Yuu-Tiu lwànɩ́ yìə̀n, ʋ pɩn tə yanɩ zəni
113
1 Á bwɩa Ba-Yígúrə́-Jə-Tiu nə!Á mʋ̀ Ba-Yígúrə́-Jə-Tiu tʋ̀tʋ̀nà tə, á bwɩa,
á bwɩa Ba-Yígúrə́-Jə-Tiu yɩrɩ tə nə!
2 Ba bwɩa Ba-Yígúrə́-Jə-Tiu yɩrɩ tə nə,
kʋ nə mɛ zə̀n, kʋ jə vələ máŋá mama wuuu!
3 Kʋ nə zɩgɩ yɩɩ yipɩan kʋ va kʋ yí yɩɩ yizwɩa,
ba mama bwɩa Ba-Yígúrə́-Jə-Tiu yɩrɩ tə nə!
4 Ba-Yígúrə́-Jə-Tiu wulə dwíə́ tə mama yuu wa,
ʋ dun tə ga wulə lanworu tə yuu con.
5 Wàà nə yɩ ndə nə tíú Yɩɩ, Ba-Yígúrə́-Jə-Tiu nə?
Ʋ jə̀ə́ lanworu tə yuu con, ʋ də́ pàrɩ̀,
6 ʋ ga guni, ʋ ywàŋá
lanworu tə də tɩa tə.
7 Ʋ yàá van labwanʋ ʋ zɩ̀n tɩa pùrú wa,
ʋ ga pìí ʋ zɩ̀n zʋrʋ pùrí yuu,
8 ʋ pa ba jə̀ń də pàbɩ̀á,
ba jə̀ń də ʋ lɩ̀à tə pàbɩ̀á.
9 Ʋ pɩn kadɩŋʋ na barɩ dìə̀,
ʋ ga jì bɩ̀á nuu tə nə jə pupwən, ʋ bɩ̀á titəŋi wa.
Á bwɩa Ba-Yígúrə́-Jə-Tiu nə!