Yongaʋ lɩ̀à tə càn yoo
137
1 Nə nə lìí Siyon* tɩʋ tə yoo, nə jə̀ń Babɩlɔnə mʋnɛɛ tə nii nə, nə kwi.
2 Nə goli nə banan tə,
tɩ̀án tə nə tə nə wulə lá.
3 Mə lá nə, lɩ̀à tə nə dí dɩ̀àn nə yuu wa,
lòrì nəba sə nə nun gwaran,
yá ba mʋ̀ lɩ̀à tə nə fɩfɩn nəba lòrì nəba,
sə nə nun pupwən gwaran:
«Á nuŋə Siyon nuŋə tə don á bɩrɩ nəba!»
4 Yá nətə nə, nə wá nun Ba-Yígúrə́-Jə-Tiu nuŋə,
tɩa wa ka nə yɩ dwíə́ nəkaran* tɩa?
5 Zwerizalɛmə, à nə swɛ̀ɛ́ n yoo,
sə à jɩzən tə swɛ̀ɛ́ à yoo!
6 À nə kʋ́ʋ̀ ba n yoo lìí,
Zwerizalɛmə nə kʋ́ʋ̀ tà à təntən pupwən yoo,
sə à nəndəli marɩ à nipaa wa!
7 Ba-Yígúrə́-Jə-Tiu, lìí yoo tə Edomə tɩ̀án nə swɩ̀n,
Zwerizalɛmə lɛɛ tə dɩɩn nə!
Ba swɩ̀n, ba wʋ́: «Á gwɛra kʋ,
á gwɛra kʋ à cú á ja kʋ dəkuu nə!»
8 N mʋ̀ Babɩlɔnə tɩʋ tə, ba wá cʋ̀gʋ̀ n də!
Pupwən lɩ̀à nə yɩ lɩ̀à tə nə wá ŋwɩ́n
yolwan tə n nə tʋn nə yɩra jɩŋɩ, n yɩra!
9 Pupwən lɩ̀à nə yɩ lɩ̀à tə nə wá ja n bɩ̀á tə,
ba tɩtaga pɩʋ yuu wa!