5
ते खाड़ी ही पार कोईत गरसेकराआ देसोमेहे पोचीत गोये 2 येशु जाहा नावामोरोत उतरीलो आना बारथे आवीत ओतलू एक अशुद्ध आत्माआ लागल्यो माहाहू त्याहा मिल्यू 3 तो कबराम रोत ओतु आना त्याहा हाकलदंड त्याहाभी बांधीत मेकिलो शक्य नाहाआत्लू 4 काहाके त्याहा खूप टायमोआ बेडीवाही आना हाकलदंड बानदल्यो ओतलू ए तिये हाकुलदंड तोडीत टाक्ये ओते , आना बेड्याआ तुकडे -तुकडे कोल्यु ओते त्याहा कोडु ए बाधीअलो शकत नाहाआत्लू 5 तो कायम रात दीही कबरोमे आना डोंगामोरोत आअडित एहलो आना डोणो डोनोवांही आपाआ डील खेचीत लेत एहलो 6 येशु ला सेटोरोत पालताज तो धावून आवयू, आना त्याआ गुडू पोडीत 7 आना जोरेज आयडीत कोल्यो , ओ येशु महान देवाच्या पोऱ्या, तू माय काहा पोडत्लू? आय ताहु देवाची शपथ घेऊन कोतलू, माहु छळू नाहा 8 काहाके तो त्याहा कोल्यो , अरे, अशुद्ध आत्मू आव माअहोमारोत निह 9 तिये त्याहा फ़ुस्ल्याआ, तांआ नाव नाहाकोत होय ? तिये उत्तर आपिलू माआ नाव सैन्य , काहाके आमुहू खूप होयेत ; 10 आना आमुहू आव देशोमेरोत कालीत नाहा एह्ली तो आग्रहावाही त्याहा विनंती कोहू लाग्यू 11 तिंही डोगोओ किनारोपे डुकरांआ एक वोडू टोलु चारते ओते 12 तेहालाम पुतोओ त्याहा विनंती कोअयी का आमुहू तियाअ डुकराम फोइलो कोईत आमुहू आद्न्या आप 13 फासाड़ी तिये त्याहा परवानगी आप्यी ; तेहालाम ते अशुद्ध आत्मे निहित डुकराम रीग्ये आना तो सुमारे बेन हजार डुकरांआ गोठाआ गुगदीत जात काटोपोरोत समुद्रामेहे पोडीत बुडीत मोइत गोयी 14 डुकरे चारनारे नाह्ये नगर आना गावोमेहे जात ओ वर्तमान कोल्यो तेहालाम नाहाकोत उवे ओ माहे पालीलाकोअता आव्ये 15 ते येशुआरी आव्ये आना पालील्यो का जो माहुहू ज्यापो अशुद्ध आत्माआ लागल्यो ओतु आगडे कालीत शुद्धीपो आवल्यु देखायू आना त्याहा बीइलो लागी 16 जिये ए घटना पेल्ली तिये पूतओतूत्या नाहाकोत उवे ते आना हूवराबद्दल आखे माहिती कोल्यी 17 आना ते त्याहा विनंती कोअई का तू इहीरोत निहित जा 18 आना फासी जेव्हा येशु नावेपो चोडिलो ओतु तेहालाम ज्या व्यक्तीम अशुद्ध आत्माआ ओतु तो माहहू येशुहू कोल्यो , आना विनंती कोहू लाग्योकी माहु तुम्हाआरी आवहू आपिलो 19 फासी येशु त्याहा आपाआरी घेऊन जॉहु नाहाकोत कोअयी त्याहा कोल्यो , आपाहाच माहुंमे कोआ जा, आना त्याहा आखे कोअलो जे देवूही ताकोअता कोल्यु होय आना त्याहा ओ पोन कोअलो का देवूही तापो दया केहली कोअयी 20 तेहालाम तो निघाल्यू आना येशूने जे वोडी काम त्यांकोअता कोअयी ओती ती दकापलीस भागुम जाहीर कोहू लाग्यू ; तेहालाम आख्येज आश्चर्य वाटेम 21 फासाड़ी येशु नावूमे बोहित फासी गोइत्लुताहा त्याजागे माहुहु वोडू जमाव आवयू तो समुद्राआरी ओतु 22 आना याईर नावाआ सभास्थानआ एक अधिकारी आवयू, आना