Kwirə tə nə pìí tə jì pupwən
126
1 Gwaran ba nə nuŋə ba ja dɩ̀ Ba-Yígúrə́-Jə-Tiu dìə̀ tə wa.
Máŋá tə Ba-Yígúrə́-Jə-Tiu nə ja Siyon tɩ̀án tə,
ba yà nə ja va yongaʋ, ʋ pìí ʋ bà,
kʋ yɩn ndə pandwɩa nə, kʋ pa nəba.
2 Nə nii dàń súə́ də mʋmʋn,
nə ga mà pupwən cə̀rí.
Yá ba dàń swɩ̀n dwíə́ nəkaran* tə wa, ba wʋ́:
«Ba-Yígúrə́-Jə-Tiu tʋn yofaran ʋ pa ba!»
3 Ba-Yígúrə́-Jə-Tiu cɩ́gá tʋn yofaran, ʋ pa nəba,
kʋ pa nə wulə pupwən nəfarʋ wa.
4 Ba-Yígúrə́-Jə-Tiu, pìí ja nə lɩ̀à tə ba nə ja va yongaʋ, n bà,
ndə nacorən nə, Negɛbə kasɔɔ lanworu tə wa.
5 Lɩ̀à tə nə dwì wiən də ba kwi yɩnɩa,
wá mà pupwən cə̀rí, ba ma ca tə.
6 Lìù tə nə ja wodwii ʋ vələ sə ʋ dù, də ʋ kwi,
ʋ wá pìí ʋ zɩn mɩna ʋ ja bà, də ʋ mà pupwən cə̀rí.