Máŋá tə Yɩzərayɛlə lɩ̀à nə nan Ezwipətə
114
1 Máŋá tə Yɩzərayɛlə lɩ̀à nə nan Ezwipətə,Zwakɔbə dwíí tə nə nan dwíí nəkaʋ tə wa,
2 Zwida lʋʋ nii tə jìgə̀ Ba-Yígúrə́-Jə-Tiu wúlú bwálɩ́,
Yɩzərayɛlə lʋʋ nii tə ga jì ʋ payuu.
3 Mʋʋ tə nɩ ba, kʋ ga dəri,
Zurədɛn mʋnaa tə nɩ́á pìí tə va kwa.
4 Pɛɛn fan ndə pabɩran nə,
dudwələn ga fan ndə bʋbii nə.
5 Mʋʋ, bɛ̀ɛ̀ nə pɩn n dəri?
Zurədɛn mʋnaa, bɛ̀ɛ̀ nə pɩn n nɩ́á pìí tə kə tə kwa?
6 Pɛɛn, bɛ̀ɛ̀ nə pɩn á faŋa ndə pabɩran nə?
Á mʋ̀ dədwələn tə, bɛ̀ɛ̀ nə pɩn á faŋa ndə bʋbii nə?
7 Tɩa, vɩvaga Yuu-Tiu yáá con,
Zwakɔbə Yɩɩ tə yáá con.
8 Ʋ mʋ̀ nə lwànɩ́ pɩ̀ʋ̀, ʋ pɩn kʋ jì càrʋ́,
kapacɩnʋ ga jì nabuliyii.