Yuu-Tiu swɩ̀n sìə́ yoo
85
1 Gwàgá yáá tíú gwaran. Kore bɩ̀á gwaran.
2 Ba-Yígúrə́-Jə-Tiu, n pɩn yuywaŋʋ n lʋʋ nii tə nə.
N pɩn Zwakɔbə dwíí tə pìí kʋ bà.
3 N lɩ n lɩ̀à tə yuu yolwana tə,
n kwɛn ba cʋna tə mama n lɩ n də ba pwə́rə́ wa. Zɩgɩ sìí bwálɩ́
4 N pɩn n lɩŋa tə mama tʋ,
n dʋgʋ n lɩŋa nəfarʋ tə vàn nə.
5 Nə tíú Yɩɩ tə n nə yɩ nə jonu, pa nə pìí nə bà n con!
Dàn ká ja pubʋla də nəba.
6 N lɩŋa tə wá zàn nə yuu wa máŋá mama naaa?
N wá pa n lɩŋa tə ya nə yuu wa, máŋá də máŋá mama wuuu naaa?
7 N bá pìí bà n pa nəba mɩɩ,
sə nə mʋ̀ n lɩ̀à tə fwa pupwən də mʋ́?
8 Ba-Yígúrə́-Jə-Tiu, bɩrɩ nəba n wʋywaŋʋ* tə,
n ga pa nəba n mɩɩ tə.
9 À cʋga kʋ tə Yɩɩ nə swɩ̀n.
Ba-Yígúrə́-Jə-Tiu swɩ̀n sìə́ yoo, ʋ nə wá pa
ʋ lɩ̀à tə nə, ba nə yɩ pùə́ nədʋ tɩ̀án,
sə ba kʋ́ʋ̀ dàn ká pìí ba tʋn ba ləyiri tə.
10 Cɩ́gá, máŋá bwə́lə́ sə ʋ jon lɩ̀à tə nə dəri ʋ fən,
sə ʋ dun tə ga ya nə lʋʋ nii tə wa.
11 wʋywaŋʋ də cɩ́gá jeri duən,
cɩ́gá cwəŋə də sìə́ kʋkwalɩ duən.
12 Cɩ́gá pɛ́n ka naŋa tɩa,
cɩ́gá cwəŋə ga naŋa yɩɩ ka cwi.
13 Ba-Yígúrə́-Jə-Tiu tətə pɩn ywánɩ́,
nə tɩa tə ga pɩn wiən bɩ.
14 Cɩ́gá wulə ʋ yáá ka vəli,
ka nɛɛ ga túŋə́ cwəŋə.