Siyon yɩ dwíə́ tə mama nyɩna tɩʋ
87
1 Kore bɩ̀á gwaran. Nuŋə.
Ba-Yígúrə́-Jə-Tiu lwə̀ Siyon tɩʋ tə pɛɛn tə yuu wa tə nə yɩ parɩ.
2 Ʋ swə Siyon tɩʋ tə ʋ doni tɩan tə mama
Zwakɔbə lʋʋ nii tə wa.
3 Ba swɩ̀n yìə̀n tə nə pɩn dun
n mʋ̀ Yɩɩ tɩʋ tə nə. Zɩgɩ sìí bwálɩ́
4 À gàlɩ̀ Ezwipətə də Babɩlɔnə
à kəni lʋʋ níə́ tə wa, ba nə yə̀ə́ nə.
Nəŋə Filisi, də Tirə, də Kuswəa lʋʋ nii tə:
Mə lá nə ba lɩrɩ bɛɛ wà tə.
5 Yá ba mɛ sə ba swɩ̀n Siyon tɩʋ tə mʋ̀ yoo, ba wʋ́:
«Ba lɩrɩ lìù mama kʋ wa,
kʋ ga yɩ Baan Yɩɩ nə pɩn kʋ dɩ̀àn.»
6 Ba-Yígúrə́-Jə-Tiu gàlɩ̀ dwíə́ tə ʋ pʋ́pʋ́nɩ́ sagɩ wa, ʋ wʋ́:
«Mə ba lɩrɩ bɛɛ wa tə bwálɩ́ kʋ tə wa.» Zɩgɩ sìí bwálɩ́
7 Lɩ̀à tə nə nuŋə də ba tə nə sɛ mà cə̀rí, ba wʋ́:
«À nabuliyɩa tə mama wulə n con!»