परुश्यांहि आना धर्मशास्त्री इये येशुहू फ़ुस्ल्याआ, तुमाआ शिष्य डायामाटी पालीत काहा कोईत नाहा? परंतु आपाआ रोटू आथे न तुवता आविलो खातले 6 येशु त्याहा कोल्यो , तुम्हाआ ढोंगकोणारो यशयाहि हाजलीज भविष्य वाणी कोअयी होय जेहलो लेखिलो होय , 'ओ माआ सन्मान फक्त ओठेवाही कोअता परंतु त्याआ मने मापोरोत सेटे होय 7 ते व्यर्थ माआ उपासना कोअता काहाके जे शास्त्र कोईत जे हिकत्ले ते रोतेहे मांहाआ नियम 8 तुमु परमेश्वराआ आज्ञा सेटे मेकल्यी होय आना तुमु माहांआ परंपरा ची मदत लेदि होय 9 तिये त्याहा कोल्यो , तुमु परमेश्वराआ आज्ञा सेटे कोईलाकाज जास्तीज चतुर उवे होय यकोअता का तुमु आपाआ रूढी परंपरा स्थापना कोहू शकहू 10 दाखलाकोजे मोशेई कोल्यो , 'आपाआ माय-बापाचा सन्मान को' आना जे कोडु आपाआ माय-बापाचा सन्मान कोईत नाहा त्याहा डीलुम शिक्षाम कोईली 11 पोन तुमु कोआ जर एगदू आपाआ आबहाहा आपाआ आयहीही कोल्यो का जे आय तुम्हामे पोषणाकोअता आपिलो ते कुर्बान म्हणजे अर्पण कोल्यु होय 12 ताहा तुमु आपाआ आबाकोआता किंवा आयहिकोअंता आगाडी किबी कोहू आपित नाहा 13 एह्लाप्रमाणे तुमु आपाआ संप्रदाय चालीलो मेकीत देवोओ वचन रद्द कोअता आना याहोस फासी खूप गोठी कोअता 14 आना माहुगोदीही फासी हादीत कोल्यो, तुमु आखे जोओ माआ उनाआ आना होमजीत ल्या 15 बारथेरोत माहुहु विसमे जात त्याहा भ्रष्ट कोईत एहलो नाहा ताहा माहुहु मायरोत जे निह्तले तोच त्याहा भ्रष्ट कोअत्लू 16 जर एखाआ होमलीला कान ओय ते होमलीत लेय . 17 तो माहुंगोर्दी निहित कोआ गोइत्लुताहा त्याआ शिष्यांनी त्याहा तियाअ दाखल्याविषयी फ़ुस्ल्याआ 18 तो त्याहा कोल्यो , तुमु त्याहाभी एवडे आनजाड्यू होय का नाहाकोत? जे किबी बारथेरोत माहुहु विसमे जाहो ते त्याहा नष्ट कोहू शकत नाहा ओ तुम्हामे होमाजाडीत नाहा नाहाकोत? 19 काहाके ते त्याआ अंतकरणाआ नाहा ताहा ते पोटाम जाहो आना संडासोमेरोत बारथे पोडत्ल्ये एहलो रीतीवाही तिये आखे प्रकारोअओ ओन शुद्ध ठेरव्यो 20 फासी तो त्याहा कोल्यो , जे माअहोमारोत बारथे निह्तले तोच माहुंहु भ्रष्ट कोअते 21 काहाके मायरोत म्हणजे मांहुंहु अंतकरणामारोत वाईट विचार नीहित्ले 22 जारकर्मे, चोऱ्या, खून , व्यभिचार, लोभ , दुष्टपणा, कपट, कामातुरपणा, निंदा , गाई गाळी, अहंकार मूर्खपणा 23 याआ आखे वाईट गोठी मायरोत बारथे नीहित्ले आना माहुंहु अशुद्ध कोअतली 24 फासी येशूने ते स्थान सोडये आना सोर प्रांतात गोल्यो तिंही तो उनाआ कोअमे गोल्यो ओ कोडाआ कोड्वो कायना एहलो त्याआ मोनामे ओते तेबी त्याहा गुप्त रोहिलो शक्य नाहाआत्लू 25 पोन जिया हानू पोरीही अशुद्ध आत्माआ लागल्यो ओतु एहलो उनाआ स्त्रीने त्याविषयी लागेज उनाअयो आना तीवयी आना त्याआ गुडू पोड्यी 26 ती बोयोआ हेल्लेणी ओमेत सुरफुनुकी जातीइ ओती तीही त्याहा विनंती कोअयी का माआ पोऱ्यीमरोत अशुद्ध आत्माआ काढीत 27 तो तीही कोल्यो , पोऱ्याहा तृप्त ओवुहू आप , काहाके पोऱ्याआ भाकर लेत कोओहो कुत्र्याआ टाकिलो ठीक नाहा 28 फासाड़ी तीही त्याहा उत्तर आपिलू, खोरो होय महाराज, तेबी कोओहु हुणेभी मेजाणीसे पोऱ्याआ आथे पोडीतरोल्यु चुरा खातले 29 तो तीही कोल्यो , तांआ कोईओलो गोमे , जा ताआ पोऱ्यीमरोत अशुद्ध आत्माआ निघाल्यू होय 30 फासाड़ी ती आपाआ कोआ गोयी, तेहालाम पोरीही आथरील्यापो टाक्ये होय आना अशुद्ध आत्माआ तीयीमोरोत निहित गोये होय एहलो तीही आढळून आव्ये 31 फासाडीनंतर तो सोर भागुम निघाल्यू आना सिदोनापोरेत दकापलीस प्रांतातून गालील समुद्राहि फासी आवयू 32 तेहालाम माहु उनाआ बोयरा बोबड्या माहुंहु त्यांही लेतआवीत आपु ह्यापो आथे मेका एह्ली त्याहा विनंती कोअयी 33 तेहालाम तिये त्याहा मांहुपोरोत एकीकडे लेतजात त्याआ कानोम आंगी लेदि आना थुंकीत तिये त्याआ जीभेहे स्पर्श कोल्योओ 34 आना उपो स्वर्गामेहे पालीत तिये श्वास लेदो आना कोल्यो, इफ्फाथाआ, म्हणजे मोकलु होय 35 तेहालाम त्याआ कान मोकले उवे आना त्याआ जीभी बंद लागीगोयो हुटोत तो स्पष्ट गोगू लाग्यू 36 तेहालाम ओ कोडाआ ओ कोड्वो कायना एहलो तिये त्याहा निक्षून कोल्यो ; परंतु तो त्याहा जेहलो कोल्यो गोल्यो तेहलूज ते जाहाकोज ओ जाहीर कोईत गोये 37 आना ते अतिशय थक्क ओतगोल्यु कोल्यो , तिये आखे किबी हाजो कोल्यु होय , ओ बोयराहा उनाइलि आना मुकाहा गोगीला शक्ती आपोहो.