Yɩɩ lɛ̀ɛ̀ kənu gwaran
12
1 Kʋ máŋá tə wa, á wá swɩ̀n, á wʋ́:«Nə bwɩ n nə, Ba-Yígúrə́-Jə-Tiu!
Cɩ́gá, n lɩŋa yà zàn nə yuu wa,
yá tə pìí tə tʋ, n ga kòrì nəba.
2 Nə̀ń, Yɩɩ yɩ nə jonu,
nə jələ ʋ yuu wa, yá fən ba nəba jə.
Cɩ́gá, Yuu-Tiu Ba-Yígúrə́-Jə-Tiu yɩ nə dɩ̀àn,
yá ʋ mʋ̀ nə nə, nə bwɩ.
Ʋ mʋ̀ nə yɩ nə jonu.»
3 Á wá tan nɩ́á də pupwən
jonu nabuliyɩa tə wa.
4 Kʋ máŋá tə wa, á wá swɩ̀n, á wʋ́:
«Á bwɩa Ba-Yígúrə́-Jə-Tiu nə,
á boŋə á kə ʋ yɩrɩ tə nə,
á swɩan ʋ tʋtʋnfaran tə yoo,
á bɩrɩ lʋʋ dwíə́ tə wa,
á lìə́ ba də ʋ yɩrɩ tə jə dun.
5 Á bwɩa Ba-Yígúrə́-Jə-Tiu nə!
Cɩ́gá, ʋ tʋn yìə̀n tə nə jə fɩra,
yá kʋ mɛ sə ba swɩ̀n tə
ba bɩrɩ tɩa yuu mama wa!»
6 Siyon* tɩ̀án-ba, á jwɩa,
á ga mà pupwən cə̀rí!
Cɩ́gá, Yɩzərayɛlə Yɩɩ tə nə yɩ parɩ*,
ba kamandon jə, á titəŋi wa!