Yɩɩ nə yɩ pɩ̀ʋ́
93
1 Ba-Yígúrə́-Jə-Tiu nə yɩ pɩ̀ʋ́,ʋ mʋ̀ nə jə dun nəfarʋ,
dɩ̀àn kɩkarɩ wá ndə ʋ tàŋá voru nə.
Kʋ pɩn tɩa tə ja dɩ̀àn, ka ba sʋsʋga.
2 Fuən mama, n pàrɩ̀ tə jə dɩ̀àn,
n wulə máŋá mama wuuu.
3 Mʋran tə yàá fwa zizigu, Ba-Yígúrə́-Jə-Tiu!
Mʋran tə yàá fʋrɩ,
mʋran tə zizigu yàá súrí wuuu.
4 Yuu-Tiu dɩ̀àn dwə nɩ́á kapʋpʋ zizigu,
ʋ dɩ̀àn dwə mʋʋ navoo nəfaran fʋra!
Ba-Yígúrə́-Jə-Tiu nə wulə won mama yuu wa, lanworu tə wa.
5 N yìə̀n tə n nə pɩn nii tə yuu wa,
sə ba twá tə nə, yɩ cɩ́gá cɩcɩ.
Ba-Yígúrə́-Jə-Tiu, n dìə̀ tə mɛ sə ka ya parɩ,
máŋá tə mama lʋʋ nə wá ya lá.