त्याहा पालीत तिया गुडू पोडीत 23 तिये आग्रहावाही त्याहा विनंती कोअयी का माआ हानी पोऱ्यी मोईलाकाजे टेकाडयी होय तीही हाजो ओतगोल्यु जिविलो कोईत आपु आविलो तीपो आथे मेकीलू 24 ताहा येशु त्याआरी नीह्यू ; आना खूप माहे त्याफासाडी जातले ओते आना त्यापुरोत गोर्दी एती का पोडीत जाय 25 आना तिंही रक्तस्रावाने बारा वर्ष एक बोयोआ ओती 26 तीही आख्याज वैद्याआ आथे खूप हाल सहित आपआरी जे ओते नाहाआत्लू ते आखे खर्चित टाक्ये ओते तेबी तीही हाजो लाग्यो नाहा पोन आजार वोदते रोयु ओतु 27 जाहा तीही येशूविषयी उनाअयो ताहा ती गर्दीमे त्याफासाडी आवयी आना त्याआ आगडाआ गोंडाहा स्पर्श कोअली 28 काहाके ती कोयो ओती, केवळ त्याआ आंगडांहा स्पर्श कोल्योओ तेबी हाजी उवे 29 आना लागेज तिई रोक्तो वोहीलो बोंद ओत गोयो आना ती आपाआ डीलामेहे जाईत लेदी का आय ती बीमारीमेहे रोत हाजी ओत गोई . 30 आपापाय शक्ती निहथी होय ओ येशुई आपाआ त्यहा लागेज ओलखे आना गर्दीमे वोलीत कोल्यो, माआ फाडाकाआ कोडु हिविलो? 31 त्याआ शिष्य त्याहा कोल्यो , माहे जमाव आपआरी गोर्दी कोईत होय ओ आपु पालता तेबी आपु कोआ कोडू माहु हिविलो? 32 फासाड़ी जीयी ओ कोल्यु ओते तीही पालीलाकोअता सभोवार पालील्यो , 33 तेहालाम ती बोयोआ आपाआ बाबतीम जे किबी घोडये ते जाईत बीत आना कापीत त्यांही आवयी आना त्याआ गुडू पोडीत तीही त्याहा आखे खोरो -खोरो जे घोडये ते कोल्यो , 34 तो तीही कोल्यो , पोयरयी, ताआ विश्वासा ताहु हाजो कोल्यु होय ; शांतीई जा ताआ पिडपोरोत मुक्त होय 35 तो बारथे ओतु एतांम यहुदी सभास्थानाच्या अधिकाऱ्याआ कोअहीरोत किबी मांहे आवयी आना त्याहा कोल्यो , आपाआ पोऱ्यी मरण पाव्यी ओमे गुरुजींना त्रास काहा आपिलो 36 पोन येशु त्याआ गोगीलाही लक्ष्य न आपिलो सभास्थानाच्या अधिकाऱ्याआ कोल्यो , भिईलो नाहा विश्वास पोन तो 37 तिये पेत्र याकोब, याकोबाआ पाही योहान याआशिवाय कोडोबी आपाआरी आवहू आपिलू नाहा 38 फासाड़ी ते सभास्थानाच्या अधिकाऱ्याआ घराजवळ आवेताहा ओक्साबोक्शी रोडनारे आना आकांत कोअनारे यांआ गोधळ जानारू तिये पल्यो 39 तो विसमे जात त्याहा कोल्यो , तुमु काहा गोधळ कोअता आना रोडता? पोऱ्यो मोअये नाहा निंदोम होय 40 तेहालाम ते ओहुहू लागाडीत ; पण तिये तियाअ आखाहा बारथे मोकलित आपिलू आना पोऱ्यीइ आयहिआबुहु आना आपाआरीई मांहे घेऊन पोऱ्यी ओती तीइही ते गोये 41 फासाड़ी पोऱ्यीइ आथ तोईत तो कोल्यो , तीलीमा कुम; याआ अर्थ पोयरयी आय ताहु कोतलू उठ 42 आना लागेज ती पोऱ्यी उठित चालीलो लागीई; काहाके ती बारा वर्षाची ओती तेहालाम ते लागेज आश्चर्य चक्कित उवे 43 ऐ कोडाआ मुंदुपोडता कामा कायना एह्ली तिये त्याहा निक्षून आज्ञा कोअयी फासाड़ी त्याहा कोल्यो का यीही खांहु किबी आपिलो.