Nə yɩ Yɩɩ lɩ̀à
100
1 Yɩɩ lɛ̀ɛ̀ kənu gwaran.
Tɩa yuu ləzoni tə mama maga pupwən cə̀rí,
Ba-Yígúrə́-Jə-Tiu yuu nə!
2 Á tʋŋa á pa Ba-Yígúrə́-Jə-Tiu nə də pupwən!
Á bɩ̀án ʋ yáá con də pupwən gwaran!
3 Á yənə də Ba-Yígúrə́-Jə-Tiu yɩ Yɩɩ!
Ʋ mʋ̀ nə fwa nəba, yá nə yɩ ʋ mʋ̀ nə tɩ!
Nə yɩ ʋ mʋ̀ lɩ̀à,
yá ʋ mʋ̀ nə ywàŋá nə yuu, ndə pee nə!
4 Á zwɩa ʋ dìə̀ tə mimien tə wa də dɩ̀ɩ̀n jwɩɩ!
Á zwɩa ʋ dəwoo tə wa də bʋra!
Á sənə wá, á bwɩa ʋ yɩrɩ tə nə!
5 Cɩ́gá, Ba-Yígúrə́-Jə-Tiu ziən.
Ʋ wʋywaŋʋ* tə ba zwɛ̀,
ʋ ga yɩ pùə́ nədʋ tíú,
máŋá də máŋá mama wuuu.