4
1 Kʋ máŋá tə wa,kana barpɛ wá ja bɛɛ nədʋ,
ba swɩ̀n ʋ con, ba wʋ́:
«Nə tətə wá pɩ̀à nə nii wodiu,
də nə yɩra gànàn nə tɩ̀àn nə.
Nə dàń nə lòrì mʋ́,
sə n yá sə nə ya n kana cɩcɩ,
nə dàn ká də́ cavɩra!»
Zwerizalɛmə tɩ̀án gɩganɩ tə yoo
2 Kʋ máŋá tə wa, Ba-Yígúrə́-Jə-Tiu wobiu tə nə pɛ́n kʋ nan wá ja fɩra də dun, yá lʋʋ nii tə wiən lənə wá pa Yɩzərayɛlə lɩ̀à gɩganɩ tə pìí ba na dun də bʋra. 3 Yá ba wá ja lɩ̀à tə nə wá ga Siyon* tɩʋ tə wa, də lɩ̀à tə nə wá ga Zwerizalɛmə wa, ba ma bon lɩ̀à tə ba nə yɩ Yɩɩ cɩcɩ nə tɩ. Mə ba mʋ̀ nə ga Zwerizalɛmə wa, Ba-Yígúrə́-Jə-Tiu nə pʋ́pʋ́nɩ́ ba mama yɩra ʋ mɩɩ sagɩ tə wa. 4 Kʋ wá ya nətʋ, máŋá tə wa, Ba-Yígúrə́-Jə-Tiu nə wá ja ʋ bʋra vʋʋ tə, də mənvwə, ʋ ma kwɛn Siyon bwɩ̀ɩ́ tə durən ʋ lɩ, ʋ ga sɩ̀n jana tə nə lwá Zwerizalɛmə wa. 5 Kʋ kwa nə, ʋ dàń wá fwa bakwan də fun yɩcaʋ wa, ʋ ga fwa mənvwə ka nə jə poni tɩtɩn nə, ʋ kə Siyon paan tə yuu mama wa, də ʋ púlə́ tə mama wa, tə nə kun duən nə lá. Cɩ́gá, Ba-Yígúrə́-Jə-Tiu dun tə wá pú won mama yuu nə, ndə pon nə. 6 Kʋ wá ya ndə vuun nə, kʋ kə ywárɩ́, kʋ ma cɩ̀ yɩcaʋ bárɩ́ nə, kʋ ga ya yuu yikwala də yisəgə bwálɩ́, kʋ cɩ̀ dwavʋʋ də dwà nə.