Lɩ̀à tə nə jələ Yuu-Tiu yuu wa
125
1 Gwaran ba nə nuŋə ba ja dɩ̀ Ba-Yígúrə́-Jə-Tiu dìə̀ tə wa.
Lɩ̀à tə nə jələ Ba-Yígúrə́-Jə-Tiu yuu wa,
yɩ ndə Siyon paan tə nə!
Ka ba vuvugə, ka ga wulə máŋá mama wuuu.
2 Pɛɛn kɩkarɩ Zwerizalɛmə tɩʋ tə,
yá mə nətʋ Ba-Yígúrə́-Jə-Tiu kɩkarɩ ʋ lalʋʋ tə,
kʋ nə mɛ zə̀n, kʋ ja vələ máŋá mama wuuu.
3 Pɩ̀ʋ́ wʋlʋnyiən bá də́ pàrɩ̀ cɩ́gá tɩ̀án yuu wa,
sə cɩ́gá tɩ̀án dàn ká twá ba tʋn yogugwələn.
4 Ba-Yígúrə́-Jə-Tiu, fwa zəni lɩ̀à tə yɩra
ba nə yɩ ləzwənzəŋə, ba bɩcanɩ ga yɩ mənəmənə.
5 Yá n mʋ̀ Ba-Yígúrə́-Jə-Tiu dàń dɩŋa lɩ̀à tə
nə tì coŋi gugwələn, də yolwafwana tə mʋ̀.
Yɩɩ wá pa bɩcan sìə́ ya Yɩzərayɛlə wa!