Ba-Yígúrə́-Jə-Tiu wulə máŋá mama wuuu
136
1 Á bwɩa Ba-Yígúrə́-Jə-Tiu nə, cɩ́gá, ʋ ziən,ʋ wʋywaŋʋ* tə ga wulə máŋá mama wuuu!
2 Á bwɩa yɩa tə mɛ Yɩɩ tə nə,
cɩ́gá, ʋ wʋywaŋʋ tə wulə máŋá mama wuuu!
3 Á bwɩa yuu-tɩan tə mɛ Yuu-Tiu tə nə,
cɩ́gá, ʋ wʋywaŋʋ tə wulə máŋá mama wuuu!
4 Ʋ mʋ̀ cɩcɩ nə fwa yomɩlan nəfaran,
cɩ́gá, ʋ wʋywaŋʋ tə wulə máŋá mama wuuu!
5 Ʋ mʋ̀ nə ja pubʋŋa, ʋ ma fwa lanworu tə,
cɩ́gá, ʋ wʋywaŋʋ tə wulə máŋá mama wuuu!
6 Ʋ mʋ̀ nə larɩ tɩa tə, ʋ pú nɩ́á tə yuu nə,
cɩ́gá, ʋ wʋywaŋʋ tə wulə máŋá mama wuuu!
7 Ʋ mʋ̀ nə fwa lanworu tə wa wiən nəfaran tə nə jə poni,
cɩ́gá, ʋ wʋywaŋʋ tə wulə máŋá mama wuuu!
8 Ʋ fwa yɩcaʋ tə, sə kʋ ya lá, tɩpʋrɩ wa,
cɩ́gá, ʋ wʋywaŋʋ tə wulə máŋá mama wuuu!
9 Ʋ ga fwa cànà tə, də kacɩlacɛɛ tə, sə tə ya lá, tɩtɩn nə,
cɩ́gá, ʋ wʋywaŋʋ tə wulə máŋá mama wuuu!
10 Ʋ mʋ̀ nə mà Ezwipətə tɩ̀án bikwɩna tə, ʋ gʋ,
cɩ́gá, ʋ wʋywaŋʋ tə wulə máŋá mama wuuu!
11 Yá ʋ pɩn Yɩzərayɛlə lɩ̀à tə nan, ba yá Ezwipətə lʋʋ nii tə,
cɩ́gá, ʋ wʋywaŋʋ tə wulə máŋá mama wuuu!
12 Ʋ jɩɩn dɩ̀àn, də ʋ vagoo nə, ʋ ma tʋn kʋ nətʋ tə,
cɩ́gá, ʋ wʋywaŋʋ tə wulə máŋá mama wuuu!
13 Ʋ mʋ̀ nə pwɛ̀ Mɩncanɩ mʋʋ tə nɩ́á duən wa, bələ,
cɩ́gá, ʋ wʋywaŋʋ tə wulə máŋá mama wuuu!
14 Yá ʋ pɩn Yɩzərayɛlə lɩ̀à tə twá pwɩ̀ʋ̀ tə wa, ba lɛ,
cɩ́gá, ʋ wʋywaŋʋ tə wulə máŋá mama wuuu!
15 Yá ʋ yigu pɩ̀ʋ́ Farawon* mʋ̀,
də ʋ kwatara tə mɛ ʋ dɩ Mɩncanɩ mʋʋ tə wa, ʋ gʋ,
cɩ́gá, ʋ wʋywaŋʋ tə wulə máŋá mama wuuu!
16 Ʋ mʋ̀ nə yɩn ʋ lɩ̀à tə yáá, kasɔɔ lanworu tə wa,
cɩ́gá, ʋ wʋywaŋʋ tə wulə máŋá mama wuuu!
17 Ʋ mʋ̀ nə mà pɛ̀gá nəfaran, ʋ gʋ,
cɩ́gá, ʋ wʋywaŋʋ tə wulə máŋá mama wuuu!
18 Ʋ mʋ̀ nə gʋa pɛ̀gá, ba nə jə dun,
cɩ́gá, ʋ wʋywaŋʋ tə wulə máŋá mama wuuu!
19 Ba mʋ̀ nə yɩ Sihon, ʋ nə yɩ Amɔrə dwíí tə pɩ̀ʋ́,
cɩ́gá, ʋ wʋywaŋʋ tə wulə máŋá mama wuuu!
20 Də Ogə, ʋ nə yɩ Baswan pɩ̀ʋ́,
cɩ́gá, ʋ wʋywaŋʋ tə wulə máŋá mama wuuu!
21 Yá ʋ jon pɛ̀gá təntə lʋʋ nii tə,
ʋ pa Yɩzərayɛlə lɩ̀à tə nə, sə kʋ ya ba tori,
cɩ́gá, ʋ wʋywaŋʋ tə wulə máŋá mama wuuu!
22 Ʋ pɩn kʋ Yɩzərayɛlə lɩ̀à tə nə,
ba nə yɩ ʋ tʋ̀tʋ̀nà, sə kʋ ya ba tori,
cɩ́gá, ʋ wʋywaŋʋ tə wulə máŋá mama wuuu!
23 Máŋá tə wa, ba nə fʋfʋlɩ nəba,
ʋ mʋ̀ nə bʋ́n nə yoo,
cɩ́gá, ʋ wʋywaŋʋ tə wulə máŋá mama wuuu!
24 Ʋ jon nəba, lɩ̀à tə jɩɩn wa, ba nə fɩfɩn nəba,
cɩ́gá, ʋ wʋywaŋʋ tə wulə máŋá mama wuuu!
25 Ʋ mʋ̀ nə pɩn wodiu wonəŋu mama nə,
cɩ́gá, ʋ wʋywaŋʋ tə wulə máŋá mama wuuu!
26 Á bwɩa Yɩɩ tə nə, ʋ nə wulə lanworu tə wa,
cɩ́gá, ʋ wʋywaŋʋ tə wulə máŋá mama wuuu!