Gwaran 127

Ba-Yígúrə́-Jə-Tiu nə wàá yoo ʋ kwɛn

1 Gwaran ba nə nuŋə ba ja dɩ̀ Ba-Yígúrə́-Jə-Tiu dìə̀ tə wa. Salʋmʋn gwaran.

Ba-Yígúrə́-Jə-Tiu nə wà dìə̀ lwè,

lɩ̀à tə nə lwè ka, yɩ ba tʋŋa tʋtʋ.

Ba-Yígúrə́-Jə-Tiu nə ba tɩʋ yuu ywàŋá,

lɩ̀à tə nə ywàŋá kʋ yuu,

yɩ ba kwɛ̀ ba yɩ́á dwiən nə tʋtʋ.

2 Á nə zaŋa jɩjʋ fuən fuən,

á ga pə̀ní tɩtɩkwɩʋn nə,

yá á də́ càn á ma na á nii wodiu tə, yɩ tʋtʋ.

Ba-Yígúrə́-Jə-Tiu yàá pa kʋ yiri,

lìù tə nə ʋ nə swə,

yá kʋ tíú mʋ̀ dwɛ̀ ʋ swí.

3 Bɩ̀á yɩ tori, Ba-Yígúrə́-Jə-Tiu yàá nə pa,

yá dwíí yɩ lɩra ŋwɩ́rán.

4 Zandʋan bɩ̀á yɩ ndə cɩan nə,

kwatarʋ babɩa jɩɩn wa.

5 Pupwən lìù nə yɩ bɛɛ tə ʋ cwan nə súə́!

Ʋ bá də́ cavɩra,

də ʋ nə mɛ sə ʋ jeri ʋ dʋŋa tɩʋ tə bʋra bʋrʋ bwálɩ́ nə.