Pupwən lìù yoo
112
1 Á bwɩa Ba-Yígúrə́-Jə-Tiu nə!Pupwən lìù nə yɩ lìù tə nə dəri Ba-Yígúrə́-Jə-Tiu fən,
ʋ ga swə Ba-Yígúrə́-Jə-Tiu yìə̀n tə,
ʋ nə pɩn nii tə yuu wa!
2 Ʋ dwíí wá ja dɩ̀àn lʋʋ nii tə wa.
Yɩɩ wá fwa zəni lɩ̀à tə mama yɩra,
ba nə yɩ mənəmənə.
3 Kʋ tíú jə wiən də jɩjə,
ʋ ga wulə cɩ́gá cwəŋə wa, máŋá mama.
4 Poni yàá pɩ̀rɩ̀ yikunu, kʋ pa lɩ̀à tə nə,
ba nə yɩ mənəmənə, də pubwanʋ tíú nə,
də lìù tə nə dəri lɩ̀à yinəgə nə, də cɩ́gá tíú nə.
5 Kʋ ziən sə lìù ya pubwanʋ tíú,
ʋ pɩn jɩŋɩ lɩ̀à nə,
ʋ ga tʋŋa ʋ yìə̀n, ʋ pɩn tə tì cɩ́gá cwəŋə!
6 Cɩ́gá, won mama bá wànɩ́ wá kʋ vuvugu!
Ba wá lìí cɩ́gá tíú yoo máŋá mama.
7 Ʋ ba ŋwɛn tə nə lwara dəri,
ʋ waa dà, ʋ ga jələ Ba-Yígúrə́-Jə-Tiu yuu wa.
8 Ʋ bɩcan ba vuvugə, yoo mama fən ba wá jə,
yá kʋ yígúrə́ wa, ʋ wá jəri ʋ jarɩduən də wʋdɩʋ.
9 Ʋ tʋŋa zìlə́ zənzən zʋra yɩra,
ʋ wulə cɩ́gá cwəŋə wa, máŋá mama,
ʋ dɩ̀àn súrí, ʋ ga jə dun.
10 Wʋlʋnyiən yàá na kʋ nətʋ tə, ʋ lɩŋa ga zàn,
kʋ yɩ̀ wá, ʋ ga dɩŋɩ ʋ yelə.
Wʋlʋnyɩna fɩra yoo yàá nyʋn lá.